صباح الخير يا أخواتي العزيزات
من زمان عنكم بس تدرون انا ما اكتب إلا الشيء الجديد. و اليوم يايبتلكم خبر تاكلون أصابعكم وراه.
هذا المطعم توووووووووووووووووووووه فاتح ماصار له عشرة ايام من فتح.
المطعم صغييييييييييييير و مكانه مدعووس بالديرة وين مقهوي و الخليجية مناك بمكان داثر حالته بالويل
المطعم يكفي 18 نفر بنفس الوقت بس لكن كل اللي يشتغلون فيه كويتيين
الشيف اللي يسوي البيتزا كويتي، و اخوه اهو اللي ياخذ الطلب و اييت الاكل. الشيف دارس و مشتغل في مطاعم بيتزا في نابولي، إيطاليا قبل لا أيي و يفتح بالكويت و حاصل على شهادة اعتراف من مؤسسة فيرا بيتزا نابوليتانا في مدينة نابولي، أيطاليا و اهو الوحيد اللي بالكويت اللي عندة هالشهادة لأنه بيتزتهم مطابقة لمواصفات البيتزا النابوليتانية الأصلية من حيث طريقة الأعداد و المكونات الإيطالية الأصلية و الطعم.
و أهم ما في الموضوع أهو البيتزا يا ويليييي أحلى بيتزا بالكويت. بالضبط نفس البيتزا اللي ماكلتها في إيطاليا منذ قديم الزمان.
شوفو الصور و حكموا وياي…
أولا هذا المطعم من برة… شفتوا شلون خرابة؟
هذي المواقف. ضيج و ماكو مكان
المطعم من الداخل، لاحظو شلون صغيرون و شوفوا الليتات المقلوبة؟ يشوقوون!
المنيو نتفة و ما صورته. فيه بيتزتين و سلطتين و بيبسي و ماي و قهوة. طلبنا ماي بدال الدايت بيبسي يعني رجيم عشتوا ما جنه بنسود ويوهنا بعد شوي.
طلبنا سلطة خضراء، بيتزا مارغريتا عادية و بيتزا المشروم بجبن الموزاريلا المدخنة. قالولنا السلطة مو متوفرة فقلنا احسن بعد نخفف من البلعة. هذي المارغريتا
الله ياهي مارغريتا… و هذي المشروم مع السموكد موزاريلا
إحنا شفنا الصحون كبار قلنا هاا ناكل نص البيتزا و نودي الباجي البيت حق ريوق باجر. كلينا قرمة و رفعنا روسنا و إلا هذي النتيجة
عاد حسينا بتأنيت الضمير شوية و قلنا خلاص بسنا أكل. لكن أخو الشيف يالنا و قال لنا تبون قهوة و حلو؟ انا ما أعبر على القهوة اذا احد ياب لي طاريها اتخسبق و انهار فقلت له عندكم قهوة من غير كافيين؟ قال أيي قلت ممتاز و طلبناها مع الحلو اليتيم اللي عندهم اللي اهو بيتزا النوتيلا
و ياب لي صينية القهوة يحليله خوش قهوة لذيذة. أنا أشربها بدون كافيين لأن الكافيين يسويلي رقعة بالقلب إسم الله عليكم.
و هذي بيتزا النوتيلا… ما اقدر اوصفلكم طعمها. شوفوا الصور و حكموا. خطر على البشرية!
خلاصة المقال يا بنيات ان المطعم ما يتطوف و الخدمة سريعة و كلهم شباب كويتيين قواهم الله ماشاء الله تبارك الرحمن عليهم ربي يحفظهم و يكثر رزقهم.
بس المكان فيه عيب واحد. ما ينراح له بدون ريال كأنه ديوانية شباب من الرياييل. اللي اهلها حجرين أو تستحي تطلب تايكواي. انا عن نفسي شوية ما كنت مرتاحة وايد فالتايكواي وايد أحسن و تاكلون البيتزا عند الباب 
و هذا كرتهم حق اللي يبي دلالة لمكانهم و يطلب مقدما
العنوان: مدينة الكويت ، شرق ، خلف شارع عمر بن الخطاب وهذا الرقم 94434104
و المطعم حاليا يفتح من ال 6 إلى ال 11 بس. 6 مساء طبعا.
شرايكم؟ عشى عجبكم الموضوع؟
صباح الخير يا أخواتي العزيزات
من زمان عنكم بس تدرون انا ما اكتب إلا الشيء الجديد. و اليوم يايبتلكم خبر تاكلون أصابعكم وراه.
هذا المطعم توووووووووووووووووووووه فاتح ماصار له عشرة ايام من فتح.
