{حابه اساعدكم يالعرايس في الميزانية}

{السلام عليكم ورحمة الله وبركاتة}

شخباركم عرايس
اول شي انا طموشية مومتزوجة بس تغريبا كل رفيجاتي تزوجوا وتغريبا جهزت معاهم اغراضهم وصار عندي خبره في جهاز العروس
يعني الاغلاط اللي سوتها رفيجتي الاولى كنت اقولها لرفيجتي الثانية الي تزوجت بعدها علشان لاتغلط مثلها واغلاط رفيجتي الثانيه كنت اقولها لبنت خالي الي تزوجت بعدها
وجذي لين زوجت الشلة كلها…….ههههههههههههههههههههههه

ولانكم بحسبت خواتي حابه اساعدكم ولو بشغلات بسيطه
حابه اقولكم وين الاماكن اللي راح تشترون منها وجم الفروض تكون الميزانيه
اول شي بسرعه حبيباتي كل وحده تييب نوته فاضيه وقلم وتسجل كل اللي اقوله حرف بحرف

اولا: (سوق الذهب)
كل وحده تشيل على الاقل 3 الاف دينار من المهر هذا بالنسبة اللي مهرها 7 وفوق
لان اغلب رفيجاتي مهورهم 7 وفوق واللي مهرها اغل كانوا اهلها يساعدونها
ونصيحه بنات لاتشترون ذهب الحين لان الغرام مرتفع نطروا على الاقل لين يوصل
الغرام 10 او 10 ونص ………. لاتحاتون الذهب موطاير

ثانيا: (الجمعية و الحواي وبعض الشغلات من الصيدلية)
تقريبا = 30 دينار ملاحظة ( الاسعار على حسب الجمعية)

يالله نبدي بالماجله……….

(شامبو فازلين قطن للوجه غسول للوجه scrab بيبي اويل ليفه للجسم
فرشة اسنان معجون اسنان غسول للفم فوط صحيه(نوعين: النوع العادي للبيت+ فوط تكون بعلب صغيرة للجنطة وللسفر)
غسول للمنطقة الحساسة كريم مرطب للجسم( انا استخدم فازلين كاكاو) مناديل مزيلة للمكياج اسيتون اعواد قطن للاذن اسكينول ديودرنت تشقير للحواجب اذا كنتي تستخدمينه سبريه للشعر فوم للشعر معطر للحمام مقراضة للاظافر صابونة البابايا سنفرة للجسم ماء ورد+ بخاخ مناديل معطرة موس حق اللي تستخدمة مرطب شفايف شمع للفواحات مشط فحم للبخور+ ولاعة

ثالثابودي شوب+ باث اند بودي ووركس+ زهور الريف+بووتس)
تقريبا = 70 الى 100 دينار ( على حسب عدد المجموعات والاطقم)

كل رفيجاتي اللي تزوجوا نصحوني اخذ مجموعه كامله يعني مو اخذ شور جل رمان مثلا واستخدم بعده كريم جسم فراولة لا
يقولون استخدم طقم كامل احسن علشان الريحة تكون ثابته و ماتكون مكس
ما ابي اقول اخذوا طقم فراولة ولا فنيليه لا كل وحده على حسب ذوقها ولا تكثرون
بالكثير مجموعتين او 3 ( لاتقولون شويه انا كنت اقول جذي قبل بس بعد ماشفت رفيجاتي غيرت رايي لانج راح تملين بسرعة وبعد العرس راح تحصلين هدايا واغلب الناس تعطي هدايا من هذي المحلات)

*ليفة للجسم من بودي شوب
*فواحات+ زيوت عطرية من زهور الريف

يتبع …………