المعلمات والاداريات والمعاشات

بسم الله الرحمن الرحيم

السلام عليكم ورحمة الله وبركاته

الموضوع هذا لأني شفت الصراع والاختلاف على الرواتب

أول شي اداريات المدارس ما ننكر انهم أكثر التزام بالدوام من نظائرهم في الوزارات الثانية

يعني كافي انهم يدشون المعتقل معانا وطلعتهم ودخلتهم بحساب

يعني الزيادة عليهم بالعافية بس بعد المفروض يزيدون المدرسات

ولحد يقول المدرسات توهم زايدينهم

زادوهم 100 وبالمقابل جاهم كنترول وملف انجازي يعني كله بحسابه

وصحيح ان اداريات المدارس البكالوريوس مظلومين يعني ما بينها وبين الدبلوم شي

بس بعد لازم يكون فيه فرق بين المعلمة والادارية تدرون ليش :

لأن احنا في الفترة اللي ما فيها طالبات نجرب الدوام الاداري

وما شاء الله كافي انج تداوين الصبح ما تحاتين شي وراج لا طابور ولا حصة أولى

والله يا بنات لا تقولون المدرسات ما يسون شي ؟!!!!!!!!!!!!!!!!!!!!!!!!!!!!!!!

لأن كافي الضغط النفسي

المعلمة دايما تحاتي :

طابور – حصة أولى – تحضير – تصحيح – احتياط – مناوبة

وكله كوم والزيارات كوم

يعني تخيلي انتي تعبانه – نفسيتج تعبانه – عيالج مرضان

لازم تدشين الحصة وتكونين مستعدة لأي زيارة

لأن مصيرج وتقديرج متوقف على هالزيارات

واذا انتي شاطرة ومبدعة والموجهه زارتج مرة بالكورس وكانت حصتج يعني وما توفقتي فيها

خلاص تقريرج راح يتأثر بهالزيارة

غير جذي الادارية من تطلع من الدوام وقتها ملكها لها و لعيالها

احنا شغلنا من تحضير وتصحيح لاحقنا لي البيت

أحلى شي بالدنيا لما تطلعين من الدوام وخلص شغلج خلااااااااااااااااااااص تنسينه لي ثاني يوم

اللي باقوله ان المعلمة تتعب -وغير التعب تعب نفسي على طول تحاتين

فلحد يقول لا المعلمات زادوهم خلاص !!!!!!!!!!!!!!!

يعني في فرق بالشغل – لازم يكون فيه فرق بالراتب

والمفروض يكون فيه فرق بين شهادات الدبلوم – والبكالريوس موأقل من (200 )

وبعد فيه فرق بين البكالريوس الاداريات – والمعلمات ( مو أقل من 200 ) صحيح نفس الشهادة – بس مو نفس الشغل

والمعلمة تجرب الشغل الاداري في فترة غياب الطالبات ومجربة الفرق

ولا حد يزعل

والله يرزقنا واياكم والمسلمين جميعا

الجوهرة 777