السلام عليكم جميعا
يقولون مطول الغيبات ياب الغنايم
بسم الله نبتدي
رحلة الأراضي التايلندية
(27/9/ – 6/10/)
كويت – بانكوك – بوكيت – بانكوك – كويت
كانت الرحلة كالتالي :
5 أيام بوكيت
3 أيام بانكوك
هذا كما هو واضح جون الكويت
وهذي وجبة الطيارة ((ع الخطوط التايلندية))
صورة توضيحية تبين المسافة بين الكويت وبانكوك
((7 ساعات و 20 دقيقة ))
وصلنا مطار بانكوك ترانزيت وظلينا تقريبا ساعة بالمطار
ومن بعدها ركبنا طيارة ثانية داخلية عشان نروح جزيرة بوكيت
وأخيرا وبعد الرحلة الشاقة وصلنا الى الجزيرة وكانت مدة الرحلة
ع الطيران الداخلي ساعة وربع << متنا من التعب !!!
*$* جزيرة بوكيت *$*
((اليوم الأول)) 28/9/
نزلنا بهذا المنتجع والحجز كان مسبق عن طريق النت
((Banthai beach resort & Spa))
واليوعان شيسوي ؟؟
نمنا طبعا بعد عناء الرحلة وقعدنا بالليل
على أصوات عصافير بطوننا ,,,
طلعنا نستكشف المنطقة وقمنا ندور ع المطاعم العربية الحلال
عشان نتعشى فيها ولقينا هالمطعم ,,,
((اذا مضيعتلج خليجي بتلقينه هناك خخخ))
((مطعم القاهرة))
وهذي الوجبة بعد ما خلصناها
((اليوم الثاني)) 29/9/
قعدنا من النوم مبجر علشان ما يروح
علينا ريوق الفندق ..
طبعا أم علي مرتبة كل شي
حجزت أول رحلة مع مكتب سفريات
وكانت الى جزيرة جيمس بوند الساحرة
طبعا الجزيرة بعيدة لذلك مرينا على عدة أماكن
قبل الوصول الى الجزيرة
يتبـــــــع ,,
السلام عليكم جميعا
يقولون مطول الغيبات ياب الغنايم
بسم الله نبتدي
رحلة الأراضي التايلندية
(27/9/ – 6/10/)
كويت – بانكوك – بوكيت – بانكوك – كويت
كانت الرحلة كالتالي :
5 أيام بوكيت
3 أيام بانكوك
هذا كما هو واضح جون الكويت
وهذي وجبة الطيارة ((ع الخطوط التايلندية))
صورة توضيحية تبين المسافة بين الكويت وبانكوك
((7 ساعات و 20 دقيقة ))
وصلنا مطار بانكوك ترانزيت وظلينا تقريبا ساعة بالمطار
ومن بعدها ركبنا طيارة ثانية داخلية عشان نروح جزيرة بوكيت
وأخيرا وبعد الرحلة الشاقة وصلنا الى الجزيرة وكانت مدة الرحلة
ع الطيران الداخلي ساعة وربع << متنا من التعب !!!
*$* جزيرة بوكيت *$*
((اليوم الأول)) 28/9/
نزلنا بهذا المنتجع والحجز كان مسبق عن طريق النت
((Banthai beach resort & Spa))
واليوعان شيسوي ؟؟
نمنا طبعا بعد عناء الرحلة وقعدنا بالليل
على أصوات عصافير بطوننا ,,,
طلعنا نستكشف المنطقة وقمنا ندور ع المطاعم العربية الحلال
عشان نتعشى فيها ولقينا هالمطعم ,,,
((اذا مضيعتلج خليجي بتلقينه هناك خخخ))
((مطعم القاهرة))
وهذي الوجبة بعد ما خلصناها
((اليوم الثاني)) 29/9/
قعدنا من النوم مبجر علشان ما يروح
علينا ريوق الفندق ..
