انصفووواااا القانونيات والقانونيين ياحكوووومه

بنــــــــــــــات عامه عشان تكون عندهم فكره ويشاركوننا وللقانونيات والقانونيين خاصه

قال الله تعالى : (( ان الله يامر بالعدل والاحسان )) سوره النحل

لانسكت مع الكوادر الي قاعده (( تتعدل )) من مهندسات الى معلمات
حتى المعلمات عدلوا بمسمياتهم وللحين مسمانا باحثه قانونيه مايصير ترى
الي بقسم التحقيقات مسماها محققه والي بقسم الدعاوي محاميه (( وين هالتعديل بالمسمى ))؟؟

صدقوني الي يصير يحز بخاطر كل قانونيه وكل اخت او اخوها قانوني وقانونيه
وتدرون شكثر كليتنا دراستها صعبه وتعبنا من الثانويه بالنسبه العاليه الى الجامعه عشان الشهاده
بنات الي يصير موطبيعي لازم لنااااااا وقفه من الي قاعد يصير

وللبنات الي مايدروووووون ويقولون ليش القانونيات يطالبون بقولهم بالمختصر بجملتين وبس :

1-وحده متخرجه من كليه الحقوق جامعه الكويت معاشها بالوزاره مع قصه التامينات780دينار
تخيلي معاي لاتقولين لا ومومعقوله ,, لاوالله هذا الصج بعينه وعلمه يعني مدرسه وتخصصها مو نادر حتى راتبها840 ولا اذا صبي ولد فني متخرج من الكهرباء والماي راتبه800

واثنيناتهم ابصملكم بالعشر اذا تعبوا قد التعب بدراستنا وطبعا هذا اولا

2-المسااااااااااوااااااااه في تخصصنا وهذا اقل حقوقنا ولمعلوماتكم هذا حق دستوووري بالدستور ,,

انتي بالمهندسه ولا انتي يالمدرسه تتوقعين لما تتخرجين ان الي خريجه جامعه الكويت ولا التربيه الاساسيه رواتبهم الاساسيه تختلف؟؟ (( مع العلم اني محدده الراتب الاساسي الي هوه260))

اكيد بتقولين لا كلنا واحد , هالشي بالقانونيات مو حاصل لان الراتب الاساسي للمحققه او خل نكون اكثر دقه"ومساوااااه"اكثر بالكلام الراتب الاساسي للقانونيه بالفتوى والتشريع اعلى من راتب القانونيه بوزاره من الوزارات((واكلمكم عن الاساسي مو بدلات المكان وطبيعه العمل)) مع ان لاتنصدمين ترى كلهم نفس العمل والوظيفه والواجبات تخيلي؟؟؟؟

3-للمهندسات والمعلمات كادرهم الخاص مايتدخل فيهم تخصص ثاني ,, صح هالكلام؟؟

تخيــــــــــــلي ان كادر القانونيات داخله وياهم تخصصيين مو بس تخصص واحد؟؟ امبيـــــ":
تخصص المحاسبه ( علوم اداري : شكوو ) و تخصص شريعه"اصول فقه" ( شريعه : هم شكوو)
الحيـــن عارفه الكادر اساسه طبيعه العمل ,,بغض النظر عن الشريعه نطوفها ونمشيها يلااااه
لكن شكو المحاسبه بالقانون علمووووني؟؟؟؟

طبعـــاً للحين ماخلصنا هذا ثالثاً ومع هالثلاث الاسباب الرئيسيه والي بصراحه الانسان الطبيعي المعتدل بالصحه العقليه بيقول الي قاعد يصير مو عدااااااااااااااااااااااااااله والله اعلم

4-تدرون من هالاسباب الثلاث بنات القانون اغلبهم يكونون بطاليه عشان ينطرون اماكن فيها زياده على ((هالكادر الي فيه انتقاص وعدم مساواه بين بيننا كقانونيات))والنطره يبيلها سنه وسنتين وموبس النطره حتى الاماكن الي ينطرونها ضروري يكون وياها فيتامين واو عشان تكون فيها ,, وتصدقون بشغله يمكن ماتدرون فيها ان وزاره التربيه للقانونيات الي ياسوا وقالوا خلص بنروح نصير مدرسات بالتربيه مايبون تخصص قانون مع اعلم انهم يقبلون الشريجات الي مشاركينا بالكادر الي همه المحاسبه والشريعه يصيرون مدرسات ومدرسين فيها اما القانون ستوب لييش بعرف؟؟
مع ان دكتورنا عادل الطبطبائي "دكتور ماده دستور بجامعه الكويت" لما صار وزير التربيه هوه الي دخل مواد ( دستور + حقوق انسان ) بالثانويه واذكر والله يومها قالنا راح ادخلهم واخليكم مدرسات فيها تدرسون القانون لان انتم اهلها ,, وطبعا الصدمه ان مدرسات الاجتماعيات يدرسونها ( مع العلم لو تبطلين صحيفه تخرجهم ترى مافيها ولا ماده قانون فيها لادستور ولاحقوق انسان ولا بطيخ)؟؟

اخيراً وليس اخراً ,, قال الله تعالى : (( واذا قلتم فاعدلوا ولو كان ذا قربى )) سوره الانعام
اطلب من الله تعالى جل جلاله الانصاف للقانونيات فدعواتكم بنـــات قولوا اميــن ربي يفرجهاااا