بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
مبارك عليكم باقي الشهر بنات مادري شلون ابدي معاكم بنات انا ملجةوبعد جم شهر تطلقت وماني عارفه للحين شنو السبب كنا بفترة الملجه وايد زينه وهو بعد هو زين كل شي ابيه يسوي لي وفجاء يبنات تغير مايتصل ولا يسال وان رد قال انا مشغول ورحت قلت لاختي زوجها صديقه وراح يسال الرد مشغول وعنده ظروف وبعد جم شهر قطع فجاء يوم اهلي يسالون والرد كان ورقة الطلاق بنات شنو بنات الناس لعبه عندهم وناس يقولون يبي وحده وناس يقولون اهله مايبوني وناس يقولون انه تسرع بالزوج والله يناس ماعرف شنو الصج شنو بنات الناس لعبه عندهم بس ماقول الا حسبي الله ونعم الوكيل بنات منو مرت مثل حالتي وشنو سوت ابي الرد ولا تبخلون علي
لا تزعلين وتكدرين روحج وتتضايقين ..
كل شي فيه الخيــره
هذا انتو يالبنات ..وقت الملجة سوالف وتلفونات وشوفني واقعد معاي واقعد بغرفته .. وتصير سوالف
حلات كل شي بوقته
اكيد سامع شي .. او شاف عليج شي .. او سبحان الله ..
ماتدرين
انا اقول افرشي سجادتج .. واحمدي ربج ..واطلبي من ربج يعوضج باللي أحسن منه ألف مره
انا اعرف وحده بوقت الملجة اللي ماصارت شهر ..وتطلــــــــــــــقت!
وسبحان الله .. ويجي ولد خالة اللي طلقها ..وتزوجوا ..الله يهنيهم
ماتدرين وين الخيره يا اختي ..
موفقة
من صالحج انج تطلقتي قبل الزواج نفسه.. مو احسن من انج تحملين و تتوهقين بالبيبي ؟!
مبين من تصرفاته انه شخص غير مسؤول وأهله بعيدين عن السنع.. عيل ورقة طلاق !!
تعوذي من إبليس و خلج واثقة من نفسج وكملي حياتج..
الله يكون بعونكـ …. صادقه ولله بنات الناس مو لعبه لهذي الدرجه وصل فيهم الاستهتار بمشاعر وحياة الغير .. لا حول ولا قوة الا بالله
حبوبه اقولك ولا تسالين ولا عليك بشي الحمد لله انتي ما غلطي معه في شي هو الي قليل اصل الله يقلل من امثاله الله بعوضك عنه باحسن منه مليون الف مره وبتشوفين انتي بس توكلي على الله ودعيه ليل ونهار يزيل عنك كل هم وحزن .. ويفرحك ويسعدك قريب ..
بكرة الله يرزقك باللي احسن منه ،، وخليه هو ربه فوقه ،،
لا تفكرين وتنغثين ، الطلاق قسمة ونصيب ، والحمدلله يوم تملك عليك مازادك شي ! ويوم طلقك ماظنيت نقص منك شي !
ردي ثقتك بنفسك ، ولا يهمك أحد ! لا تنكسرين كأنه آخر إنسان بالعالم ! وتشمتين العواذل فيك ،،
اول شي الله يعينج اصعب شي تتطلقين وانتي مو عارفة السبب .. ما عليج باجر عبالج بتعدي عليه جذي ؟؟
لا باجر الله بيجازيه جانه ظالمج .. بعدين فكري فيها انها خيييره .. والله مايقدرلنا الا الخير
و انسي خلاص وعيشي حياتج وباجر راح يتندم قد شعر راسه على اللي سواه فيج
والله يرزقج باللي احسن وارجل منه
ويرزقج باللي احسن منه
الله يرزقج بغيره و يوفقج معاه بإذنه سبحانه و تعالى
و خيره لج إن شاء الله
و انتي مو أول ولا آخر وحده تمر بهالشي
شكثر نفسج و تزوجوا عقبها عادي ما طولوا
و الشي اللي صج يخليج تفكرين : ليش طلقج ؟؟؟
بس أقولج لا تتعبين نفسج دامه انفصل عنج خلاص شيليه من راسج
و توج بسم الله عليج و الله يرزقج يا عمري بالزوج الصالح اللي يستاهلج
صج شي يحز بالخاطر وتعبت نفيسيها بعد قلبي والبنت ذهب شويه عليها اخلاق وسنع
بس شتفول الله يعينها ويعينج ويرزقكم باللي احسن منه
صج موقف صعب بس قدر الله وما شاء فعل صدقيني خيره
يطلقج الحين وانتوا عالبر ولا يطلقج عقب جم سنه وعندج عيال
واللي مثله ماتحسفين عليه مبين ما عنده احساس ولا ضمير خيره اللي الله فكج منه
اهم شي لا تضيقين خلقج وربي يعوضج خير انشالله
ولاتكدرين عمرج صلي واستغفري حبيبتي
ربي يوفقج ان شاء الله