تعالو اقولكم قصه رفيجتي الي خانت ريلها والحين ندماااانه ادعولها بالمغفره !!!!

هذي مو قصه خياليه لا بالعكس قصه حقيقيه ومن واقع الحياه وعندي كل تفاصيلهااااا

وعايشتها لحظه بلحظه معاهااااا وياما نصحتهااا

بس ماكو فايده

هذي قصه انسانه خانت ريلها

وشوهت شرفهااا

بس انا ماقلت بعدها انه كل البنات يمشي بدمهم الخياااااااااااااااااااااااااانه

اليكم القصه :_

الرجل ذلك الكائن الحي عفوا الحيوان الحي الشرير الي خلق ليتعب المرأه

ولم يخلق ليحفظها ويحبها ويعطيها الامااااااااان

دايما الحريم ريلي وريلي وودي افتك منه ومو قادره اتأقلم مع خيانته ما نتذكر الاشياء الحلوه ولا الساعات الجميله ولا

اللحظات الرومانسيه والكلام الجميل واللمسه الحانيه

ولا مره سمعنا خصوصا اهني عن موضوع خيانه الزوجه ومتى المره تخون وشنو الي يدفعها للخيانه وجنه بناتنا

كلهم مسكتين ويعرفون الله وما تطلع منهم العيبه

دايماااااااااااا الريال خاين والمراه عفيفه شريفه ماتسوي شي غلط

دايما الريال يخز والمه مسكييييييييينه بس اتابع مهند وتتحسر

دايما الرياااااااال يبي يسافر والمره مسكيينه بس تدش منتدى كويتيات تنشر غسيلها وغسيل ريلها فيه وتوصف ريلها بابشع

كلااااااااام

دايما الريال الكويتي عيونه زايغه والخيانه تجري بدمه وماتكفيه وحده وماتترس عيونه الا التراب اذا اترستهم بعد

ووالمره الكويتيه اهيه الستع والدلال وبنت الحموله والمسيجينه الي تصبر على ريلها ولا تطلب وتاخذ قروض

دايما الريال الكويتي طالع وماله خلق ومو مجابل عياااااااااله وهمه الاول والوحيد النت والشات والبنات والدوانيه

والمره الكويتيه همها العلم والثقافه وخلطات التبييض والتضييق والتنعيم ومفارش الرومانسيه والكفر المضيء

والشموع المخلوطه بدهن العود ( ادري ماكو منها ) والليالي الرومنسيه الي تلبس فيهم تنكري !!!!!!!!!

( لاتفهمون كلامي على انه احتجاج لليالي الرومنسيه )

دايما الريال الكويتي راعي بر وراعي بحر وراعي حمام وراعي دياي وراعي دواوين

والمره الكويتيه مسيجييييييييينه راعيه عيالها وببيتها ( ودي اصدق بس مو قادره )

بنات ترا هذا مو هجوم على المراه الكويتيه ( الي انا وحده منهم ) بالعكس بس والله فشله كلكم متزوجات وتقولون الخيانه

فطره الله خلق الريال فيها وماتكفيه الا مره وحده والفاظ مادري شلون مثل حيوان شهواني وانسان بلا ضمير لا يحب ولا

يغير لا سوري هذي اغنيه

بس كلامكم عن الريال قوي والله خصوصا لو وحده ( ماعندها سالفه ) داشه تكتب عن خيانه زوجها عاد طالعي الردود

وموتي ضحك امبيييييييييييييييييييييه انتو ناسيين انه الرسل كلهم رجال انه الرسول عليه الصلاه والسلام كان ريال

يعني هم اهوا يعتبر من ضمن الرياييل الي مايترس عينهم الا التراب هذا اذا اترسه بعد

بتقولولي ليش تددافعين عن الرياييل اهم جذي بالفعل ماعدا الرسل والانبياء لانهم غير

بقولكممممممممممم لا

اذا هذي ثقافتكم وكلامكم عن الرياييل الي اهم ازواجكم وابائئكم واخوانكم وعيالكم

عيل لماذا خلق الله الرجال من ارحام النساء

يعني بالعربي هذا الي انجبته ارحامكم !!!!!!!!!!!!

انا برايي انا الريال كائن اجمل والطف وارق من الكلام الي اقراه عنه

وانه الريال كائن لو علافت المراه كيف تروضه لاصبح طفل صغير ينام بين احضان والدته ولا يريد التغيير !!!

انتو عمركم سمعتو انه واحد بدل امه !!!!!!

دايما يبدلون الحريم النسوره الي يتزوجونهم

وفي الختاااااااااام

اذا في جم ريال خان مرته ترا عادي هم اكو وايد حريم خانو رياييلهم وانا عندي الف وتسعين مليون بليون قصه

عن خيانات الزوجه لزوجها ومو شرط الي تخون زوجا ترا بتتبلكم اهني انا بعد اخون لا عادي ترا ما راح تقول

وانتو اهني ترا تسمعون طرف واحد ولا تفكرون انه لازم وحده ريلها خانها لازم كل الرياييل يخونون

المراه هي المسؤوله الاولى والاخيره عن خيانات الرجل بموضوعي ( ريلي خاني بس شوفو شلون تغلبت عالخيانه ) ذكرنا

وايد اسباب للخيانه بمساعده خواتي المتزوجات وكانت ردودكم جميله

والحمدلله انه اكو بنات قالو انه الريال كائن مفطورومجبول عالخيانه والخيانه مو معناته انه المره مقصره عن ريلها بس اهوا

مصمم يبي يخون جذي مذي يعني حر كيفه

انا اقولكم هالفئه في اكو منهم بعد حريم واهيه فئه مريضه ولازم تعالج

ومو شرط الي ريلها مريض نفسي والخيانه تجري بدمه يعني كل الرياييل مريضين نفسيين ولازم يتعالجون

ومايصير تعمم تقوووووووووووول كل الرياييل

الريال يخون والمره تخون والضمير يخون

ياما ناس خانو اوطانهم وياما ناس خانو امهم وابوهم وخانو اخوانهم وخانو نفسهم

وياما ناس خانو بعيونهم

وخانو بشمهم وبلمسهم

وخانو بسمعهم

وخانو وخااااااااااااااااااااااااااااااانو بمشاعرهم وانا برايي هذا افضع من خيانها الفراش

بس ماقااااااااالو اوطلقو نظريات ان الريال خوان بطبعه

وانصح الي تتبع هالنظريه تسارع الى تسجيل براءه اختراع لانه بيكون اسم العضوه واسم المنتدى من اصحاب

براءه الاختراع المتعلقه بهذه المقوله

وانا مو منحازه للرياييل ولا شي بس انا اعصب لان الريال ابوي وريلي واخوي وولدي !!!

وغيرتي عنهم تدفعني اني ادافع عنهم مع اني ادري ان وايد بنات غيرتهم هم ناشبه عليهم بس يخافون من جم عضوه ( نسره)

ولسانها طويل فيخافون ينزفون

بس انا مع المظاليم

وانتظر ردودكم الجميله والكشخه واي وحده ردها مو جميل ومو كشخه تخلي حق نفسها

فديتكم :")))