بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلامـ عليكمـ
قوة بنااات شلوونكم وشخباااااركم
ان شاء الله تكونون بخييير
بنات بغيت أستفسر عن الألماس
عجبتني قلادة ألماس بسيطه عيار 18 قيراط وسعرهاا 120 دينار
شرايكم سعرها زين ولا لأ
وعيار 18 يعني حلوو ولا لأ
يعني الذهب أحلى شي عيار 21 لكن الألماس يفرق يعني ولا شلون بالضبط؟؟؟
عفيه بلييييييييييييز لان والله بشتريها هديه حق الوالدة الله يخليها لنا ياارب
وماعرف بالألماس
القلادة اهيا .. سلسال وفيها كتابه بالذهب مكتوب أمي العظيمه وحواليها عاد الألماس
ضروري
ومشكووورين
السلامـ عليكمـ
قوة بنااات شلوونكم وشخباااااركم
ان شاء الله تكونون بخييير
بنات بغيت أستفسر عن الألماس
عجبتني قلادة ألماس بسيطه عيار 18 قيراط وسعرهاا 120 دينار
شرايكم سعرها زين ولا لأ
وعيار 18 يعني حلوو ولا لأ
يعني الذهب أحلى شي عيار 21 لكن الألماس يفرق يعني ولا شلون بالضبط؟؟؟
عفيه بلييييييييييييز لان والله بشتريها هديه حق الوالدة الله يخليها لنا ياارب
وماعرف بالألماس
القلادة اهيا .. سلسال وفيها كتابه بالذهب مكتوب أمي العظيمه وحواليها عاد الألماس
ضروري
ومشكووورين
انا ماعرف للالماس والله ولا كان ودي افيدج
الله يخليلج امج انشالله
وجم حجم القلبه ؟والي مكتوب بالذهب؟ علشان اعرف اقدرلج
مشكورة على مشاركتج وكفي دعوتج هذي أحلى شي
بعد عمري والله
========================
ام مضاوي
هلا والله
ماشريتها توني
ولقيتها بالأفنيوز
المحل اللي يم عطورات المرشود بالضبط موعارفه اسمه اسمحيلي والله ماأدقق بأسماء المحلات
بس اهما حاطين اعلاناتها بواجهات المحل
حاطين نسختين
وحده انجليزي والثانيه مكتوب بالعربي
واهي عرض مسوينها بمناسبة يوم الأم يعني هديه
بس المحل مو داماس
محل مجوهرات غيرة موجود بالأفنيوز
==============
شلون أوصفها لج
اهي بيضاويه حوافها ألماس وداخلها مكتوب أمي العظيمه على هالحجم يعني
مادري عاد فهمتي على وصفي ولا لأ
===========
وشكرا لج من كل أعماق قلبي
شكرا لج
وماشفت اللي تكلمتي عنها وسعرها مناسب
===============
يلاا بنات ساعدوني عفيه
وبعدين ماادري احس موحلوه الجمله وماراح تستفيد منها
يعني انتي تلبسين قلاده مكتوب عليها بنتي الغاليه او بنتي الحبيبه؟
حلاته تاخذين شي تستفيد منه
موعلشان يغرونا ابضايعهم ويرفعون اسعارهم على بوانه عيد الام
انا اقول روحي مجوهرات الشرق الي اعلانهم فوق بالمنتدى
انا عاجبتني القلوبالي بالاسماء او الخواتم
اخذيه وحطي باسمها
وفي محل بالمباركيه اسمه (دي بيرز) احيانا ينزلون قلوب وخواتم الماس اسعارها رووووووووعه
بس انشالله تحصلين لانهم يخلصون بسرررررعه
ما أظن 13 قيراط بــ 120 دينار مستحيييييييييييييل ….
