دشووو شوفو قصة نموول مع الوحش اللي يا خطبها :( >> يقولون احنا ب 2024 !!!

–

–

–

–
شلووووووووووونكم بناااااااااااااااات نموووووووووووووووووووووول وصلت

ياااربي معقوله احنا ب 2024 !!

شالمعااتيييه اللي يتحاذفون علينا !!

سمعووووو قصتي قبل يومين مع عربس الغفله

اول شي اهمه يصيرون حق اهلنا من بعيييييييييييييييييييييييييييييييييد .. اهو يصير اخو مرت ولد خال يدتي >> اللي تعرفها راح اسجل اسمها بالسحب

الله يسلمكم اهو مطلق مرتين مره بالملجه والمره الثانيه ظلت مرته 6 شهور معاه
المهم اخته دقت على امي من اسبوعين وقالت لها عن اخوووها المنتظر وتمدح فيه .. قالت بس يبي وحده تلبس عبايه ومكياج خفيف واهو عنده شقه بس مايقدر يغير الاثاث .. الا غرفة النوم غيرها والباجي يظل

المهم

انا اول انطبااع من قبل مااشوفه قلت هذا بخيل وشري وفيه عله

وحطيت موظوع حق البنات والكل قالي صلي استخاره وواااايد منهم قالي اخذيه الاثاث مافيه شي بس سألو عدل

صج اني مطلقه بس توني صغيييره وخايفه اتزوج وانظلم واتطلق خصوصا انه ماخذ ثنتين قبلي!

المهم قبل يومين كان موعدنا طبعا انا كاااااااااشخه وبدلتي اتيييينننننن راقيه طبعا مالبست شي قصير لا اهي بدلة طلعه لان اهله واهو بيون يشوفوني

بنت عمتي نمله حوره كانت يايه عندنا وكنا فوق نتسمع وطاحت وبطيناها ظحكه

المهم تدرون الحريم قرقه ومشالله خواااااااااااااته ظحك عااااااااااااااااااااااااااااااااااااالييييييييييي ييييييييييييييي

ووحده من خواته قامت تصب القهوه وتقول حق امي عادي عادي هذا بيتنا لاتستحين @@

المهم نزلت لهم شافوني وانا قلبي يرررقع جنه اول مره انخطب ومستحيه حديييييييييييييييييييييي

جان اخته الصغيره عمرها جنه 27 قالتلي نمله تعالي بكلمج بروحنا انا هني اخترعت لول قمت معاها وقعدنا بالغنفات الثانيه

جان تقولي شنو تبين بالريال
قلتلها باختصار انا تأذيت وايد من زواجي قبل اهم شي ابي ريال يخاف ربه ويكون قد مسؤوليه الزواج واسرار البيت ماتطلع بره

جان تقولي وااااي مثل مايبي اخوي لان مرته قبل كل شي بالبيت توصله حق اهلها واخوي اييينننن وطيييييييييييييييييييييييييييييييييييييييييييييييي ييييب وكرييييييييييييييم وحنووووووووووووون وخلووووووووووووووووق وعسسسسسسسسسسل ووووووووووووووووووووووووووووووووووو
بس ديري بالج مايحب مره تعانده @@ واذا عاندتي شوي يوريج ويها الثاني @@
انا هني قمت ابولع بريجي مت من الخرعه لووووول

المهم

هني خالي يحليله نادى امي قالها ييبي ورقه وقلم @@

وقعد مع عنتر وقام يسجل كل شي وشقققه شققققق بالاسئله تخيلو بنات ساعتين ونص بس يسأله اهو وابوي لووول ويحللووون شخصيته

المهم قبل مايدش الريال جان خالي يساسر امي قالها انا اقوول لاتخلوونه يدش وخل يذلف اهو واهله احسن @@

امي قالتله لا وي فشله انزين خل يدش علىالاقل وبعدين يصير خير ….

المهم اول مادش انا هني حاشتني دوووووخه من شكله @@

اسمر شوي بس مو السمار الحلووو !!! لاااا على جلاااااااااااحه موطبيعيه
يلبس نظاره
ظروسه خايسه ومفرقه واي بغيت اموت انا تهمني الظروووس

بس قلت موو مهم الشكل نطري وشوفي المنطق !!

