الي مسافره دبي من قبل يسعدوني بالامكان الي زاروه

عندج دبي مول فيه الاكواريوم وعندج الامارات مول فيه المدينه الثلجيه وتقدرين تركبين مثل السفينه القديمة الخشبيه الكبيرة وتفتر فيج ساعتين بالبحر معاها بوفيه وبعضهم يكون تبع فنادق انا جربت اللي تبع فندق راديسون بلو وممكن بعد تاجرين يخت ماجربته بس اتوقع غالي بس مقدور عليه للي يبي يونس نفسه صح وفيه النافورة الموسيقيه بدبي مول وفيه عندج مكان اسمه ذا ووك حلو كله كافيهات ومطاعم تروحيله بالليل حلو وفيه اماكن كثيرة هذا اللي يحضرني وانشالله البنات يفيدونج احسن مني

مشكووووووره حبيبتي ما قصرتي

الله يسلمج

1)عندج تقدرين تروحون سفاري ،، بس احس ما يصلح بهالجو حررر يصلح بالايام اللي يكون فيها الجو حلو

طبعا سفاري سيارة لاند كروزر اتييج تاخذج من الفندق اتوديج على ابوظبي بعدين اتطعس هههه فيكم ،، بعدين ياخذونكم بانشيات واللي يبي يركب جماله ،، بعدين ياخذونكم على خيمه كبيرة يكون فيها العشا وهو عبارة عن مشويات وقعدة شعبية المكان وايد حلو يصير بالناس اللي فيه …
2) عندج المجمعات : دبي مول أكشخ شي بعدين امارات مول
3) شارع gbr هذا الشارع تروحينه بالليل حق العشا وايد حلو كله مطاعم راقية وقعدتها حلوة وتكون القعدة في الهواء الطلق ويصير داخل ….
4) دراقون مول : مجمع هو عبارة عن سوق التنين كل تايلنديين اللي فيه يبيعون اشيه حلوة اتحصلين فيه وحلاته تروحينه الصبح يكون شرح ..

بما انه صيف وماشاء درجة الحراره عدنا توصل الخمسين يعني مالج غير مولات وحديق مائيه
دبي مول غني عن التعريف في كتزانيا حق اليهال عالم حلو حق الاطفال حياه ثانيه بيستانسون فيه وفي يلسه برع النافوره الراقصه عجيبه وطبعا اكبر مول فبتحصلين محلات على هواج الغالي والرخيص واكثر الماركات العالميه موجوده فيه
الامارات مول في الثلج رووووعه ينفع الللى كبار والصغار وايد حلو والمول روحه رووووعه
ومردف ستي سنتر بعد وايد حلو في قسمين اللى الالعاب
وعندج ستي سنتر وفستفال والسوق الصيني وسوق نايف شعبي
وفي عالم فراري فابوظبي واااايد يمدحونه بس ماسرته

وعندج المطاعم بكل مكان

وفي حديقتين مائيات وحده فدبي ويسووون يوم الخميس بس حق الحريم

وفي اكبر وحده براس الخيمه اسمها ايس لاند روعه رحتها لانه جريبه منا يوم الجمعه من الساعه ثمن لين الساعه 12 للحريم والدخول ب100 درهم
يمكن عندكم 8ونص بصراحه ماعرف حق عملتكم
والفنادق نصيحتي لج خذيلج بمول احسن
جربت ستي سنتر الشقق الفندقيه والغرف وكلهم اوكيه
وجربت مرتين كمبنسكي اللي فالامارات مول رووووووعه
وجربت دبي مول حلو بس حسيت الغرف اوسع من السويت
وجربت بعد فبرجمان شقق فندقيه روووعه

الاسعار تختلف طبعا لكم اذا تبين غرف على 600درهم فمول الامارات فندق بول مان معروف عندكم الكويتين وايد يسكنووون فيه

وان شاء الله اكون ساعدج بشي

واتمنالج رحله سعيده

وحياج اللله فبلادنا

فمان الله وربي يحفظج*

حبيبتى دبى رووعه وماتحسين لنج طلعت من الكويت

فيه الباص العجيب يستانسون عليه اليهال وقريه مدهش

واذا عيالج بعمر 13او 14 يستانسون على فرارى بابو ظبى تروحين الصبح وترجعين المغرب بس روووعه
سوق التنين حلووو نفس الصينيين ألأى بأرض المعارض بس كبييييير وكل شى فيه

المدينه الثلجيه
الاكواريوم حلوو وخلصى منه وروحى السفينه الشفافه عند الاكواريوم تشوفين السمك تحت سمك الاكواريوم

واذا عيالج يعرفون يغوصون يدخلون مع الغواصين يأكلون الاسماك ومنهم القرش هههههه بس ماخليت عيالى خفت عليهم

مطعم قصر الهند يهبل نفس قيصر عندهم بريانى امممممممم رووعه

اذا تذكرت بردلج
فيه عرض الدلافين بس نسيت وين

عموما حلوه دبى
فندق تشيلسى حلووو شقته كبيره 3غرف وصاله و3 حمامات كبار ويصنف من4 نجوم

الصور ماعندي

رحت تو حق دبي مول والامارات مول وابوهيل وسيتي سنتر