بنات تخصص اللغة الإنجليزية في التربية الاساسيةhelp

انا تخصصي مو انجليزي

بس اذكر البزاز الله يجزاه خير والله خوش دكتور .. أنا تأخرت بامتحان القدرات لانه كنت مسافرة نزل قبولي وأنا مو بالديرة فقلت مابي أخذ تمهيدي ولو أمتحن أنجح لأنه مستواي بالإنجليزي توب

المهم امتحنت الكورس الثاني ويوم علقوا النتايج ولا أسمي اني عديتها ناجحه يعني بس عند التسجيل بالكمبيوتر أنا ساقطه !! رحت كلمته الله يعطيه العافية والله ماقصر نزل معاي بنفسه للتسجيل مع اني ماعرفه ولا عمري أخذت عنده وكلمهم بعدها قاللي إذا صار شي أو طلع لج شي ارجعي لي .. والحمد لله خذيت المواد بدون تمهيدي

امبيه قلت قصة حياااتي ههههههههههههههه

على فكرة الفيلجاوي زين درجاته حيل حلوة بس امتحانته كل شي بالمنهج يجيبه يعني السؤال عن فصل كامل !! إذا ضمنت الإمتحانات تضمن عنده الــ A

هاي

طبعاً آراء البنات بالنسبة للدكاترة تختلف. آنا أحب هالدكتورين: عبدالغني البزاز وعمر الصانع.

البزاز أهم شي عنده المشاركه، وعمر الصانع لما خذيت عنده مناهج كنت خايفه منه لأن سمعت إنه قبل أعلى وحده يعطيها C+، بس الحمدلله نتايج البنات أثبتت العكس. اهوا مذكراته وايد والصعب بهالماده شلون ندرس حق الامتحان، كنت أقرى كل المذكرات، وألخص (أحط الجمل المهمة) ومرات يقول حطي خط تحت هالكلمة يعني بييبها بأكملي الفراغ، نوعية الأسئلة:

20 سؤال صح وخطأ، أكملي الفراغ (واحد بدون كلمات انتي تحطين من نفسج، والثاني مع كلمات) جنه غير الثاني حق توصيل. وسؤالين مقالي بس كل واحد بو 5 أسطر.

وعنده لازم تسوي بحث، تروح مدرسة وتسوي استبيان حق المدرسات أو امتحان حق الطالبات بعدين تحط النتيجة.

أما طرق التدريس هذي وايد سهلة وفرق عن المناهج.

أما فهد الفيلجاوي ما خذيت عنده.

و د.البزاز آنا الكورس اللي طاف كنت أقعد أول وحده وبالنص وماعمره تعبث بأغراضنا.

يعطيكم العافية
ما قصرتوا…..
جد أنا عاجزة عن شكركم ….الله يخليكم لي يارب….برات و الله هذا اللي صار بالنسبة للدكتور البزاز …حتى كنت متضايقه في محاضرته …بس ما تدرين يمكن هذه حركات تطفيش…بعض الدكاترة يسونها عشان البنات تسحب

الله يخليكم يارب….و الله يعينا على هلكورس البديع