صباح الخير
تفضلوا قهوه عشان تركزون معاي
انا الحمدلله للحين ما واجهت اي مشكله مع الزوجي الا عندي معاه مشكله وحده اهي التلفون , وطبعا يا بنات اكيد كلكم
راح تتوقعون ان زوجي عنده سوالفه بالتلفون , لكن لاء زوجي الحمدلله ريال ماشي سيده ماعنده سوالف بس المشكله
اهي انه وايد يدق علي طبعا كلكم بتقولون خليه يدق وان ما عندي سالفه لان هالشي مضايقني , انا صج استانس لما يدق
علي وبنفس الوقت اخاف من عيون الناس , بنات زوجي لما اكون انا بالدوام يدق علي والله وبدون مبالغه ما يقارب
ال 5 مرات هذا بس بفتره الدوام ويدق يبي يسولف معاي لانه صج يحب يسولف معاي او ساعات يدق يعزمني على الريوق
او يتغزل فيني ومن هالحجي بس هالشي يصير جدام بنات الدوام , انا طبعي حيل اجتماعيه ولما اداوم تلقون كل بنات الاداره
عندي بمكتبي يعني الدوانيه تصير بمكتبي وانا ما اقدر اطردهم اهم ايوون علشاني ومو حلوه اني اقولهم لو سمحتوا
طلعوا عندي تلفون , وبصراحه اللي ضايقني موقف صار الخميس دق علي ريلي واهم موجودين وقعد يتغزل فيني
وانا ساكته لانهم عندي يعني شي طبيعي ما راح اقدر ارد عليه واهو يتكلم وانا اقوله ايي ادري جان يعصب ويقولي
ايي روحي جابلي رفيجاتج احسن !!!!!!! وسكر التلفون بويهي انا هني انصدمت وبعدين بدى تعليق البنات ايييييييه شعليه
كل دقيقه الريل داق , يا بختج ياحظج , انتي اكيد ساحرته , واللي تقولي ابي ريلج يعلم ريلي السنع والرومانسيه
انا هني صج انضغطت المهم رديت البيت وتهاوشت معاه لانه سكر التلفون بويهي , واهو كان معصب يقولي انا ادق عليج
لاني احب اسمع صوتج احب اطمن عليج احب اسولف معاج بس الظاهر انا مو قد المقام رفيجاتج احسن جان اقوله
انت ادق علي والبنات موجودين يعني شتبيني اقولهم طلعوا بره فشله جان يقولي لا بس هم انا ليه حق عليج ومن حقي
اسولف معاج وادق عليج بكل وقت جان اقوله انا خايفه من العين ما احب احد يعرف خصوصياتي انت تبطل عيون
الناس علينا بتصرفاتك والله يا بنات ان ساعات يطرشلي ورد الدوام وساعات ايييب ريوق وساعات حلو وبدون ما اقوله
من نفسه وهالشي اكيد ببطل عيون الناس علينا وخصوصا اني بالسابق كنت مطلقه وعندي عيال وعلى فكره ترى الكل
حاط في باله اني ساحرته من كثر ما يهتم فيني , وصج بنات انا وايد قاعده احاول افهمه بس اهو مو راضي يقتنع بس
حاط في باله اني مبديه رفيجات الدوام عليه واني احب اسولف معاهم اكثر منه
بنات شسوي عشان يقتنع ان موحلوه الكل يعرف خصوصياتنا , و مو حلوه اقعد اسولف معاه سوالف خاصه وانا بالدوام
وجدام الناس شلون اخليه يقتنع اني استحي ارد عليه جدام البنات
صباح الخير
انا الحمدلله للحين ما واجهت اي مشكله مع الزوجي الا عندي معاه مشكله وحده اهي التلفون , وطبعا يا بنات اكيد كلكم
راح تتوقعون ان زوجي عنده سوالفه بالتلفون , لكن لاء زوجي الحمدلله ريال ماشي سيده ماعنده سوالف بس المشكله
اهي انه وايد يدق علي طبعا كلكم بتقولون خليه يدق وان ما عندي سالفه لان هالشي مضايقني , انا صج استانس لما يدق
علي وبنفس الوقت اخاف من عيون الناس , بنات زوجي لما اكون انا بالدوام يدق علي والله وبدون مبالغه ما يقارب
ال 5 مرات هذا بس بفتره الدوام ويدق يبي يسولف معاي لانه صج يحب يسولف معاي او ساعات يدق يعزمني على الريوق
او يتغزل فيني ومن هالحجي بس هالشي يصير جدام بنات الدوام , انا طبعي حيل اجتماعيه ولما اداوم تلقون كل بنات الاداره
عندي بمكتبي يعني الدوانيه تصير بمكتبي وانا ما اقدر اطردهم اهم ايوون علشاني ومو حلوه اني اقولهم لو سمحتوا
طلعوا عندي تلفون , وبصراحه اللي ضايقني موقف صار الخميس دق علي ريلي واهم موجودين وقعد يتغزل فيني
وانا ساكته لانهم عندي يعني شي طبيعي ما راح اقدر ارد عليه واهو يتكلم وانا اقوله ايي ادري جان يعصب ويقولي
ايي روحي جابلي رفيجاتج احسن !!!!!!! وسكر التلفون بويهي انا هني انصدمت وبعدين بدى تعليق البنات ايييييييه شعليه
كل دقيقه الريل داق , يا بختج ياحظج , انتي اكيد ساحرته , واللي تقولي ابي ريلج يعلم ريلي السنع والرومانسيه
