تجربتي مع شفط وشد البطن

انا من زمان خاطري اسوي عملية شفط الدهون انا مو متينة بس عندي منطقة الارداف مليانة من فوق البس مقاس سمول ومن تحت لارج ساعت احس انها حلوة باللبس بس زوجى وااايد يحبطني الحمدالله عندي 4 عيال وبعد اخر ياهل سوويت رجيم قاسي ورحت حق الدكتور اسماعيل ندا بمستشفى دار الشفا وحددلي موعد العملية واغراني الصراحة بالشد عندي ترهل مال الحمال فبطني ماروح الا بالشد عموما اخذ مني كل التحاليل اللازمة وقالي بعد يومين العملية طبعا ماتتوقعون شنو شعوري باليومين اللي قبل العملية احساس الموت وبس ابجي واطالع عيالي وحالتي حالة ورحت سلمت على اهلي كلهم بالزوارة وطبعا محد يدري اني بسويها الا انا وريلي وبلغت خدامتي عشان تدير بالها على اليهالوكنت مصلية استخارة قبلها والحمدالله كانت اموري كلها متسهلة
المهم رحت الصبح وطولت بالعمليات 4 ساعات وقلت حق الدكتور ضروري يركز لي اكثر شي عالارداف طلعت من العملية طبعا الم وعوار فضيع بس طبعا من تقولين أي يابولج مسكن وتنامين يعني ونسة بس الدكتولر قالي نامي ليلة وحدة وطلعي طبعا مستحيل كنت راح اطلع ثاني يوم لانه في بربيش يطلع من البطن عشان يطلع الدم الزايد اللي بعد العملية وطبعا مستحيل تقدرين تنزلين من الفراش تمشين من الخوف والعوار بعد
قعدت اربع ايام وطلعت الحمدالله امشي بس منحنية وطبعا تعورني العملية ومع المسكنات امشي حالي وطبعا مااقدر انام سيدة لازم رافعة ظهري بالمخادوحالتي حالة بس عموما اللي يبي الدح مايقول اح صح

اليوم لي اسبوع من سويت العملية وطبعا لابسة كورسية ضاغط كامل من تحت الصدر لي الركبة والعملية كبيرة من بداية الحوض تقريبا لي نهايتة
طبعا نفسيتي حدها زفت لان كل شي فني وارم وللحين ماحسيت بفرق باردافي طبعا الدكتور يقولي هذا التورم مال العملية والنتائج تبين بعد شهر والله يستر ماادري شوون بتكون النتايج للي حابة تعرف النتايج تتواصل معاي على مايطوف الشهر على خير اشوووفكم على خير حبيباتي

الحمدلله على سلامتج

الله يقومج بالسلامه

ويوفقج

الحمدالله على السلامه
أنا سويتها
وبعد شهر راح الورم كله
وحدي مستانسه الحين بجسمي

الحمد لله على السلامة

عداك الشر إن شاء الله
عقبالي مع إن زوجي مو راضي ولا يرضى أناقشه فيها

أنا سويتها عند دكتور عاصم في مركز الربيعه،سويت شفط و شد للبطن بس،جسمج راح يصير نفس أول يوم بعد العمليه لأنه من ثاني يوم راح يورم وياخذله شهر مع الكورسيه ،و بالنسبه للسباحه كنت أييب فوطه وأبللها بالماي وأمسح فيها جسمي كله ماعدا مكان الجرح