دجاج محشي بالفريك مع عيش زرشك .روووعة

السلام عليكم

اليوم سويت لكم شغلة بسيطة و طعم واااو و بنفس الوقت سهلة و تصلح للمبتدئات

في البداية تاخدين نص كوب فريك و تسلقينه بماي عادي مع شوي ملح و بهارات و ملعقة صغيرة نعناع ناشف + رشة دارسين

لما ينسلق و اتحسن انه صار لين حوالي 20 دقيقة … اتحمسين بصل بروح لما يصير اشقر و اضيفين له الفريك و اتقلبينه شوي لما ينشف

اخر شي ضيفي شوي ثوم

اتجيبين دجاجة منظفة

و اتحشينها بالخلطة عدل عدل

بعدين سوي لها خياط تجميلي …. ههههههه

رشة بهارات و ملح

بعدين طبختج للمجبوس العادية
بصل و ثوم و بهارات عدلة

و حطي الدجاجة و خليها تطبخ عادي

لا تنسين الملح عااااد

بعدين حوالي 45 دقيقة اتكون استوت طلعيها و حمريها بالفرن

العيش طبعا منقعته و خالص

بنفس ماي الدجاج حطي شوي فريك من المسلوووق اذا باقي عندج و شوي زرشك مغسول

خلي العيش يطبخ على نار هادية

و هذا الشكل النهائي