بنات باركولي حامل :) ابي خبرتكم يالحوامل اول مره ومااعرف شييي

بس اختي يوم احملت راجعت عند ماجده اليتامى وولدتها بمستشفى دار الشفا ….

والله يسهل عليج ان شاء الله …

بس فيني شعور غريب ما ادري احس ودي اكل و انا مو يوعانه مع اني ما ابي امتن

و راجعت عند فوزيه القطان بس كان عندها زحمه وااايد ودخلت علي دكتور عندها بالعياده مصري اسمه سيد قطب اتعرفونه زين ولا لاء؟

عطاني فولك اسيد و تحاميل تثبيت مثل فيتامينات حق البيبي و سوالي تحليل دم علشان يشوف هرمون الحمل و بسويه مره ثانيه يوم السبت بعد

اشتنصحوني فيه؟؟ ترا انا بكر اول مره ماعندي ولا فكره عن شي

والفال لي وحق كل محرومه

الله يتمم عليج حملج ان شاء الله و لا تفكرين وايد و اتحاتين ترى موزين نفسيتج اتأثر عالبيبي..

انا اول اشهر الحمل ما ادري اشفيني بس ابجي! لان الهرمونات تكون متلخبطه شوي و حتى بالنفاس هم اترد الهرمونات تتلخبط فتلقين نفسج بس تبين تبجين..لكن لا اتصيرين مثلي حاولي تتغلبين على نفسج و اتلهين عمرج باي شي ..

و حاولي تشربين حليب حتى لو ماتحبينه تغصبيه و لا تشربين قهوه و جاي لانها تأثر عليج لم تاخذين الكمام بتحسين ابكلشي اذا كنتي مدمنة منبهات..

همممممم شنو بعد!

اي لا تشربين غازيات وايد حاولي كله عصاير فرش..

و اذا باجي الشغلات البنات ماقصروا ..

اهم شي ديري بالج على نفسج حبيبتي ^_^