انا هني صج انضغطت المهم رديت البيت وتهاوشت معاه لانه سكر التلفون بويهي , واهو كان معصب يقولي انا ادق عليج
لاني احب اسمع صوتج احب اطمن عليج احب اسولف معاج بس الظاهر انا مو قد المقام رفيجاتج احسن جان اقوله
انت ادق علي والبنات موجودين يعني شتبيني اقولهم طلعوا بره فشله جان يقولي لا بس هم انا ليه حق عليج ومن حقي
اسولف معاج وادق عليج بكل وقت جان اقوله انا خايفه من العين ما احب احد يعرف خصوصياتي انت تبطل عيون
الناس علينا بتصرفاتك والله يا بنات ان ساعات يطرشلي ورد الدوام وساعات ايييب ريوق وساعات حلو وبدون ما اقوله
من نفسه وهالشي اكيد ببطل عيون الناس علينا وخصوصا اني بالسابق كنت مطلقه وعندي عيال وعلى فكره ترى الكل
حاط في باله اني ساحرته من كثر ما يهتم فيني , وصج بنات انا وايد قاعده احاول افهمه بس اهو مو راضي يقتنع بس
حاط في باله اني مبديه رفيجات الدوام عليه واني احب اسولف معاهم اكثر منه
بنات شسوي عشان يقتنع ان موحلوه الكل يعرف خصوصياتنا , و مو حلوه اقعد اسولف معاه سوالف خاصه وانا بالدوام
وجدام الناس شلون اخليه يقتنع اني استحي ارد عليه جدام البنات
بس تدرين انتى خرعى قولى تبى ننحسد وينقلب حالنا من عيون الناس قولى له يقولون انى ساحرتك طلعو على اشاعه ترضى انت ينقال عنى جذى
موزين العين حق والناس مايعطون خير قولى اذا تبى تدق دز مسج اقولك اذا ماعندى احد دق او انا ادق عليك على طول ارقى نفسج
بس تدرين انتى خرعى قولى تبى ننحسد وينقلب حالنا من عيون الناس قولى له يقولون انى ساحرتك طلعو على اشاعه ترضى انت ينقال عنى جذى
موزين العين حق والناس مايعطون خير قولى اذا تبى تدق دز مسج اقولك اذا ماعندى احد دق او انا ادق عليك على طول ارقى نفسج
والله عيزت فيه وقتله ان هذا كلامهم يقولي ايي قوليهم انج ساحرتني شتبون !!!!
مشكوره حبيبتي على ردج
وانتي بعد لما يدق عليج لاتقولين زوجي قولي هذي امي او خالتي واطلعي كلميها برا وكلمي زوجج اذا ماكلمتيه يدور غيرج يكلمها واذا كلمتيه واهم عندج روحي مكان ثاني وكلميه الناس ماتعطي خيير
الله يتمم عليج يارب
شوفي فهمي زوجج ان العين حق وترى في ناس مشاكل ولوويه مع رياييلهم ونفسهم تفز حتى لو من غير قصد
قوليله من كثر ما احبك اخاف عليك وعلى حياتنا من الحسد
حلو ان ريلج يدق ويسأل عليج بس قوليله يوم اللي تشوفني ساكته مو لاني مليت ولا مبديه احد عليك,لااا, ساكته وما ارد عليك لان في بنات حواليي ويشوفون ردة فعلي ومن اسكر التلفون يبلشون نغزات وانا خايفه على حياتنا ,ضعاف النفوس بكل مكان
وشوي شوي راح يتفهم
الله يتمم عليج ويحبب زوجج فيج اكثر واكثر
وخواتي اللي ردوا علي اكثر من مره قايلتله هالحجي بس ماكو فايده والله ان مره طرشلي ريوق ما ادري من وين وترقينا وبعدها حاشني
صداع يومين لان صاج كان عندنا وحده عيونها حاره والحمدلله انتقلت وقتله المره اللي اللي طافت حاشني صداع هالمره ما ادري شراح يصير
بس ما كو فايده اللي براسه اني مليت منه
تدرين شتسوين
انتي دقي عليه قبل يدق
يعني كل شوي روحي على صوب وكلميه متى ما حصلت فجه كلميه
جذي ما يدق اهو جدامهم
ماتخافين من بعض بنات المنتدى !!!!!
الله يثبته
والله يرزقني زوج يدلعني مثله هههههههه
حبيبتي لازم كل يوم تقرين على نفسج الرقية الشرعية والله راح يحفظج ويبعد عنج الحسد وزوجج خليه بعد يقرا الرقية حق نفسه
وفهمي البنات انه انتي اللي مدلعته حدج وكل شي يبي تسويله عشان يفهمون انه يدلعج منج انتي
وقولي حق ريلح انت الاول بالنسبه لي واهم شي بحياتي بس انا اسوي جذي لاني اخاف من عيون البنات لانه العين حق وخفف اتصالك ودلعك لي حزه الدوام ولما نطلع من الدوام نسوي كل شيييي
ومثل ماقلتلج الرقية اهم شي ويومياااااا ديربالج العين تذبح
ماتخافين من بعض بنات المنتدى !!!!!
لا ما اخاف من بنات المنتدى لانهم مو قاعدين يشوفون بعينهم وهالاشياء ما تصير جدامهم وبعدين اهم ما يعرفوني شخصيا"
عشان يحسدوني
خايفه من الي بدوامج مو خايفه من بنات المنتدى؟؟؟؟؟؟؟؟؟