الألماس يعتمد على أربع عناصر لازم اي وحدة تبي نشتري ألماس تعرفهم أولها الوزن ويكون بالقيراط …. وثانيا القطع وكلما كان القطع صغير كلما كان السعر أرخص …. وثانيا لا تنسين درجة اللون وأفضل درجة طبعا أتكلم عن الكويت هي درجة H أما العنصر الرابع فهو درجة النقاوة …. وأجود الأنواع طبعا نتكلم عن اللي بالكويت هو VVs1 واللي ينباع بشكل كبير أيضا بالكويت هي الدرجة الرابعة من النقاوة وهي VS …. ومن المعلومات اللي أحب أقدمها بهالمجال هو عدم استخدام العطر أثناء لبس الألماس …. وعدم محاولة غسله بالبيت لأنه راح ينحول في بعض فصوصه للون الأخضر الباهت ويتحتاج منج لعمل Polish عند ورشة متخصصة بالألماس ….
أيضا من المعلومات اللي أحب أعطيها في الألماس … أن الألماس كلما غلب عليه السواد كلما كانت درجة نقاوته قليلة … يعني بالكويتي خرطي … يعني مثل الألماس الهندي ؟؟؟
والله يخلي لج الوالدة وتعيشين وإتيبين لها
وبالنسبة للذهب كل ما زاد العيار…قل السعر ، لأن نسبة الذهب بتكون خفيفة بالطقم أو السلسة
وبالنسبة للذهب كل ما زاد العيار…قل السعر ، لأن نسبة الذهب بتكون خفيفة بالطقم أو السلسة
حبيت أصحح بأن عيارات الذهب هي 18 و 21 و22 و 24 ……… أما بالنسبة للعيار اللي يركب مع الألماس هو فقط عيار 18 لأنه صلب بسبب زيادة نسبة الفضة فيه ومن جذييه تشوفونه باهت مقارنة بعيارات الذهب الثانية اللي يكون فيها نسبة النحاس أعلى …..
إذن الألماس ما يناسبه من عيارات الذهب إلا عيار 18 فقط … وإذا أحد قالج عليه فهو جذااااب مع احترامي …..
ان شاء الله نردها لكم بالأفراح
والله ماخيبتوا ظني وشاركتوا وأفدتوني بمعلوماتكم اللي تعرفونها
======
والله ودي أهديها بشي تلبسه على طول
لان أمي تحب تبلس خواتم وسلاسل واساور ضعاف حييل
عشان جذي فكرت بالقلادة اللي قلتها لكم
لأن مليت من العطور والجناط والملافع والعشاء برة
ودي بشي جديد
============
أرجع أكرر شكر لكم خواتي
وبروح المباركيه بشوف شنو منزلين
وأقولكم
حبيت أصحح بأن عيارات الذهب هي 18 و 21 و22 و 24 ……… أما بالنسبة للعيار اللي يركب مع الألماس هو فقط عيار 18 لأنه صلب بسبب زيادة نسبة الفضة فيه ومن جذييه تشوفونه باهت مقارنة بعيارات الذهب الثانية اللي يكون فيها نسبة النحاس أعلى …..
إذن الألماس ما يناسبه من عيارات الذهب إلا عيار 18 فقط … وإذا أحد قالج عليه فهو جذااااب مع احترامي …..
أنا ما قلت يبت طاري الألماس..أنا يبت طاري الذهب فقط
بمعنى إنه عيار الذهب كل ما زاد (رقم العيار).. قلت قيمته السعرية
مثال: ذهب عيار 24 مال الهنود.. سعره رخيص لأن الذهب نسبته قليلة..
ليش الذهب عيار 24 سعره قليل؟؟ لأن نسبة النحاس زايدة ونسبة الذهب قليلة فيه
بس أنا اختصرت من الأخير و قلت "بالنسبة للذهب كل ما زاد العيار…قل السعر ، لأن نسبة الذهب بتكون خفيفة بالطقم أو السلسة"
عشان ما أشرح
وشكرا على اهتماتج و توضيحج
موقع ممتاز ومفيد نشكر القائمين على هذا العمل الجميل