شلونكم بنات
انا حاليا متواجده في بوكيت صارلي 8 ايام وباجر انشاءالله مسافره لبانكك بقعد فيها 5 ايام
بالنسبه لبوكيت جزيره حلوه وايد الجو واايد حر بس الهوا بارد يعني شمسهم حاره
بالنسبه ل 9 ايام في بوكيت كانت وايد علينا لان ماخلينا مكان مارحنا الا الجزر مارحت لان وياي يهال صغار ماينفع اروح معاهم انشاءالله المره اليايه
بوكيت جوها حار طول السنه عموما تايلاند كلها انا يايبه حق عيالي نص جم وخاسو من الحر انصح اللي يروحلها اييب معاه عدل صيفي واخف شي
المنتجع اللي ساكنه فيه واللي ماحصلت حجز الا فيه the blue marine resort
موقعه زين بينه وبين البحر شارع
الغرفه حلوه بس الحمام ماله قفل لازم نحبس اليهال بالبلكونه اذا بندش تكرمون الحمام 
وهقه
السيرفس زين بس ريحتهم خايسه لما ينظفون الغرف تشمين ريحة حيوانات تقولين فيل منظف الغرفه لووول 
بس عيبه اللوبي بعيد عن الغرفه لازم تاخذين توك توك علشان تروحيله وتقدرين تروحين مشي بس فيها نزلة سلالم وايد
المهم
انشاءالله لما اوصل الديره احطلكم الصور والتقرير كامل
ادعو حق ولدي عسى الله يهديه بطريج الرده بالطياره طلعلي قرون علما وصلنا تايلاند مانام ولا ثانيه مع اني مسهرته 
شلونكم بنات
انا حاليا متواجده في بوكيت صارلي 8 ايام وباجر انشاءالله مسافره لبانكك بقعد فيها 5 ايام
بالنسبه لبوكيت جزيره حلوه وايد الجو واايد حر بس الهوا بارد يعني شمسهم حاره
بالنسبه ل 9 ايام في بوكيت كانت وايد علينا لان ماخلينا مكان مارحنا الا الجزر مارحت لان وياي يهال صغار ماينفع اروح معاهم انشاءالله المره اليايه
بوكيت جوها حار طول السنه عموما تايلاند كلها انا يايبه حق عيالي نص جم وخاسو من الحر انصح اللي يروحلها اييب معاه عدل صيفي واخف شي
المنتجع اللي ساكنه فيه واللي ماحصلت حجز الا فيه the blue marine resort
موقعه زين بينه وبين البحر شارع
الغرفه حلوه بس الحمام ماله قفل لازم نحبس اليهال بالبلكونه اذا بندش تكرمون الحمام
السيرفس زين بس ريحتهم خايسه لما ينظفون الغرف تشمين ريحة حيوانات تقولين فيل منظف الغرفه لووول
بس عيبه اللوبي بعيد عن الغرفه لازم تاخذين توك توك علشان تروحيله وتقدرين تروحين مشي بس فيها نزلة سلالم وايد
المهم
انشاءالله لما اوصل الديره احطلكم الصور والتقرير كامل
ادعو حق ولدي عسى الله يهديه بطريج الرده بالطياره طلعلي قرون علما وصلنا تايلاند مانام ولا ثانيه مع اني مسهرته
وتردين بالسلامه انشالله
بس بغيت اذكرج مكياج ماااااااك لا يطوفج هناااك رخييص ولا تقولين تقلييد لالالا اهووووه ايينن يعني حرام ترجعين وموشاريه من ماك
انا اعجبوني جناط التقليد صج حلوين والله ماتحسين ان تقليد والوانهم روعه بعد اسعارهم مورخيصه
وناطرين تقريرج
والله يهدي ولدج
وناطرين التقرير المصور
وااااي شوقتيني اروح, انا رحت تايلاند مره وحده وصج عجبتني وحبيتها وااايد حلوه
ولا مطاعم الكشكات اللي بالشارع تكفخ فيج ريحة اكلهم ويييييييع
وزحمتة بانكوك تلوع الجبد مارحت ولا مكان ترفيهي بس الاسوقه
تخيلي رحنا مجمع سيكون سكوير ساعه كامله لما وصلنا من الزحمه ريلي حده لاعت جبده زهق واليهال قامو يبجون
بس اسوقتها روووووووووووووعه تهبل ولا الماركات التقليد شييييييي
عقب باجر انشاءالله برد الديره وبحطلكم الصور
وبإنتظار التقرير والصور…….
و عطي ولدج أكتفيد عشان ينام بطريج الرده و ترتاحين
تري انا دايما أسوي جذي مع اليهال
ترا شانغماي جبل وباردة ووناسة ولون الخضرا هناك عجيب طول ما إنتي تطالعين تقولين سبحان الله
لا تطوفين دريم لاند في بانكوك عيالج راح يستانسون فيها وايد
وسفاري بعد حلوة حديقة حيوان مفتوحة
روحي مجمع سيام براقون فيه الأكواريوم بالدور الأرضي أحلى من الكويت
وبطريجك تتغدين في كنتاكي بنفس المجمع لأن مكتوب عليه حلال
والأيس الكريم اللي ما أرذكر اسم المحل بس هو مع المطاعم اللي بالدور الأرضي على ما أعتقد بوسطهم
واوووووووووو الله يصبرني ليه شهر 8 لأن بنصيف هناك
ذكريلنا بأي فندق ساكنين
رحلة موفقة وترجعون بالسلامة