الله الله الله على المنطق يلعن ابووو المنطق

اول شي سلم وقعد وسمعو الاسئله :

ملاحظه ( انا كنت طرمه من دش ومستحيه اتحجى ويالله سمع صوتي ف كان الحوار كله له )

شنو علاقتج بأمج @@

انا بققت عيني شكوووو هالسؤال لايكون داشه مدرسه او رايحه عند الاخصائيه الاجتماعيه @@

جان اقولها الحمدلله وايد زينه وانا وحيييدتها وحيل معاها اهي مثل صديقتي

جان يقول انزين هل اهي راظيه عنج @@

تخيلو هالحجي يم امي وخالتي لوووووووووووووووول

هني بديت شوي ادخننننننننننن جان ابتسم واقوله اكيييد راظيه ! جان امي تقول هو بنتييي وحيييدتي شلون موراظيه عنها@@

جان يقول انزين شنو علاقتج بأبوووج @@

قلتله الحمدلله تمام

جان يقولي انزين هل يدور حوار منفرد بينج وبين ابوج @@ انا هنيييييييييييييييي شكيييييييييت بكلمته وراح بالي بعيييد بغيت اخذ القلااااص واعدل الحولان اللي فيه

جان اقوله اي الحمدلله @@

جان يقولي انزييييييييين شنو علاقتج بأخوانج @@

قلتله الحمدلله زيييييييييييييييييييييينه

قالي انزين يعني هل انتو تتيمعون مع بعض @@ ويصير بينكم حوار @@ قلتله الحمدلله اي@@

جان يقولي انزين شوفي انا دااارس ب اسبانيا 6 سنين بس لظروف خاصه ماكملت دراستي ورديت الكويت >>>> دارس 6 سنين ادب لغه مادري شنو تخيلو 6 سنين وماياب شهاده !! عيل الاخ شيسوي هناااك ؟؟ اكيد يغسل صحون !

وووو انا الصراحه واحد ابي مرتي تلبس عبااايه … بس مو اي عبايه ابي عباايه راس@@ واتمنى لو تلبس نقاب @@ بس مو غصب لا النقاب اذااهي حاابه

هني انا خلاااااااااص حطيت عليه ابو الاكس !!

بنات يعني اول شي انا احط مكياج والبس بدل واكششششششششششششششخ بس مو ظييييج ولا مكياج عروس يخرع لا كل شي له حد .. ف شلون مره وحده الاخ يبيني عبايه راس؟؟

جان دور وحده مدينه بيلاقي لي الراس! يعني شي غريب ..

وقاال اي شي يلمع او يلفت النظر ماااحبه والشوارفسكي ممنوووع @@ ولانقطه منه تحطينها

المهم وقال حجي وايد وانا من الصدمه مومستوعبه خباله طبعا ثقل دم مووو طبيييعيييي وانا طبعي احب اظحك واتغشمر وكلا مبتسمه واهو موداري وين الله قاطه ..

المهم هني قالي تبين تقولين شي ؟ جان امي تقولي بصوت واطي : نملوووو صكري عن المووظوووع لووووووووول

هني جان اقوله لا ..

وبس بغو يطلعون اخته قالتلي اخذي رقمي اذا تبين تسألين عن اخوي دقي علي @@
هني من حرتي قلتلها والله الصراحه انا حيل منصدمه توقعت عبايه اسلاميه ماتوقعت عبايه راس ماقلتو !!
………………………..

المهم لما طلعو خالتي قالت نملو صلي استخاره ماتدرين يمكن زين .. ومو عشان عبايه ترفظينه هني انا شوي لان قلبي وقلت يمكن ربي بيهديني واذااهو زين مومشكله البسها …

هني عاااد دش خالي وابوي واخوي وخالي ماسك دفتر الملااااحظاااات والصدماات

سمعوووووو شنو قايل ..

اول شي اهله قالو اهو مساعد مهندس .. طلع متدرب بشركه نفطيه عادي يعني مو بال كمبيسي مثل ماقالو .. وانه للحين مااشغلوو100% يعني متدرب وبأي لحظه ممكن ينطرد

الشي الثاني .. قال حق خالي بالنسبه حق معاشها لازم اعرف بالظبط وين كل فلس يرووووح واذا تبي تشتري شي لازم يكون داش راسي حتى لو سياره تبي تشتريها بفلوووسها لازم انا اكون راظي عن االسياره وعاجبتني @@

ولما خالي يا على اسباب الطلاق توهق قال ظروف خاصه! خالي يقوله ظروف خاصه وانت مرتين مطلق وكله خلع ؟ والثنتين طالبين الطلاق؟ لازم في سبب قوي يخليهم يعوفون كل شي وبس يبون يطلقون جان يقول ماااكو شي مجرد ظروف خاصه @@ الحمدلله والشكر!! جان خالي يقوله مومشكله انشالله نطلع اساميهم وارقامهم ونسمع من الطرفين احسن ! هني توهق وقال مومشكله !!

طبعا ابوي يقول انه لااا منطق ولااسلوب ولايدري عن الدنيا ويلف ويدور ومايعطييينا اي جواب واظح ..
ف اهمه لما دشو قالولي عن كل شي ووايد شغلات الحين ناسيتها ..
هني قلت لهم خلاص ماااااابيه شكله بخيل ومتسلط ومستبد يبي المره عبده عنده !

وبسسس يااابنااات عقب اسبوعين من التفكير واتخيل اني عروووس تحطم حلمي ادعولي ان الله انشالله يرزقني بالقريب العاجل بأحسن زوووج انشالله واحسن ذريه

واسفه على الاطاله ناطره تعليقاتكم