تخطى إلى المحتوى
الرئيسية » تجربتي المريرة مع زيادة الوزن ,تحويل المسار , شد الجسم , الترهل بصراحة جدا وبأمانة

تجربتي المريرة مع زيادة الوزن ,تحويل المسار , شد الجسم , الترهل بصراحة جدا وبأمانة

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم

اليوم حبيت أقولكم عن تجربتي المريرة جدا مع زيادة الوزن

وزني خلال الاربعه سنين الي مضوا كان 150 كيلو



وكنت امر في ازمة نفسية من هالوزن

وققرت أسوي عملية تحويل مسار عن الدكتور محمد الجارالله والعملية كانت نااااااااجحة بكل المقاييس وخسرت 60 كيلو وكنت صج مستاتسة

بس للاسف ترهل جسمي بطريقة فظييييعة لرجة قمت أخاف أشوف شكلي بالمنظرة

ومن سنة قررت أسوي عملية شد لجسمي ورحت عند د.أحمد علي بالسلام (حسبي الله ونعم الوكيل ) دمرني وكسر كل أمل فيني
قالي انا ماقدر أسويلج عملية شد لكل جسمك في وقت واحد هذة مجازفة !!!! جسمج مايتحمل

وقلت خلاص اسوي بطني وزنوودي
ودشيت العمليات وصار فيني نزيف و الحين مر علي سنة يابنات والله لايوريكم جرحي لوووونه بني غامج وانا بيضا يعني باختصار تشوهت

والمشكلة الحين عندي ترهل في منطقة الظهر و الفخوذ وكل ما أروح حق جراح تجميل يقولي نفس الكلام اذا سويتي شد لفخوذج الجرح راح يكون مو حلو شكله ولوونه غامج والأمر موقع الجرح خاااااااايس بين الفخذين
وترهل ظهري نفس المشكله الجرح راح يكون كبير و شكله طبعا مووحلو في نص الظهر

يعني شنو الحل ؟ مااعندي أمل وحدي تعبانة ونفسيتي متحطمة

وقررت ما أسوي بعد عمليات واقط فلوسي قررت أستخدم خل التفاح وخلطات زين الاتات واسوي مساج الطحالب لشد الجسم

شرايكم ؟ خواتي والله محتاجه النصيحة ومااابي دعاية حق دكتور لان في بنات مايخافووون الله في دكاترة ودايما يمدحوونهم ومن تجربتي الخاص هالدكاترة فاشلة مثل د.م.الع….

ولاتنسوني بالدعاء والي مجربه شي معين او ليزر او ابر حق الترهل مفيدة تنصحني والله يوفقكم

اختكم :حنوونة

الوسوم:

14 أفكار بشأن “تجربتي المريرة مع زيادة الوزن ,تحويل المسار , شد الجسم , الترهل بصراحة جدا وبأمانة”

  1. مريم
    الرد
    الله يعوضج يا قلبي الحل الرياضه

    وكريمات شد الجسم

    ودخلي نادي وسوي رياضه شد الجسم

    وهذلا الحل الوحيد المناسب والامن

  4. مريم
    الرد
    مايصير لاتأيسين دوري يمكن تلقين احد يعرف لحالتج ترى في دكاترة يسون روحهم فاهمين ويحبطونج شلون مايصير بامريكا اوزانهم فوق 300 كيلو ويسولهم شد ويعدلون اجسامهم وهالله هالله بالرياضة اهي الي صج تشد الجسم خاصة رياضة تحت الماي واللة يسر امورج ويفرج همج يارب

  5. مريم
    الرد
    مثل ما قالوا خواتج .. الحل بالرياضة لأنها شي أساسي بالحياة طول العمر..

    بس اعتقد عمليات الشد برة متطورين أكثر من هني.. عموماً استخيري أهم شي وشوفي ربي شيَسرلج

  6. kouka
    الرد
    اختي انا نفسج جروح العمليات ماتروح تصير بنيه شوفي روحي لاي جراح يقزلج عالجرح ابر كورتيزون اذا الجرح يديد يعني بو 4 شهور او انهم يكشطونه واول مايرد اليلد بيتفاعل يقزونج الابر غير جذي مافي
    انا نفس مشكلتج

  8. hamida
    الرد
    حبيبتي . نصيحتي حقج روحي حق د. نيشو موجود الحين اهوة بمستشفى السيف اهوة واييد شاطر و مو مادي وان شاء الله تحصلين منا الي يطيب خاطرج . بس مواعيدا بالاشهر . عادي نطري المهم اهوة شاطر على حسب خبرتي و الي سامعتا عنا . اذا على الندب الي صارتلج جربي الفراكسل ان شاء الله يتحسن . ما اقولج ايروح بس يتحسن . يمكن ايصلح عمليتج الي فشلت . لا تنسينا من دواعتج

  9. kamiliya
    الرد
    مافي حيل غير الرياضه والسباحه اهم اللي يشدون الجسم بس يبي لهم وقت وانتي عشان الزين لازم تحملين رتبي جدولج واستمري بالرياضه وبتشوفين شلون

  11. kamiliya
    الرد

    واااااي كإنّي انا إلي اتكلّم

    حالي حالج ,, انا كان وزني 148 وسويت تحويل المعده عند الجار الله والحمد لله نزلت اكثر من 70 كيلو

    وما تركت نفسي من اولها رحت للجوري سبا والنادي واأوباجي احاول اشد جسمي حتى ما يترهل لكن فشلت

    والله وقتها قال لي الجار الله ( فلانة نصيحة لا تصرفين فلوسج ماراح يشد جسمج لأن الوزن كبيييير حيل ) وما سمعت كلامه

    خسرت على هالسوالف تقريباً 4 آلاف دينار ولا نفعتني ,و لا رياضة ولا مساج ولا أجهزة للشد

    بعدها من سنة رحت عملت شد حق فخوذي وبطني عند الجار الله نفسه ,, اكيد لو كنت مسويتها عند دكتور تجميل النتيجة راح تكون أضبط لكن النتيجة راضية عليها الحمد لله خاصة بطني صارت ممسوحة الحمد لله ,, والجرح للفخذ من داخل على حافة الفخذ و فوق يعني ما سووها لي بالطول من داخل
    ماصارت فخوذي باربي لكن الجلد الزايد شاله

    وكنت بسوي زنودي وقتها لكن ما اوفق يقول فترة البنج الطويلة ما تستاهل عملية شد فيها خطر عليج , ولأنّي فلّست رحت سجلت موعد بالبابطين وبعد 9 شهور سووها لي لكن للأسف ماكانت ناجحة عدل ,
    الخلالاصة ,,, علامة الجرح اخف عندي من الترهل ,,,يعني اتحمل العلامة لكن ما اتحمل الترهل

    لو انتي تتحملين عادي الترهل خلاص لكن صج اقولها لج وانا مجربة لو الترهل صار جلد ماراح يشد خلاص لا برياضة ولا اجهزة انا 6 شهور أشيل اثقال بالنادي ما نفع ,, الا لو كان خفيف .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.