تخفيف الغازات عند الاطفال

السلام عليكم .. شلونكم بنات .. هذي اول مشاركه لي وإنشالله تعجبكم
انا من اول ما يبت ولدي وانا اعطيه حليب سميلاك لان نفس الحليب اللي يعطونه المستشفى فما حبيت اغيره والحين اسم الله عليه عمره شهرين بس مسكين واايد كان يبجي من المغص والغازات لدرجة ان يكون نايم ويقعد من النوم يصرخ المهم وديته عند دكتوره بعيادة بوشهري كلينك اسمها نوال محمد مها مشالله عليها وايد وايد زينه وسألتها عن الحليب تقول سميلاك وS26 اسوون غازات وامساك عزكم الله المهم قالت لي اما اني اخليه على نفس الحليب واعطيه دوا حق الغازات او اغير الحليب بس اهي كانت خايفه ان ولدي ما يتقبل الحليب انا غيرته الحليب عطيته ابتاميل كومفرت 1 حتى الدكتوره وايد تمدحه تقول راح تشوفين ان ولدج راح يرتاح عليه وخروجه تكرمون راح يتغير لان ولدي كان بالاسبوع يطلع بطنه يومين وقالت لي اخليه اتريع بنص الرضعه واخرها وارضعه واهو تقريباً شبه قاعد وعقب الرضعه اخليه على بطنه 10 دقايق او المده اللي يقدر عليها الياهل عشان الغازات تطلع بوقتها وعطتني ادويه اثنين قالت لي كل ما يخلصون اشتريهم الدوا الاول اسم disflatyl وهذا اطلع الغازات والثاني ما عندي اسمه الحين راح احطه لكم إنشالله وهذا تقول إذا شفتي ولدج يبجي واهو نظيف وشبعان يعني امغصه بطنه تعطينه اياه يعني عند اللزوم وقالت لي اعطيه اعشاب مثل نعناع وحبة حلوه واعطيه عصير برتغال اول يوم قفشة عصير برتغال على قفشة ماي وكل يوم اتزيدين عدد القفاش لمدة اسبوعين والاسبوع الثالث ثلاث ارباع عصير برتغال على ربع ماي لما الاسبوع الرابع تعطينه عصير البرتغال خالي ويفضل يكون عصير برتغال بو صرة عشان يكون حلو وإذا تبين اتحلين الاعشاب عشان يتقبلها الياهل لا تستعملين سكر نبات لان يزيد الغازات حليه بشوية عسل ..

وبعد ما سويت اللي قالت لي عليه الحمدلله والشكر الف الحمدلله ولدي وايد ارتاح

وسلامتكم ,, الله يحفظ عيالنا وعيالكم ويجعلهم من الذرية الصالحه إنشالله

سامحووني طولت عليكم بس حبيت انقل لكم كل شي بالتفصيل والكل يستفيد