طبعا أم علي مرتبة كل شي
حجزت أول رحلة مع مكتب سفريات
وكانت الى جزيرة جيمس بوند الساحرة
طبعا الجزيرة بعيدة لذلك مرينا على عدة أماكن
قبل الوصول الى الجزيرة
يتبـــــــع ,,
منطقة شواذي !!!
وكان بنفس المنطقة في كهف صغيرون
حاطين داخله مجسمات لآلهتهم ((الحمدلله على نعمة الاسلام))
وتمشون شوي وتشوفون هالمدخل اللي يودي للكهف
صعدنا طبعا وكانت تواجهنا شوية
صخور وعليها هالمجسم
عاد انا وبوعلي عبالنا ريال صجي
وبالنهاية طلع مجسم خخخخخ
لذلك الأخت هدى راحت تصور معاه
يتبـــــــــع ,,
وهذا بالداخل كلش عند الصواعد والهوابط
المتكونة داخل الكهف
وبعدها مشينا من هالمكان الى ان وصلنا الى مرسى القوارب
اللي ياخذ السياح الى جزيرة جيمس بوند ,,,
وهذي اهي الجزيرة
طبعاعندي صور وايدة بس ما اقدر احطهم كلهم ,,
بعدها أخذنا القارب الى الزوارق وظلينا ندور تقريبا ساعة
وكانت جدا ممتعة ,,,,,
هذا قارب بنص البحر يبيع جوز الهند
وقفنا عنده وعطانا وحدة >> الله يزيد النعمة !!!
بعدها أخذنا القارب الى مطعم اسلامي لتناول وجبة الغداء
شكل الأشكل يشهي ,, صح ؟؟!!!!!
أسوأ أكل شفته بحياتي
كثر ما ان ريحته (؟؟؟) لاعت جبودنا !!
انا طبعا طلبت بطاط شيبس عشان أسد يوعي
ودفعت عليه زيادة بس الله وكيلكم شكلهم مقلينا
من قبل ورادين عليه مرة ثانية عشان يسخن !!
طبعا زوجي الحبيب شافهم مقدمين طبق سمج
وأخذ لقمة ودعسها بحلجه مرة وحدة
لاعت جبده وماعرف شيسوي فيها
مسكين .. بلعها بالنهاية هههههههه
يتبــــــــــــــع ,,
شنو هالأوادم شلون عايشين ؟؟!!!!!
بالنهاية بوعلي استسلم لليوع الكافر وحط
ع العيش صلصة صويا وبدأ بالأكل ,,
ركبنا القارب راجعين من الرحلة ومن كثر ما ان الماي قوي
ويطشر علينا طول الرحلة .. شوفوا هالشاب اللطيف شسوى ؟؟
زوجي من كثر ما انه مات عليه
من الضحك … ماقدر يقاوم الكاميرا
ودونا بعدها الى محل يسوي حلويات وهذي الأخت تقشر الكازو
رجعنا من الرحلة الشاقة الي الفندق وطقيناها نومة سنعة …
وبعد ما قعدنا ((مايبيله)) دوّرلك مطعم يامعلّم
وصلنا الى هذا المطعم (( باب الحارة)) وكان الجو ممطر
((اليوم الثالث)) 30/9/2009
حجزنا رحلة الفانتازيا وكانت ع الساعة 5:30 العصر
وبما أن الرحلة وقتها متأخر حبتين قررنا نتمشى ع اليال ((Patong Beach)) الى أن يحين وقت الرحلة
وجبة الافطار
بوعلي يستعرض
يتبـــــــــــــــــــع ,,,
الله يزيد النعمة !!
