بهاراتك الطيبه وسر طبخاتك وبصمتك في الأكل من وين ؟؟

السلام عليكم يابنات ياطباخات ….

هذا أول موضوع لي قلت أفتح موضوع عن بهارات الطبخ الكل ماشاء الله يحط طريقة أطباقة ووصفات كل وحده أحلى من الثانية بس ولا مره أحد حط عن نوعية بهاراته أو من وين يشتريها وشنو الأحسن من الماركات

ماركات في البهارات معليه فوتوها وطنشوا … عموما أنا أسمع من وايد حريم أن البهارات اللي في السوبرماركت مب مثل المحضرة في البيت وساعات يقولون ان التجاري يمكن يكون فيه مكونات مثل حطب مطحون أو تكون البهارات مدة أنتهائها قربت ويقومون يطحنونها ويبيعونها مثل ما تعرفون كلام الناس وغير هالشي فيه ناس تشتري من معامل وحريم يصنعونها بنفسهم ويتباهون بسر الطعم في طبخاتهم وغير اللي تسوي بهاراتها وتطحنها بنفسها وهذي عاد عساها عل القوة وأكيد الطعم فررررررررش بس لازم تعلمنا الطريقة حق نستفيد وأن شاء الله يكون هالموضوع مفيد للجميع …

وأنا عن نفسي بهاراتي من عند الوالده أهي مصدر الأستيراد الله يخليها يارب تطلبها لنا أنا وخواتي وخالاتي وكل العايله من غير ماتعلم لكن باحوس وبادور وباأسئل لكم كل وحده أعرفها عن بهاراتها ومن أعرف شي أو أشوف جديد في السوق باضيفه في هالموضوع لعيونكم يعني انخلي الموضوع متجدد بأذن الله وبس خلاص