بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
هلا حبوبات
زي ما أنتم شايفين العنوان مشكلتي 24 ساعه بالبيت مااعرف شي مثل البنات مطاعم وروحه وجيه وصديقات مافي 
كيف يابنات أعرف اطلب اذا رحت مطعم ابتعلم كيف والفنادق الفخمة وكذا اللي يساعدكم لاني تووظفت وظيفة تتطلب ذلك اقسم بالله أ تفشل ماعرف شي
مثل الاطرش بالزقه زي ما أقول لكم بالضبط رحت مع وفد الفندق ماعرفت حتى افتح الباب .gif "Eh S(2)")
والبنات بالمطاعم يحبون كذا وكذا وأنا اطلب ع البركة يارب توقفني 
واذا طلعت من البيت مدري منين جيت وين رحت كل الناس يتضحكون علي حتى عمي يقولي حولا
ادري تقولون أنتي مدمغه بس الحمد لله أنا متميزة بعملي بس عندي المشاكل الثلاث هذي يمكن لقلة اختلاطي بالعالم وقلة خروجي
اللي تبي تضحك عاتي .gif "Eh S(22)")
بس والله محتاجة مساعدتكم من قلب لاني تعبت والله تعبت الله يفرج همها اللي تفيدني ويحرم وجهها ع النار
دعواتكم .gif "Eh S(17)")
هلا حبوبات
زي ما أنتم شايفين العنوان مشكلتي 24 ساعه بالبيت مااعرف شي مثل البنات مطاعم وروحه وجيه وصديقات مافي
كيف يابنات أعرف اطلب اذا رحت مطعم ابتعلم كيف والفنادق الفخمة وكذا اللي يساعدكم لاني تووظفت وظيفة تتطلب ذلك اقسم بالله أ تفشل ماعرف شي
مثل الاطرش بالزقه زي ما أقول لكم بالضبط رحت مع وفد الفندق ماعرفت حتى افتح الباب
والبنات بالمطاعم يحبون كذا وكذا وأنا اطلب ع البركة يارب توقفني
واذا طلعت من البيت مدري منين جيت وين رحت كل الناس يتضحكون علي حتى عمي يقولي حولا
ادري تقولون أنتي مدمغه بس الحمد لله أنا متميزة بعملي بس عندي المشاكل الثلاث هذي يمكن لقلة اختلاطي بالعالم وقلة خروجي
اللي تبي تضحك عاتي بس والله محتاجة مساعدتكم من قلب لاني تعبت والله تعبت الله يفرج همها اللي تفيدني ويحرم وجهها ع النار
دعواتكم
الحياة تجارب
محد طلع من بطن امه يعرف كل شي
اهم شي عززي ثقتج بنفسج وتقبلي الهفوات والاخطاء بروح رياضيه
بالنسبة لمشكلتج
شوفي شنو اكثر مكان ممكن تنعزمين او تروحين له بحكم شغلج
واخذي اختج او امج (شخص ترتاحين له وماتحسين بالاحراج معاه اذا غلطتي)
وزوري المكان كذا مرة وطلبي منيو المطاعم والكوفي شوب للاطلاع
او ممكن تزورين مواقع الكترونية خاصة بالمطاعم اللي موجوده هناك عشان تاخذين فكرة
حياتي اكلي اللي يريحج واللي متعودة عليه
لا تلتزمين ب اتكيت معين مثل مقبلات وسلطات ووجبة رئيسية وحلو
لا خلج ع راحتج
وعسى الله يوفقج
الموضوع جدا بسيط كلنا بالبدايه واول زياره لنا بأي مكان سواء مطعم فندق او حتى السفر لدوله جديده يكون الشي هذا بالنسبه لنا مبهم
فشلون انتي تتخطين هذا الشي
اذا زرتي المطعم نادي الجرسون واستفسري عن احسن الاطباق عندهم
قوليله شنو تحبين تأكلين واهو راح يساعدج
مثلا انا احب اجرب كل شي جديد
فا يوم ادخل المطعم استفسر شنو احلا شي عندكم يقولي عندنا جذي وجذي واهني يشرح لج كل اكله شنو فيها
اهم شي انتي لاتحاتين الكل جذي بالبدايه بعدين تتعودين عالوضع