الي راحت كوانزو بالصين بليز تساعدني

همممم
حبيبتي انا من سنتين رحت الصين
بالنسبه لكوانزو سكنا في فندق الهوليدي ان وتحتنا كان سوق حليو بس اسوقتهم تصدعين فيها عموما ترى اغلب المقاسات كانت صغيره وعلى فكره الهوليدي ان اثنين واحد بس شقق فندقيه وواحد فندق عادي احنا كنا بالفندق العادي لان التكاسي كانوا يسألونا انتوا اي واحد

اكو سوق بكوانزوا كنا وااااااااااااااااااااايد نروح له اسمه بيجيلو (بيجي من بكين ,لو يعني سوق)
هالسوق قي وايد محلات وفي دواعيس وايد وهناك بتلاقين محلات تبيع جناط تقليد اذا بتيبينهم بضاعه بتلقين شغلات حلوة انا عن نفسي ماحب التقليد انتي من سأل عن رايج خخخخخخ

المهم كان معانا لسته خذيناها من المكتب والي بدوره ماخذها من الملحق الثقافي فيها كل الاسواق بس اغلبها جمله يعني كل يوم نروح هالاسواق وننصدم ان مانقدر نشتري شي والسبه انها جمله

لقينا سوق في سرداب تحت شارع كان يديد بس ماعرف اسمه كانت بضاعته راقيه بس كانوا يبيعون هم بالجمله

على فكره اللسته الي عطونا اياها والي تحتوي عالاسواق فيها سوق للملابس وسوق للاواني وسوق للاثاث وسوق للاجهزة وسوق للخردوات وسوق حق ادوات مكتبيه وسوق حق العاب يعني لسته تبهرج بس الواقع مؤسف
مابي احبطج بس سفرتي هذي كانت مقلب وشربته
بكوانزو كان في مجمعات ماقالولنا عنها بس اكتشفناها بالاخير
المطاعم الي رحنالهم اساميها عربيه من طقة الف ليله وليله بس عيبها ان دايم يكون فيها حفلات ورقص وكانت روسنا تصدع بس مضطرين
اي محلات الجمله الي عجبتنا ماقدرنا نشتري منها لان يبون نشتري عدد كبير بالمئات من نفس المنتج وهذا كان صعب حق بضاعه متواضعه

احلى شي واكثر شي بتلاقينه اهو محلات الشاي الاخضر شي رااااااااااااائع وانصحج تيبين بضاعه شاي اخضر حق الريجيم الحريم بيونج ركض

هذا الي اذكره ان شالله فدتج بس السؤال ليش ماتروحون هونغ كونغ فيها وايد شغلات حلوة ومفرق وهي مدينه راقيه كوانزو موشي ترى
عموما حبيبتي اذا تبين شي قوليللي وان شالله افيدج