صباح الورد يا حلوات
هذي اول مشاركة لي في المنتدى ، كنت اتابع بصمت بس لما دشيت هالقسم شفت استفسارات وايد من البنات عن تحليل الحمل الهرموني و قلت خل اطلق عبقرينووو اللي بداخلي ههههههه
وايد بنات يتسائلون ليش تطلعلنا نسبة هرمون قليلة ( اقل من خمسة ) اذا مافيه حمل
هرمون الحمل يختلف وقت افرازه في الجسم من وحده الى الثانية ، يعتمد على انتظام دورتج ووقت التبويض عندج
في حريم تبويضهم يصير بوقته و هني راح يبين الهرمون بسرعة بجسمج ، و في حريم يصير تبويضهم متاخر و اهني راح يتاخر افراز هرمون الحمل
فكرة التحليل الهرموني انج تتابعين تطور هرمون الحمل في جسمج ، يعني لازم تعيدينه مرتين على الاقل
اذا سويتيه قبل موعد الدورة لازم تعيدينه بعد موعدها باسبوع تقريبا ، و اذا سويتيه بعد الدورة عيديه بعد يومين على الاقل
انا عارفة الانتظار بهالفترة صعب ، بس بهالطريقة تتاكدين عدل من وجود الحمل او عدمه
النسبة الطبيعية للغير حامل صفر ، او مثل ما يكتبون المختبرات 0.100
انزين ليش تطلع نسبة قليله ( اقل من خمسة ) و يقولون لنا ماكو حمل
مع تطور العلم و دقة التحاليل المتوفرة اكتشفوا الحمل الكيميائي
والحمل الكيميائي اهو عبارة عن بويضة تلقحت بس ما تم الانغراس بالرحم لسبب ما ، مثل ضعف البويضة المتلقحة او ضعف الحيوان المنوي المُخصِب .. و لو تم انغراسها ينتج عنها جنين غير سليم ، فمن رحمة الله علينا ان ما يتمم هالحمل و ينزل على هيئة دورة عادية بدون لا تدري المرة انها كانت حامل اصلا ، و هالشي جدا طبيعي و مو مرض لا سمح الله و يصير حق كل الحريم
بس مع دقة التحاليل و لقافة الحريم هههههه اللي يسوون التحليل وايد مبجر راح يبين معاها الهرمون وايد نازل ( اقل من خمسة ) و اهني المختبرات يعتبرونه مو حمل لضعف الهرمون ، يعني مثلا يطلع معاج اعلى من 0,100 الى 5
بس هل اهني نقدر نجزم ان ماكو حمل ؟ طبعا لا
لان اذا وحده سوت التحليل مبجر و كان تبويضها متاخر راح يعطيج نسبة قليلة او معدومة حتى
فلازم تعيدينه بعد جم يوم عشان تتاكدين ان الهرمون ما ارتفع معاج
من اهني نقرا ان وحده كانت نسبة الهرمون عندها صفر و طلعت حامل .. او ووحده نسبتها كانت قليله و طلعت حامل
لان اما التحليل كان في وقت مبجر او تبويضها متاخر
انا ماني طبيبة او مختصة ، هاللي كتبته فوق كله من حوستي بمنتديات الاجانب الطبية ، و اذا فيه غلط او تعقيب على كلامي نوروني
و اتمنى شرحي يكون واضح
و الله يرزق كل محرومة يارب
صباح الورد يا حلوات
هذي اول مشاركة لي في المنتدى ، كنت اتابع بصمت بس لما دشيت هالقسم شفت استفسارات وايد من البنات عن تحليل الحمل الهرموني و قلت خل اطلق عبقرينووو اللي بداخلي ههههههه
وايد بنات يتسائلون ليش تطلعلنا نسبة هرمون قليلة ( اقل من خمسة ) اذا مافيه حمل
هرمون الحمل يختلف وقت افرازه في الجسم من وحده الى الثانية ، يعتمد على انتظام دورتج ووقت التبويض عندج