المطعم صغييييييييييييير و مكانه مدعووس بالديرة وين مقهوي و الخليجية مناك بمكان داثر حالته بالويل
المطعم يكفي 18 نفر بنفس الوقت بس لكن كل اللي يشتغلون فيه كويتيين
الشيف اللي يسوي البيتزا كويتي، و اخوه اهو اللي ياخذ الطلب و اييت الاكل. الشيف دارس و مشتغل في مطاعم بيتزا في نابولي، إيطاليا قبل لا أيي و يفتح بالكويت و حاصل على شهادة اعتراف من مؤسسة فيرا بيتزا نابوليتانا في مدينة نابولي، أيطاليا و اهو الوحيد اللي بالكويت اللي عندة هالشهادة لأنه بيتزتهم مطابقة لمواصفات البيتزا النابوليتانية الأصلية من حيث طريقة الأعداد و المكونات الإيطالية الأصلية و الطعم.
و أهم ما في الموضوع أهو البيتزا يا ويليييي أحلى بيتزا بالكويت. بالضبط نفس البيتزا اللي ماكلتها في إيطاليا منذ قديم الزمان.
شوفو الصور و حكموا وياي…
أولا هذا المطعم من برة… شفتوا شلون خرابة؟
هذي المواقف. ضيج و ماكو مكان
المطعم من الداخل، لاحظو شلون صغيرون و شوفوا الليتات المقلوبة؟ يشوقوون!
المنيو نتفة و ما صورته. فيه بيتزتين و سلطتين و بيبسي و ماي و قهوة. طلبنا ماي بدال الدايت بيبسي يعني رجيم عشتوا ما جنه بنسود ويوهنا بعد شوي.
طلبنا سلطة خضراء، بيتزا مارغريتا عادية و بيتزا المشروم بجبن الموزاريلا المدخنة. قالولنا السلطة مو متوفرة فقلنا احسن بعد نخفف من البلعة. هذي المارغريتا
الله ياهي مارغريتا… و هذي المشروم مع السموكد موزاريلا
إحنا شفنا الصحون كبار قلنا هاا ناكل نص البيتزا و نودي الباجي البيت حق ريوق باجر. كلينا قرمة و رفعنا روسنا و إلا هذي النتيجة
عاد حسينا بتأنيت الضمير شوية و قلنا خلاص بسنا أكل. لكن أخو الشيف يالنا و قال لنا تبون قهوة و حلو؟ انا ما أعبر على القهوة اذا احد ياب لي طاريها اتخسبق و انهار فقلت له عندكم قهوة من غير كافيين؟ قال أيي قلت ممتاز و طلبناها مع الحلو اليتيم اللي عندهم اللي اهو بيتزا النوتيلا
و ياب لي صينية القهوة يحليله خوش قهوة لذيذة. أنا أشربها بدون كافيين لأن الكافيين يسويلي رقعة بالقلب إسم الله عليكم.
و هذي بيتزا النوتيلا… ما اقدر اوصفلكم طعمها. شوفوا الصور و حكموا. خطر على البشرية!
خلاصة المقال يا بنيات ان المطعم ما يتطوف و الخدمة سريعة و كلهم شباب كويتيين قواهم الله ماشاء الله تبارك الرحمن عليهم ربي يحفظهم و يكثر رزقهم.
بس المكان فيه عيب واحد. ما ينراح له بدون ريال كأنه ديوانية شباب من الرياييل. اللي اهلها حجرين أو تستحي تطلب تايكواي. انا عن نفسي شوية ما كنت مرتاحة وايد فالتايكواي وايد أحسن و تاكلون البيتزا عند الباب
و هذا كرتهم حق اللي يبي دلالة لمكانهم و يطلب مقدما
العنوان: مدينة الكويت ، شرق ، خلف شارع عمر بن الخطاب وهذا الرقم 94434104
و المطعم حاليا يفتح من ال 6 إلى ال 11 بس. 6 مساء طبعا.
شرايكم؟ عشى عجبكم الموضوع؟
عطيني خخخخخخخ ..
عليكم بألف عافيه ..
ومشكورة على التقرير الحلو ..
يسلمو حياتي
بالعافيه الصور خطيرة
بسكم تعذيب نبي نضعف
أمبيييه النوتيلا واي
ببجي
يعطيج العافيه حبيبتي
و ماكله صحن بيتزا يا الظالمة
حرام عليج جان خليتيلي نص
اهئ اهئ
والصور روعه تسلملى
يعطيهم العافية الله يوفقهم و ان شاالله يتوسعون و نشوف فروعهم بكل الديرة ..
المشروم مع السموكد موزاريلا وايد أحلى من المرغريتا ..و المكونات وايد بيور ..
بس اللي ماتحب الطعم الكلاسيكي ما انصحها فيها راح تشوفها عادية .. يعني طعمها غير عن بيتزا هت و طقته ..على قولة ريلي خبزة ايرانية فوقها جبن لول ..
و مشكورة على التقرير الحلو
عليكم بمليون عافيه
شكله حده لذيذ
عليكم بالعافيه
الله يرزقهم ويفتح عليهم
امبييييييييييييييه قلقوووصه
هآذا وين صاير :/
عليج بالعافيه بس صج شكله لذيييذ
البيتزآ وآيد تشووق :*