وهالأخت باعتنا مشروبات غازية باردة على كيف كيفكم ,,
وهذي الصور حبيت التقطها لعيون عضواتنا الحلوين
ردينا الفندق على الظهر وكنا لازم نتغدى بالبيت
علشان نوفر مجهودنا للفنتازيا
طلبنا من المطعم اللبناني نفسه
صارت الساعة 5:30 وموعدنا مع مسرح الفانتازيا
((الفنتازيا كان عبارة عن حديقة كبيرة فيها شوية ألعاب وكشكات صغيرة
تبيع الهدايا التذكارية اللي تخص جزيرة بوكيت بشكل عام والفنتازيا بشكل خاص
وأهم شي مسرح الفنتازيا الساحر والعروض المبهرة اللي يقدمونها بالاضافة الى
المطعم العالمي اللي يقدم أشهى المأكولات العالمية ))
يتبـــــــــــــع ,,
وهذول الجياكر صورت معاهم خخخ
وهذا صوّرت بوعلي معاه
اهو يقول جنس ثالث وانا أقول مره
والله أعلم !!!!!!!!!!!!!!!!!!!!!!
وهذا هو البوفيه العالمي المشؤوم اللي تسممت منه !!! مالت عليهم وعلى بوفيههم فوقهم !!
صور من خارج المسرح
بعد خروجنا من العرض المسرحي
صورنا مع بطل المسرحية
عند بوابة الخروج
يتبــــــــــــــــــع ,,,,,
كنا حاجزين لـ ((السفاري)) وهو عبارة
عن محمية طبيعية نادرة الوجود ,,
ولكن تجري الرياح بما لا تشتهي السفن !!!
الساعة 2:00 الفير قعدت من النوم على
عوار بمعدتي ولاني قادرة أنام منه..
رحت –عزكم الله -الحمام ورجعت كل اللي اكلته بالفنتازيا الله لا يبارك في بوفيههم !!
الساعة 5:00 الصبح اتصلت بالريسيبشن عشان يودوني المستشفى
.. بعد ما قدرت أتحمل أكثر !!!
الساعة 6:00 انا بالمستشفى العمومي سادحيني بالملاحظة !!
ابر ومغذيات وطلع فيني تسمم غذائي !!
الساعة 10:30 غادرنا المستشفى ,,
باقي اليوم كله بالفندق ولاني قادرة أتحرك من مكاني
((اليوم الخامس)) 2/10/2009
قلنا دام اني صرت أحسن خلينا نروح حديقة الحيوانات
فيها عروض شغالة كل نص ساعة أحسن مما يضيع
علينا اليوم كله مثل الليلة اللي فاتت ,,
مرينا في البداية على مزرعة اللؤلؤ
ومعرض بيع اللؤلؤ وصورنا فيه ,,
أكبر صدفة شفناها بحياتنا ..
حديقة الحيوانات
(عرض القردة)
(عرض التماسيح)
(الفيلة)
صور من الحديقة
يتبـــــــــــــــــع ,,,
قعدنا مبجر ورتبنا الجناط استعدادا للذهاب الى المطار
لقطات جوية
وصلنا الى العاصمة بانكوك
نزلنا بفندق الهوليدي ان (سيلوم)
مطعم الفندق
من دريشة المطعم
مبنى يمنا ..
بما أن بانكوك هي مدينة التسوق
لذا ما راح تشوفون صور وايدة ..
من دريشة التاكسي
وهذا المطعم العراقي لقيناه بشارع العرب ((سوكومفيت ))
بس والله أكله طيب وظلينا ناكل عنده الثلاث أيام اللي
مضيناها بالعاصمة بانكوك ..
يتبـــــــــــــــــــع ,,,
وهذا بثالث يوم رايحين الى المطار
ومتوجهين الى الأراضي الكويتية الحبيبة
وهذا السايق اللي تعرفنا عليه مستر نونغ
في مطار بانكوك
لو درت الدنيا ولفيت ما ألقى مثلج يابلادي
وفي الختام سلام
وأتمنى اني نقلت الرحلة لكم بشكل مشوق
^_^
طاقة درب عشان بانكوك ؟؟
ما تسوى الصراحة !!!
السياحة كلها ببوكيت
انشالله المرة الياية تروحين
وتذكريني هناك ,,,
مشكورة حبيبتي ع المرور
^_^
مشكورة ع المرور
وماتشوفين شر الله يزيد النعمه ماتسوي عليج جم لقمه كليتي
والله يهنيكم يارب