بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
بنات سااعدوووني ….
زوجي دوامه طويل ويرجع الظهر ….ويحب ع الغداء الاكل الدسم .. او مايكون مره خفيف …
وصرت كل يوم اطبخ رز ودجااج …..او مكرونه ….
بس انا طفشت من هذا الاكل وسبب لي امسااك الله يكرمكم وكمان سبب سمنه لانه داااايم نشويااات …
ياليت تساعدوني بطبخات تكون دسمه وحلوه ….مو شرط يكون فيها رز لكن ممكن تنفع للغداء …وتكون وجبة رئيسيه ….واش ممكن اطبخ غير الكبسه والمكرونه العاديه لاني مااعرف الا هي ….
وحتى نستفيد من بعض ونغير طبخات الغداء لانه لازم كل يوم طبخ
السلام عليكم
بنات سااعدوووني ….
زوجي دوامه طويل ويرجع الظهر ….ويحب ع الغداء الاكل الدسم .. او مايكون مره خفيف …
وصرت كل يوم اطبخ رز ودجااج …..او مكرونه ….
بس انا طفشت من هذا الاكل وسبب لي امسااك الله يكرمكم وكمان سبب سمنه لانه داااايم نشويااات …
ياليت تساعدوني بطبخات تكون دسمه وحلوه ….مو شرط يكون فيها رز لكن ممكن تنفع للغداء …وتكون وجبة رئيسيه ….واش ممكن اطبخ غير الكبسه والمكرونه العاديه لاني مااعرف الا هي ….
وحتى نستفيد من بعض ونغير طبخات الغداء لانه لازم كل يوم طبخ
و عليكم السلام ورحمة الله وبركاته
ما عليه حبيبتي احتسبي الأجر ما في شي يضيع عند رب العالمين
– صينية دياي بالفرن: حطي فيها الخضار اللي تحبونها مع خبز إيراني دسمة وتشبع وفي نفس الوقت تقدرين تتحكمين بكمية الخبز فتصير نوعا ما صحية
– عيش وتونة: شوي عيش أبيض عادي بس 3 أرباع استوا … وحمسي التونة بطريقتج وتقدرين تضيفين معاها معجون أو تخلينها بيضة على راحتج
وفي الجدر حطي طبقة عيش بعدين التونة كلها وعقبها النص الثاني من العيش
– مشخول بطاط وباذنجان وطماط وإذا يبي دايما لحوم سويها مقلوبة ضيفي معاها دياي أو لحم على راحتكم
هذا اللي طرا على بالي وان شالله البنات يفيدونج يا رب
اي وبالنسبة للمعكرونة ترى وايد سهل تتفنين فيها
مادام تعرفين تسوينها ما عليج إلا إنج تغيرين حمستها
يعني مرة لحم مفروم
مرة ثوم تحمسينه بزيت زيتون وتضيفين له دياي مسحب قطع صغار ولما يستوي تحطين مشروم وbaby corn أو ذرة عادية
ومرة نفس الحمسة اللي فوق بس تضيفين لها كريمة طبخ (قصدي اللي مثلكي دي دي أو المراعي)
وهم الحمسة نفسها تقدرين تضيفين لها فلفل بارد وجزر شرايح معاهم صلصة صويا والباستا تكون سباجيتي عشان تصير chinese
وإذا تبين بالبشاميل في خلطات البشاميل الجاهزة في الجمعية اللي بس تضيفين لها حليب
أو انتي سويها حمسي 3 قفاش كبار متروسين طحين بزيت أو زبدة ولما يبدا شوي يتغير لونه ضيفي له 3 كواب حليب بالتدريج
انتي من تسوينها مرة وتضبطينها بعدين راح تبدين تتفنين فيها وتضيفين نكهات على مزاجج من جبن وبهارات وغيره
وعليكم بالعافية ان شالله
مثل
مسقعة بالباشاميل
مسخن الدجاج بالخبز الايراني لذيذه وسهله
باستا بالكريمه البيضاء بالدجاج والفطر والبروكلي
بيتزا التوست والنقانق تحطين توست وتكونين مسويه صلصه معجون طماط والماشروم وتحطين توست بصينيه او بايركس وتحطين فوق التوست الصلصه مالت الطماط بعدها تكونين مقصصه نقانق شرايح بالطول تصفينهم عالتوست وترشين فوقهم جبن الموتزاريلا
وتدخلينهم لفرن حار مدة 5 دقايق
الفرن لازم يكون قبلها شغال مدة ربع ساعه لاتشغلين الفرن والاكل داخله
اموش ربيان يابس مع دقوس صبار سوي شي ماكله زوجج
وافكار يديده وحلوه
ستيك مشوي اخذي الستيك من الجزار
واشتري قلاية غريل مخصصه للشوي تنباع ب ايكيا
تشوين بدون زيت ترى وشوفى الإبهار
مع صلصة ماشروم
وحطى سوتيه خضار بروكلي وجزر وبزاليا اشتريه جيس مثلج من مركز سلطان
وايد افكار حلوه ولذيذه
اذا تحبين افكار بعد حاضرين
