تفسير الحلم

السلام عليكم

أنا اليوم حلمت ان اخوي خذاني بالسيارة واستغربت ان رفيجه كان بالسيارة معانا

قلت بقلبي اشلون اخوي يرضى جذي وبعدين ركبت وعادي … بعدين واحنا بالسيارة

بنص الطريج استغربت ان رفيج اخوي مدّ ايده لي ورا ( يعني جنه قاعد يتمغط )وحاش ايدي وانا كنت احاول

اوخر ايديني عشان ماحوشه وكنت خايفه لا يشوفه اخوي ويسوي سالفة

وانا كنت حييييييييييييييييل خايفه من هالحركه بس اهوا ابتسم ولف علي وكان يضحك

اخوي شافنا قال شنو اشفيكم … قلت له ان الكرسي مال السيارة يزحلق عشان جذي ايد رفيجك

وصلت ورا …. بعدين رحت البيت وقعدت اكل مع بنت خالي وانصدمت يوم دخل اخوي مع رفيجه

وانا قاعده بدون حجاب قلت اشلون جذي يشوفني وحاولت اني انحاش الصالة الثانية عشان لا يقعد

يخزني ويوم رحت ولا اهوا يروح هناك مع خالي واخوي وقعد اهوا يسأل خالي عن الدوام

انا كنت متوتره حيل وبنفس الوقت مادري ليش كنت مرتاحه حقه وكان اهوا وايد حلو

وبس

للعلم انا ماعرف منو هذا الشخص ولا بحياتي شفته ومادري عنه

انا مو متزوجه وللحين ادرس وقبل لا انام ما كنت افكر بشي

الالتزام الديني : الحمدلله اسوي فروضي و واجباتي واقرا قرآن طبعا

مشكورة وايد ويزاج الله كل خير