المقلوبه لدوام زوجي قرب يالحبييييييييييييييييييييب

السلام عليكم

شلونكم ياحبيبات ألبي

ربع زوجي بالدوام ( اصدقائه ) يموتون على شي اسمه مقلوبه من ايدي <<<< اموت عالثقه خخخخخ

ودايم يطلبونها مني ياربي ماشاء الله عليهم مايملون انا مليت من كثر مااسويها ودي اغير بس قالوا

راسج والف سيف مقلوبه يعني مقلوبه قلت اوكي على هواكم تعالوا شوفوا التفاصيل المصوره

طبعا بالبدايه خخخخخخخخ وين بتروحون مني اليوم ناويه عليكم نيه ادري مستعيلين عالصور صبر

لازم ابرد جبدي لووووووووووووول

السحور يتكون من مقلوبة دياي وخضار + دقوس + سلطه

زوجي قال لاتسوين حلو الشباب عليهم الحلو والمشروبات

عدد الاشخاص خمسه وخميسه لوووووووووول

والاكل راح يروح للدوام بالجدر والباجي عليهم

هذي الطريقه بالصور

بسم الله ماشاء الله لاحول ولا قوة الا بالله

طبخت الدياي مع بصل وثوم وبهارات الفوح وبعدها قليته قلي خفيف

جهزت الخضار المقلي واهو بطاط بيديان وجزر وحمرت جوانج بصل

طبخت العيش بماي الدياي وشخلته شوفوا شلون المشخال كسر فيني خخخخخ ماكفى العيش

بس على منو انا راعيتها وعندي تجارب سابقه طلعت المشخال الثاني لووووووووووول لأن مغسلتي ماتكفي

مشخال كبير خبركم اوخيتكم ساكنه بأجار صار لها 11 سنه يالله هانت كلها 11 سنه ثانيه ويطلع لنا بيت هههههه

بعدين صفيت الخضار بالجدر اول شي حطيت البصل وبعدها البطاط والجزر وبعدين البيديات

واخر شي صفيت الدياي وخذيت شوية عيش وخلطته مع زعفران وكملت كمية العيش الباجي

طبعا الكميه كبييييييييييييره والصوره مااحسها تعبر ترا الجدر كبير وسويت جدر ثاني لي انا وبنياتي خخخخ

لازم عقب هالتعب ادلع روحي خاصه ان يومها ماكنت متفطره عدل

شوفوا صور الجدرين الاحمر لنا والثاني لدوام زوجي

واللحين خلص العيش ومابقى وانا مجهزه الدقوس والسلطه من قبل وماباجي الا ياخذه زوجي ويطير في للدوام

هذي السلطه وحطيت الصلصه داخل الفلفل البارد وبعدين غطيتها بكبوسها لوووووووووول

وعاد قبل مايطلع زوجي وصيته يصورلي الجدر بعد ماينقلب لأني موواثقه بقدراتهم هالمره الجدر وايد كبير لووول

قال مالج امل واقعد اترجى فيه ياعمري ياقلبي ياحياتي مابقت كلمه حب وغزل الا وقلتها قال لأ يعني لأ

بس بعد عمري ماهان عليه يكسر بخاطري ومااشوف الا واصلني منه ام اس ام ولا الصوره وهذي اهي شوفوها

ماشاء الله عليهم بألف صحه وعافيه بلشوا ياكلون مانطروه يصور يعله من مداخيل العافيه

طبعا بنات انا مالي شغل الجرايد اللي تشوفونها مالي علاقه فيها هذا شغل شباب مع اني حاطه لهم السفره بس زوجي يقول

لقيتهم فارشين وخالصين لوووووووووووووول

وهذي صورة جدري انا وبنياتي بعد ماقلبناه

والصدمه خخخخخخخخخخ وصلني ام اس ام ثاني من زوجي شوفوا الصوره معاي

بس اول قولوا ماشاء الله لااله الا الله

مساكين ماكلوا شي لوووووووووول لابعد في واحد ياته مكالمه ضروريه مااكل خلوله شوي

لاوالله فيهم الخير خووووووووووووش ربع

واللحين عاد انتوا شرايكم فيني راعيتها ولا موراعيتها

ولا تحرموني من دعائكم وردودكم الحلوه