واحلى قناة تعلمت منها اكلات اهي قناة فتافيت حطيها وطالعيها والله ماراح تندمين
حتى لو فشلتى مره موعيب النجاح ماايي الا من بعد عدة تجارب
سوي معدس عيش مع عدس مخلوط مع طبق جانبي لحم بالفرن ودقوس احمر وحطي علب روب وسلطه خضرا وجذي افكار
اذا تعرفين تسوين مرق سمج احلى نوع اهو الهامور سهل ومايبيله شي
السمجه تقلينها قبل ولما تستوي تحطينها بصحن بروح وتسوين المرقه وحطي اللى تحبينه فيها مثل طماط معجون بصل محموس ثوم بقدونس كزبره خلصتي طبخ المرقه
دخلى السمج بكل راحه داخل الجدر وقصري عالجوله ولاتحركين السمج نهائيآ عشان مايتفتت داخل المرقه بعدها سوي عيش ابيض مع سلطة جرجير باليمون وزيت زيتون
حطى نعناع
لبن مع مكعبات ثلج
عطيتج بعض من اللي اسويهم حق زوجي واهلي
وسامحيني يالشيخه
نوف يعطيج العافية
استفدت من أفكارج الصراحة
اختي بسكوته
وسبحان الله
شنو حبوها اهلي وزوجي وعيالي
اسويها قبل الفطور بساعه تقريبا وأكترها
مرات احطه ومرات الغيه
تقصين بصله وحده شرايح مو تفرمينه لا نبيه شرائح رفيعه وناعمه
تاخذين قرع بحجم كف اليد تبشرينه شرايح بمبشرة الجزر الحديد عرفتيها
تاخذين حبة بطاط عوده كبيره وهم تبشرينها شرايح
تاخذين حبة جزر وحده تبشرينها ناعم بالمبشره او شرايح
تشغلين الجوله اللى هو الطباخ
تسخنين السمنه
تحطين اول شي البصل
تقلبينه لين يصير ذابل مو مشوقر او محروق لا نبي البصل طري بس ذابل
بعدها تحطين كل المكونات اللى بشرتيها بالجدر تقلبين فيهم لين يتجانسون
تقطين 2 مكعب ماجي مرقة الدجاج وتحمسين على نار هاديه مانبي المكونات تحترق
لما تحسين شوي اذبلو مو احترقو
تصبين الماي المغلي عليهم
حركي شوي المكونات بالماي
تكونين مقصره عالنار
خليهم نص ساعه او بالنظر لما تشوفين المكونات انطبخو عدل وصارو طريين
طفي النار
در بالج تحطين ثوم راح تخترب ترى
حبة بطاط
حبة قرع بحجم كف اليد
2 جزر
طبخيهم كلهم على نار قويه مع 2 مكعب ماجي و 2 فص ثوم على عداله ماتقصينه
تحسين استوو شفتي حبة العدس استوت والمكونات طرو
اخذي خلاط مولينيكس او اي خلاط عندج للعصير بالبيت
حطي كل اللى بالجدر بالخلاط على مراحل لان اكيد مابيكفي الجدر حجم الخلاط
خلى عندج جدرين عشان ماتتدودهين
واللى تضربينه بالخلاط يصير ناعم عدل فرغيه بالجدر النظيف
خلصتي
بالهنا والشفا
تقدرين تطبخينهم 5 دقايق بعد ضرب الخلاط عالنار
لذيذه
صحيه للأطفال لان كل شي مخلوط فيها الجزر القرع البطاط
وحلوه سواء بروحها للشتا او ارمضان
او مع عيش مشخول
والله روعه تهبل شحلاتها
واى وحده تقدر تتعلمها خلال ايام وممكن تضبطها بنفس الوقت
والبركه وبكل آمانه
وربي فوقي
قناة فتافيت
الحياه حلوه
صج هالقناة علمتنى اللى محد كان يتوقع ان بيوم راح اطبخه
قطه لحم طريه من الجزار ولازم تكون ورديه مو حمره على سواد لاتاخذينها
اقطعها بالبيت بعد ما اغسلها عدل وانظفها مكعبات وسط
اقطع بصله مكعبات وسط
اخذ انا فطر ماركة مالينغ الكويتي لان الفطر الوحيد اللى اي على عداله كبااااار
العلبه فيها 5 حبات فقط من كثر ماشاء الله كبر الفطر فيها
اخذ علبتين حديد فطر ملينغ
احمس البصل بالزيت زيت عافيه سائل
احط اللحم بعد ماشوف البصل بدا يشوقر
احط قفشة صغيره بهارات مدراس وبهار كمون ولحم واريغانو وكزبره البهار طبعا
عالنظر انتى وذوقج بكمية البهار
وتحمسينهم مع رشة ملح
تاخذين شدة كزبره خضرا فرش موبقدونس لا كزبره لان ريحتها وطعمها الذ
حمسيهم اخر شي لما يستوي اللحم ويحمر شوي حطي الفطر كيفج تبين على عداله
اول مقطع نص فقط
هم حلوه
تنوكل مع توست او خبز ابيض
او عيش
انتى وذوقج
شوفي موضوعي هذا فيه كذا وصفه سهله وبسيطه
النت والأنستقرام مليااااااااااااااااااان وصفات