بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
سلام عليكم
يخبركم مشكلتي اللي متعبتني واجد وتغكير فيه يهلاك
فليلة عرسنا بعد ماطلن الحريم شاف زوجي زوجة اخوه قاله انتي حلوه
وقدامي وانا ما قالي شيئ وهي شافت عليه بنظر
انا حاسه اني ما قادره انسئ هذا الموقف إلا إذا قلته له تذكير يا فلان ليلة الدخله ……..
حد مر بنفس موقفي البايخ
سلام عليكم
يخبركم مشكلتي اللي متعبتني واجد وتغكير فيه يهلاك
فليلة عرسنا بعد ماطلن الحريم شاف زوجي زوجة اخوه قاله انتي حلوه
وقدامي وانا ما قالي شيئ وهي شافت عليه بنظر
انا حاسه اني ما قادره انسئ هذا الموقف إلا إذا قلته له تذكير يا فلان ليلة الدخله ……..
حد مر بنفس موقفي البايخ
وانتي جم صارلج متزوجه؟؟
يعني هو مدح زوجه اخوه قدامج اخاف قالها من باب المجامله وميانه عادي عندهم هو ادري مو شي عادي وشرعا مايصير بس حبيت اعرف طريقتكم شلون
بعد شنقووول
ماعليه حبيبتي حاولي تنسين هالكلمه وبامكانج تنسينه أهله وطوايفه بسنعج وذرابتج
لاتسالينه ولاتصغرين نفسج بعين نفسج وزوجج
المره تهين نفسها اذا قارنت نفسها بغيرهاا انتي لج جمالج
وهي لها جمالها وكل وحده تعرف تحلي نفسها والجمال مو كل شي عند الزوج
خليج واثقه من نفسج وجمالج وشكلج وذرابتج اعجببه اعجبه واذا ما عجبه بكيفه وهو راح يعجبه غصب
لانه المره هي تحلي نفسها بعين زوجها لما يشوفها واثقه وما همها اي بنت حتى لو بيختبرها ويحرها امسكي نفسج وطنشي وتدلعي
وينسى بناات الدنيا ويلتفتلج ويمكن وقتها ما قالج لانه يستحي ويعنني ثقيل وهالكلام تعرفين الرجال مايحبون يبينون لحريمهم لاتنطرين منه كلمه انتي مابحاجه ان احد يقولج حلوه اولا خليح واثقه ومهتمه ودلوعه ودلعيه وفرفوشه وهو بيركض وراج*
كل شي ولاآ تهتز ثقتج بَ نفسج عزيزتيْ : )
آنتي كبيره بعين نفسج واجمل الجميلات
هذآ يكفي وزيد ^^"
كبري راسج .. لا تتبعين الاشياء الصغيرة ,, الغيرة العمياء تهدم أي زواج ناجح
اسمحي لي ريلج ع النيه وخبل
لو انها صج عاجبته وبينهم شي
تتوقعين بيقولها هالشي جدامج
بس اهي شنو يايبها جدام زوجج ليش تترزز جدام الريال
اتوقع العوابه منها
انا اقول كبري عقلج صج الكلمه جايده وتعور القلب الافضل تطنشين اخاف تكلمينه تفتحين عينه بزياده ع المره
وهالكلمه موجهه لكل زوجه اخو
اتقي الله بنفسج
خافي ربج
وراج حساب وعقاب وقبر متر بمتر
التبرج الزايد خليه لزوجج
تكشخين له عشان تغرينه ويشتهيج ويجامعج
حاطه هالكيلوات من المكياج والعدسات الملونه والجمعه فيها الرياييل تدش وتطلع ولا انتي معزوله وسط حريم الشباب داشين طالعين
شنو قصدج بس بفهم شنو تبين من حموانج؟؟؟؟؟؟؟؟؟؟؟؟
حمره حمرررررره عدسات زرق رموش تركيب تتوقعين حماج يصد ويغض بصره لا فيج نقص تبين الكل يطالعج
الله يهدي الجميع
معااااهااا
1-اذا بينهم ميانه وكل ناس لهم طبع هذي تعتبر مجامله
2-او قالها انتقاد وطنازه على شي شافه فيها
واهم من هذا كله خليك ثقه
صادقة بكل كلمه قلتيها