في حريم تبويضهم يصير بوقته و هني راح يبين الهرمون بسرعة بجسمج ، و في حريم يصير تبويضهم متاخر و اهني راح يتاخر افراز هرمون الحمل
فكرة التحليل الهرموني انج تتابعين تطور هرمون الحمل في جسمج ، يعني لازم تعيدينه مرتين على الاقل
اذا سويتيه قبل موعد الدورة لازم تعيدينه بعد موعدها باسبوع تقريبا ، و اذا سويتيه بعد الدورة عيديه بعد يومين على الاقل
انا عارفة الانتظار بهالفترة صعب ، بس بهالطريقة تتاكدين عدل من وجود الحمل او عدمه
النسبة الطبيعية للغير حامل صفر ، او مثل ما يكتبون المختبرات 0.100
انزين ليش تطلع نسبة قليله ( اقل من خمسة ) و يقولون لنا ماكو حمل
مع تطور العلم و دقة التحاليل المتوفرة اكتشفوا الحمل الكيميائي
والحمل الكيميائي اهو عبارة عن بويضة تلقحت بس ما تم الانغراس بالرحم لسبب ما ، مثل ضعف البويضة المتلقحة او ضعف الحيوان المنوي المُخصِب .. و لو تم انغراسها ينتج عنها جنين غير سليم ، فمن رحمة الله علينا ان ما يتمم هالحمل و ينزل على هيئة دورة عادية بدون لا تدري المرة انها كانت حامل اصلا ، و هالشي جدا طبيعي و مو مرض لا سمح الله و يصير حق كل الحريم
بس مع دقة التحاليل و لقافة الحريم هههههه اللي يسوون التحليل وايد مبجر راح يبين معاها الهرمون وايد نازل ( اقل من خمسة ) و اهني المختبرات يعتبرونه مو حمل لضعف الهرمون ، يعني مثلا يطلع معاج اعلى من 0,100 الى 5
بس هل اهني نقدر نجزم ان ماكو حمل ؟ طبعا لا
لان اذا وحده سوت التحليل مبجر و كان تبويضها متاخر راح يعطيج نسبة قليلة او معدومة حتى
فلازم تعيدينه بعد جم يوم عشان تتاكدين ان الهرمون ما ارتفع معاج
من اهني نقرا ان وحده كانت نسبة الهرمون عندها صفر و طلعت حامل .. او ووحده نسبتها كانت قليله و طلعت حامل
لان اما التحليل كان في وقت مبجر او تبويضها متاخر
انا ماني طبيبة او مختصة ، هاللي كتبته فوق كله من حوستي بمنتديات الاجانب الطبية ، و اذا فيه غلط او تعقيب على كلامي نوروني
و اتمنى شرحي يكون واضح
و الله يرزق كل محرومة يارب
مشكوره حبيبي ويعطيج العافيه
التحليل الهرموني تحليل دم
بس مو تحليل الدم العادي
اسمه تحليل هرمون الحمل
و دقيق وايد
كلامچ كله عدل يا عمري
يعطيچ العافيه
ونصيحه حق كل وحده حللت وطلعت حامل انها على طول تطلب تحليل هرموني
عن تجربه لو متأخره شوي عن التحليل الهرموني چان شالولي الانبوب بس ربي ستر
التحليل الهرموني ضروووووري واااااايد منه تعرفين اذا حملچ سليم
او لا سمح الله في شي مو طبيعي خارج الرحم او غيره
يعطيچ العافيه مره ثانيه
اي والله وايد ضروري للحامل و للبيبي
والحمدلله على سلامتج حبيبتي و ربي رحمج منها
توني مسويه تحليل الهرموني قبل موعد الدوره ب٤ ايام ومافي حمل ولما تاخرت ١٠ ايام حللت بالبيت طلع حمل الحمدالله
تبويضي متاخر بس اللقافه وما تسوي ههههه
روان الكويت الف مبروك الحمل حبيبتي والله يثبته يارب و يقر عينج بشوفته
والله يرزقنا