تجارب واقعيه عن تعدد الزوجات

بس الوالد الله يرحمه كان متزوج ثنتين ..

والله الحمدالله الوالد عرف يختار (( امي وزوجته الثانيه ))

سكنهم في بيت واحد اول شي كان في مشاكل وغارية وبعدها قعد معاهم وحدد يوم عند الاولى ويوم عند الثانيه ..

صدقيني والله حيـــــــــــــــــل مرتاحين

الحين انادي زوجة ابوي امي ..

وتحبنا ونحبهـــا وعيالهـــا بالعكس يحبونه اكثر بــعد ..

ونروح ونطلع ويا بعض وعادي اذا ريلي دوام او مسافر خواتي من امي الثانية ايون وينامون عندي

وناشب بعض جنه خوات من ام وحده

الوضع حددده طبيعي

وطبعا للحين عايشين ويا بعض ..

واللي يشوفنا يقول من ام وحده .

واحلى شي لمى اروحلهم الساعه 10 او على جاي الضحى القاهم ثنتينهم قاعدين الله يحفظهم ويسولفون ويضحكون

جنهم خوات ما جنهم شرايج ..

بصراحه مادري شلون صارو جذي هههههه

الله لا يغير عليهــم وعلينــــا.

والله يكافينا شر العين ..

((بناات قولوا ما شاء الله))

..

..

الحمدلله انا ماجربت هالشي ولا وحدة من خواتي او من الناس اللي اقراب مني ..

بس اعرف وحدة من معارفنا .. زوجها تزوج عليها وحدة من جنسية عربية برا الخليج .. زعلت وطلعت من البيت وجبرته يطلقها مع انه ماكان مقصر لا معاها ولا مع اهلها ..

راحت هي وحبت لها واحد متزوج !! وخلته يتزوجها ؟؟

سبحان الله شوفوا الانسان مارضت لنفسها بالشريجة .. قامت خذت واحد من مرته !!

لمهم ان صج الشريجة صعبة .. لان شريجتها ( الزوجة الأولى ) جيراننا ..

وكل شوي تتصل بأمي والا فيني تسال تقول سيارة زوجي برا ؟؟

حالتها حاله !! الله يعينها ويهديها يااارب : )

وبس