بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
بنات انا الحين متخصصه بالجامعه محاسبة ووايد سمعت عن تخصص التمويل
طبعا بالقطاع الحكومي المحاسب له كادر 150
بس التمويل مالهم كادر بالحكومة
لكن اللي سمعته ان التمويل له مستقبل حلو مجالات عمل اوسع
كون ان المحاسبة مجالها ينحصر بالحسابات وبس
لكن التمويل بكل شي داش
فعشان جذي ودي اسمع منكم اذا عندكم خبره بالتمويل تعلموني اذا يسوى احول تمويل ولا اظل محاسبة
وابي ناس عندهم خبره خصوصا اللي يشتغلون بالقطاع الخاص
وشكرا
السلام عليكم
بنات انا الحين متخصصه بالجامعه محاسبة ووايد سمعت عن تخصص التمويل
طبعا بالقطاع الحكومي المحاسب له كادر 150
بس التمويل مالهم كادر بالحكومة
لكن اللي سمعته ان التمويل له مستقبل حلو مجالات عمل اوسع
كون ان المحاسبة مجالها ينحصر بالحسابات وبس
لكن التمويل بكل شي داش
فعشان جذي ودي اسمع منكم اذا عندكم خبره بالتمويل تعلموني اذا يسوى احول تمويل ولا اظل محاسبة
وابي ناس عندهم خبره خصوصا اللي يشتغلون بالقطاع الخاص
وشكرا
انا اللي مخليني اتمسك بالمحاسبة هو الكادر
لاني ما اضمن الظروف يمكن ما اقدر بالمستقبل اشتغل بالخاص دوام طويل اذا تزوجت ويبت عيال
فقلت اضمن لي معاش قوي بدوام حكومي احسن
بس التمويل فعلا اسمع عنه انه تخصص متتاز ويمشي اكثر بالخاص
بس بسألج
المحاسبة يفرق معاشهم بالخاص عن باقي الجامعيين؟
حبيبتي ما يفرق دراسه المحاسبه عن التمويل وايد .. يعني تقريبا التخصصين مترابطين ويا بعض .. والحين جامعه الكويت صار فيها تخصص مزدوج تمويلمحاسبه .. يعني اللي بياخذ هالتخصص راح يتخرج بشهادتين : شهادة تمويل و شهادة محاسبه
صج ان تخصص المحاسبه معروف اكثر من التمويل .. بس التمويل مستقبله وايد حلو وتقريبا الديره انترست من المحاسبين
وبالقطاع الخاص بالاماكن اللي فيها كوادر مثل القطاع النفطي ما يعطون كادر محاسبه .. لأن فيها كادر النفط نفسه
وترى ما يفرق معاش المحاسبين عن باقي الجامعين ! فما يسوى تدشين تخصص بس عشان يعطون كادر
شوفي شنو تحبين و تميلين له اكثر .. المحاسبه ولا التمويل .. انا درست مواد محاسبه ودرست مواد تمويل .. عندي التمويل وايد احلى بالدراسه و اسهل من المحاسبه بوايد .. وهذا اللي مخليني انوي اني اكمل ماستر تمويل ان شاء الله .. جذي راح اضرب عصفورين بحجر .. بكالاريوس محاسبه وماستر تمويل
وعدل كلام الاخت نونا .. تخصص التمويل مو معطينه حقه كلش بالقطاع الحكومي .. الاهتمام فيه بس ياي من القطاع الخاص
فشوفي شنو التخصص اللي يناسب ميولج اكثر وتخصصي فيه .. بس صراحة انصحج بالتمويل .. ما يتطوف =)
والله انا قاعدة افكر جديا بالموضوع لان شفت ان الحين الاتجاه وايد صاير للتمويل
بس ودي اعرف اكثر عنه يعني مجالات الشغل فيه وين وشنو الوظيفه بالضبط؟
يعني المحاسبة معروفه مجالها بس التمويل شنو بيكون مجالها بالضبط؟
انا اقدر من باجر اغير تخصصي للتمويل بس ماني مستعيله لين اعرف كل شي بالتفصيل
الله يوفقج
شكلي بسوي نفس صبا اكمل بالمحاسبة والماستر اخليه تمويل اذا الله عطاني عمر ان شاء الله
و مرغوبين حييييل
الله يوفقج ان شاء
انا متخرجة تسويق ومتحسسسفة اني ماتخصصت محاسبة
وموفقة حبيبتي
ان شاء اله راح اظل على تخصصي بالمحاسبة وبالمستقبل اذا الله كتبلي اكمل راح اكمل تمويل
ظلي على تخصصج أحسن المحاسبة بكل مكان مرغووب
احنا لا كادر ولا مميزات ثانية حتى شغلي غير عن تخصصي و يظل مسماج منسق إداري
أنا تخصصي تمويل وتوني متخرجه بالصيف محد مقدر هالتخصص والله وخاصة بالقطاع الحكومي .. أما بالنسبة للمحاسبة والله تلقين كل مكان يبيج واهو من التخصصات المرغوبة و وين ما تروحين لج كادر
و موفقه انشالله ……