حملة لرشاقة الحوامل انضموا الينا!!!!!!!!!!

السلام عليكم بنوتات

كلنا نعلم انه الوحدة مع الحمال تنفجر بسبة البلعة المستمرة من الخامس وحتى التاسع وشلون تكون مستانسة من روحها في البداية انها ما امتنت ولا كيلو بسبب الوحام في الاشهر الاولى

اما انا فمبيصتي عظيمة

بسبب اللوعة المستمرة من الاشهر الاولى كنت اسد جبدي باي شي اكلة فتخيلو كنت اكل كل شي لدرجة اني زدت سبع كيلوات ليما الشهر الثالث

وللاسف

الحين بثاني اسبوع من الثامن وليلحين زايدة

"

"

"

"

"

23 كيلوووووووووووووووووووووووووو

ببجي والله ببجي

وعلشان كلمة امس سمعتها من وحدة من الحريم((حيث انها قالت وبكل وقاحة: انا ما امتن جذيه!! وهي مع العلم اذا حملت انفجرت 30 كيلو او اكثر وتتعب على ما تنزلهم))

وبعد بسبة كلمه ريلي: ما ابيج تصيرين نفس خواتي ((انتوا فهمتوا طبعا))!!

قررت اني اسوي حملة خاصة فيني

واذا حابين تشاركوني حياكم الله

وبكتب اذا مانشغلت كل ماتميت مذكراتي اليومية وبلعتي الدومية ((بايخه مو؟؟))

وبتبع ماهو معروف بين اوساط وزارة الصحة

*وزارة الصحة تنصح الحامل ب 1800 كيلو كالوري ودايما يشتمل عالمجاميع الخمسة

الحليب ومشتقاته-الخبوز الاسمر-البروتين واللحوم – الخضار والفواكه -وزيت الزيتون

((بصراحة انا مو حافضة المجاميع بس حافظة شنو لازم اكل من عندهم))

كنت قبل الحمال دايما على ريجيم وزارة الصحة ووايد وااايد كان صحي وممتاز ومايوهقج حتى امي ارتاحت عليه حيييييل

علشان جذيه

سوف

ابدأ من هذا الصباح الجميل

الفطور كان الساعة تسع الصبح:

خبزة لبنانية سمرة خفيفة- وبيضة مسلوقة- وحليب بارد خالي الدسم مع التحلية كيس واحد من سبليندا-
وحطيت بقدونس داخل السندويشة((ما عندي خضرة وايد))- مع 3 زيتونات زيتون اسود امريكي.

بعدها عالاحدش شربت عصير جوافة لاني مشتهيته من امس…

وان شاء الله راح اكل تفاحة حمرة تشيلية عالوحدة لانه شكلي راح انلطع عالغدا…

نسيت اقول انه وزني الحالي اهوا 85.4

ووزني في بداية الحمل كان

63

ياحلو هالرقم

والمفروض تكون الزيادة الطبيعية حتى 12 كيلو يعني الفروض اولد وانا وزني 75 بس !!

فشوفوا اشكثر ماتنه ولازم انزل عشرة كيلو وبقوه!!

واذا نزل وزني بعطيكم التفاصيل المملة شنو اللي قاعدة اسويه

شكرا

وشاركوني يا احبة

ام شوشة الي كشتها منفوشة وبطنها متفوخة