بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
حابة اعرف اذا في وحدة عملت هالعملية ؟؟وعند مييين؟؟
لإني مفكررة أسويها
أرجوووكم ساعدوني
طولي مسبب لي حالة نفسية
السلام عليكم
حابة اعرف اذا في وحدة عملت هالعملية ؟؟وعند مييين؟؟
لإني مفكررة أسويها
أرجوووكم ساعدوني
طولي مسبب لي حالة نفسية
حابة اعرف اذا في وحدة عملت هالعملية ؟؟وعند مييين؟؟
لإني مفكررة أسويها
أرجوووكم ساعدوني
طولي مسبب لي حالة نفسية
ان شاء الله البنات يفيدونج
هذي العمليه بلدها الاصلي الصين و طريقتها رخيصه مره بحيث يركبون وصله بلاستيكيه بعد ما يكسرون الساق
وماتطول الا حوالي 9 سم يعني من جدك انتي بتكسرين سيقانك على ولا شي
في جهاز للتطويل تنسدحين عليه يوميا ساعه ويقولون انه يحفز الساق على النمو واذا استمريتي يمكن يطولك خمس سم
بس هذا أهون من العمليه
و يازين القناعه
كثيرر استفدت منه للنصائح العامة
افتكر مرة قرأت خبر منهم انه يوجد عملية تطول اظن 18 سم
و جهازها داخلي يتم تركيبه في العظم يعني فتره و يشيلونه و ما يبين للناس
و بعد 6 اشهر يشيلونه منك و تكونين طولتي 18 سم او 20 سم
لكن افتكر كثيرر مكلفة اقل سعر لها اذا مو غلطانة في حدود الـ 500 الف ريال
وكمان عندنا في السعودية دكتور محمد الصياد برضو يعملها
بس ابغى احد جربها؟؟؟؟؟
انا طولي
152
لكن طولي مسبب لي حاله نفسية ونقص في الثقة
ياليت تفيديونا اكثر
بس حمدلله ترى زين عآد مو قزمه مع آلكعب يصير آوك
والحمدلله على كل حال بس نصيحتي لج لا تسوين العمليه وغيري شوي بموديلاتج وتكونين ان شاءالله احلى وحده
تخيلي يكسر عظمتج ويحط فيها صييخ!! وكل يوم تدووسين عليه!
ووايد حالات تفشل من هالعمليه وعمليه تعذيب صراحه لانه راح تموتين لما تمشين تدوسين عليها تخيلي!!!
راح تعذبين والله مايسوى ترا الكلام اسهل من الفعل
انصحج ارضي بطولج غيرج اقزام حتى متر ماوصلو ومافكرووو يسونها
وشتبين بالطول مو حلو الطول على البنيه و الشباب يحبون البنيه القصيره من 150 لي 160
هالطول يذبح الشباب جنج كتكوته والله يعافي الكعب
فكري عدل ولاتتهورين باجر ماتدرين شصير هاذا عظم واذا في شي كسر عظم عواره يذبح
انا رفيجتي كسرت عظمه خشمها عشان بتسوي تجميل عظمه يديده كله تصيح ماتت من الألم
شلوون الريل فكري عدل حبيبتي وتعوذي من البليس
شوفي ياعمري ,, دوم القصيرة اذا جات حلوة تجي بوجه مايصير على الطويله ..
من جذيه الطوال اللي اجسامهم صح وحلوة نادر مايجون بوجه وايد حلو ..
ومثال على هذا ملكات جمال لبنان الجدد , اللي قليل فيهم جميلات مع انه طولهم فارع ..
بقولج .. ليش ماتصيرين قصيرة وحلوة ..
تدرين متى القصر يصير عيب .. اذا صار على متن .. اذا صار على دفاشه ,, اذا صار بكثرة الديزاينات ..
ابتعدي عن هالعمليات الخطرة ,, اللي حتى نادرة ,, هذول دكاترة بيجربون فيج ,وبالاخير اذا صار غلط محد يتحمل الخسارة كثرج ..
عليج بهدف انج تنزلين وزن ..
عليج انج تشوفين انه جميلات الجميلات اللي ماصارو بزمانهم مثل .. (( سعاد حسني , شيريهان .. نيلي,, نادية لطفي ,, زبيدة ثروت ,, ناهد شريف ,, وغيرهم ))
كلهم طولهم بالخمسين ,, والتقريبي 150 – 154..
وشوفي حلاوتهم ..
ومن الجدد ,, عندج نانسي ,, عندج ميريام فارس ,, عندج راغده شلهوب ,, عندج مذيعات وايد من لبنان روعه بجمالهم ..
وجهم ماله مثيل ..
دوري لج فكرة شلون تخلين القصر يكون حلى لج ..
ضعفي ,, عدلي بشرتج ,, عدلي شعرج ,, لاتسوين ويه عود لج .. لانه اهني بيصير يبين انج قصيرة ..والقصد انج لاتحطين مكياج وايد ولا تكبرين شفايف تحدين من خشمج ..
لاتلبسين شي يكون مو لج .. يعني المكسي فرنسي ,, البرمودات ,,
لبسي ياقصير ,, يا طويل ,, لاتلبسين وسط لانه اهني بيبن ريلج صغيرة ..
وعليج بالكعب .. واذا بتلبسين قصير لبسي نعال واطي ..
ومع الرموش الحلوة ,, والشعر الناعم ,, او الكيرلي القصير ,, والحركات الناعمه اللوكات المتطورة ,, بتصيرين احلى قصيرة ..
ولا تنسين الستر ,, ويقولون ترى حظ القصيرة حلو ,, وكل قصير فتنة ,, ولاتنسين الدراسات اثبتت انه القصيرة مرغوبة عند الرجل حتى بالجنس اكثر بكثير من الطويلة ..
والقصير ذكي دوم .. يقولونها .. يا فتنة ..
انا طويلة ومايهمني طولي ,, ولا قصر احد ,لانه كله . من الله ..
بس العمليه خطيره
الله يخلي الكعب شحلاته من تلبسه البنت يعطيها انوثه
اهتمي بتقاسيم جسمج وبتصيرين حلوه
حمدي ربج و تعوذي من بليس ترا و الله الطول ذرابه و نعومه
بصراحه انا انا طولي 170اتمنا اقصر مع ان ما شاء الله جسمي مثالي و شقره و الكل اقولي بالعكس الطول محليج بس وايد اتمنا طولي يكون 165 جان زين في شي اقصر!
الله يهدي سرج و الله يجمل الجميع ان شاء الله …