السلام عليكم شلونكم بنات//بنات انا بسوي عمليه اطفال الانابيب اول مره راح اسويهااا وماعرف اي شي عنهااا؟؟؟
بنات تكفون بأي مستشفي اسوي العمليه وعند اي دكتور عفيه اللي جربت هالتجربه تقولي وتفيدني لانه بنات صارلي 6سنوات وماصار عندي بيبي وتبون الصراحه وهاذي الصراحه عمري ماقلتها لا حق خواتي ولا رفيجاتي ولا بنات خالتي كل اقول عاادي اليهال مو شي مهم يعني اكابر جدامهم لكن عندكم لا والله بموت علي ماشوفلي بيبي يقولي ماما او اللعب معاه والله اني بموت من الوحده والله اني قاعده اكتب الموضوع وعيوني اربع اربع.gif "Eh S(2)")
والمشكله اللي مخوفتني واايد من العمليه اني انا اخاف من البنج الكلي والدكتور يقولي اان البنج اللي بعطينياه مو بنج نفس الابره المنومه وانا اقترحت علي الدكتور اني اخذ بنج نصفي بس الدكتور يقولي حرام اعطيج ابره ظهر عشان شغله ربع ساعه وانتو شرايكم شنو اخذ ابره منومه ولا ابره ظهر وين اسوي وعند منو عفيه فيدوني لان يمكن اسوي هالاسبوعين ضروري تردون علي ولا تقصروون معاي ولكم دعوه من بكل صلاه فجر……..مشكووورين
السلام عليكم شلونكم بنات//بنات انا بسوي عمليه اطفال الانابيب اول مره راح اسويهااا وماعرف اي شي عنهااا؟؟؟
بنات تكفون بأي مستشفي اسوي العمليه وعند اي دكتور عفيه اللي جربت هالتجربه تقولي وتفيدني لانه بنات صارلي 6سنوات وماصار عندي بيبي وتبون الصراحه وهاذي الصراحه عمري ماقلتها لا حق خواتي ولا رفيجاتي ولا بنات خالتي كل اقول عاادي اليهال مو شي مهم يعني اكابر جدامهم لكن عندكم لا والله بموت علي ماشوفلي بيبي يقولي ماما او اللعب معاه والله اني بموت من الوحده والله اني قاعده اكتب الموضوع وعيوني اربع اربع
والمشكله اللي مخوفتني واايد من العمليه اني انا اخاف من البنج الكلي والدكتور يقولي اان البنج اللي بعطينياه مو بنج نفس الابره المنومه وانا اقترحت علي الدكتور اني اخذ بنج نصفي بس الدكتور يقولي حرام اعطيج ابره ظهر عشان شغله ربع ساعه وانتو شرايكم شنو اخذ ابره منومه ولا ابره ظهر وين اسوي وعند منو عفيه فيدوني لان يمكن اسوي هالاسبوعين ضروري تردون علي ولا تقصروون معاي ولكم دعوه من بكل صلاه فجر……..مشكووورين
والله يرزقج انشالله بالتووم وانشالله تكون صحتهم زينه
اللهم امين
وانتي اذا صليتي ادعي هذاا الدعااء
((اللهم لاتذرني فرداً وانت خير الواثين )) هذاا الدعااء تدعينه عند السجووود باذن الله الواحد الاحد يرزقج
بالاطفااال
ثانيا اذا زوجج بالجيش او الداخليه العمليه ببلاش عن طريق الصباح (اسمه علاج بالداخل)
ثالثا العمليه بنج موضعي مو كامل انا سويتها وانتي تختارين
رابعا لاتحاتين سهالات من رب العالمين
انا سويتها في رويال حياة عند دكتورة حفصه البوعركي وما انجحت الله ماكتب لي حمل عقبها بكم شهر حملت طبيعي ورفيجتي سوتها معاي حملت وان شاء الله اذا الله كاتب لك راح تحملين
رويال حياة عنايه وفريق طبي شاطر وحيل معاملتهم حلوة
الله يوفقك
تقزين ابرة في بطنج وفخذج
والبنج الموضعي يقزونج ابرة داخل بالمبايض بس كلش ماتحسين فيها ماتعور
وكله باجرة كل ابرة تنقز فيها اجر
وكل شي يهون عشان الضنا اللي سوها مو احسن منج
شوفي تجارب البنات بقسم تاخر الانجاب
انا سويت العمليه ولله الحمد والمنه ثلاث مرات اثنين انجحوا لك الحمد وواحد مااستمر ثلاث اشهر واجهضت طبعا مو بالكويت سويتهم في الاردن عند دكتور زيد الكيلاني
بعد مايشووفون انه البويضات ممتازه ووايد وحجمهم كبير يقلون لج بعد يومين مافيه جماع تجين عندنا نسحبهم
واختي سحب البويضات لازم يكون بنج عام ليش تخافين من اابنج العام احسن شي ماتحسين بشي
طبعا يسحبون جميع البويضات الكبيره
بعد الافاقه يقولون لج توكلي علي الله ويدقون عليج بعدها بيوم وطبعا مافيه جماع يقولون لج سحبنا منج مثلا بويضات بالعدد الفلاني وتم تلقيح بويضات بالعدد الفلاني مو ظروري يتم تلقيح البويضات كلها انا سحبوا مني ١٥ بويضه وتلقحوا فقط ٩ بويضات
بعد مايتلقحون البويضات يتصلون فيج تجينهم وتكونين زاهبه للترجيع
اهني يكون مافيه بنج لانه ماتحسين ولا تتعورين يدخلون انبوب ضعيف حيل وينزلون البويضات بالرحم وتنامين علي ظهرج لمده ساعتين
تروحين للبيت عادي بس طبعا ماتجهدين نفسج وبعد اسبوعين تقدرين تحللين وعسي ربي يرزقج
اي سؤال بالخدمه
انا جربته دكتور فوق الممتاز والي تبي حبوب بروجلتون عندي كميه كبيره
اذا صار حمل متى اوقف هالحبوب