الي مسويين عمليات بأماكن . سؤال عن أثر العمليات

السلام عليكم ورحمة الله وبركاته ..

خواتي الله يخليكم الدنيا صاكة فيني وأبي مساعدتكم ..

أنا ولا بمرة بحياتي تخيلت انه ممكن أدخل عيادة الجراحة والتجميل لكن قدر الله وماشاء فعل ..

عندي بصدري شامة قطرها يمكن 2سم (بحجم غطأ جيك الماء أبو 3 لتر) ..

طالعة فيني من وأنا صغيرة وكنت مقررة أشيلها ليزر بس لما رحت للدكتورة قالت مالك حل الا العملية الجراحية الليزر ما ينفع مع حالتك ..

يوم رحت لعيادة الجراحة و التجميل قالوا لي انه الشق بيكون أطول من قطر الشامة بسم أو أكثر ..
وأنا حيل خايفة من الأثر خاصة اني بنت ومابعد تزوجت ..
فالي سووا عمليات بالصدر سواء تصغير ولا تكبير أو أي منطقة ثانية شكلها مهم .. وش صار عى الأثر ؟
راح ولا باقي ؟
وكيف راح ؟
ووش نوع الخياطة الي سووها ..

هذا شيء .. الشيء الثاني ..
عندنا في المدينة الي أنا ساكنة فيها في السعودية مافيه الا دكاترة .. مافيه دكتورات .
ويوم رفضت ان الدكتور يشوف صدري وسألته عن الدكتورات قال لي إنه السعودية كلها بكبرها مافيها الا طبيبة وحدة للجراحة والتجميل والباقين كلهم دكاترة رجال .
أو طبيبات جلدية يدّعون انهم طبيبات تجميل ..

فأبي أسألكم ..
عندكم دكتورات بالكويت أو تعرفون أحد بالخليج ؟ ميخالف أسافر بس أستحي أطلع صدري قدام رجال غرب ..
أحد قريباتي قالت لي لو كانت الدكتورة حرمة الممرضين وطبيب التخدير ماتضمنين انهم كلهم حريم.. أكيد بيكون فيه رجال ..

ووش رأيكم لو ماحصلت دكتورات !! كيف الوضع ؟
مااستحيتوا انكم تطلعون صدوركم قدام الرجال !!؟

مشكورين مقدماً