زميلة فالعمـل

مدرى انا ما احب زميلات الشغل ههههههههههههههههههه مدرى ليش

الحمدلله ان زوجى عسكرى ولاجان صارت بلاوى

حبيبتي عادي
والله انا كله اقول خيره ان الازواج مايشتغلون بمكان واحد
جان صارت بلاوي
الشغل هذا بيئه بروحه الواحد يقضي فيه ثلث يومه تقريبا فيه ناس يتعايش معاهم بشكل يومي
ويضطر يحتك فيهم سواء حريم ولا رياييل والمجاملات وايد
فا لاتوقفيله على الوحده
حطي نفسج مكانه اذا البنت على قولتج هذا طبعها مع الكل
فا ماراح اتيي على ريلج يعني
تلاقينه ولا هامها ولا في بالها عاد انتي لاتحسسينه بشس عشان ماتكبرين السالفه في راسه وراسها

خلي عقلج وتفكيرج اكبر من جذي
وان شالله ماكو الا العافيه

انا بعرف شغله من متى عندنا بالكويت شيء اسمه صداقة والا زمالة؟ الي نعرفه ومتربين عليه انه البنت يكون كلامها مع الريال الغريب بحدود الضرورة اما سوالف الاجانب الي هذي مثل اختي هذي متربية معانا هذي زميلة مادري شنو موموجودة عندنا بس طبعا لازم تلقين اسلوب حلو بدون خناق وزعل توصليله فيه هالمعلومة وانتي وشطارتج بالحجي الحلو والسنع

بس صج باطين جبدي الرياييل على قولة دكتورة فوزية الريال عندة الف عذر وعذر كل شي له عنده تصنيف

السلام عليكم
اختي الحبيبه
لاتخلين ابليس يدش عليج من هالباب ويسوسولج
الدوام غصبا علينا نحتك مع رياييل ورياييل يحتكون معانا
بس مو شرط كل احتكاك يعني علاقه حب او مشروع حب او او او
ليش تشكين؟
اذا تثقين بريلج قوي هالثقه وغذيها داخلج وخليه اهو يقتنع فيها ويحس فيها
لاتفتحين عينه او تسيوين مشاكل بحياتج معاه عشان شكوك

اختي الحبيبه
ماعندج خوات يشتغلون بمكان مختلط؟
انتي ماتشتغلين بمكان مختلط؟
ترضين بهالفكره عن خواتج؟

صدقيني لو اهي ترسم عللي ريلج وتبيه ماتقوله سلملي علي ام العيال وتوصل سلامها
لو تبي ترسم عليه بتحرص انج ماتعرفين اي شي عنها
مو يمكن اهي متزوجه وعندها بيت وعيال؟
وحتا لو اهي مو متزوجه وبنت وحلوه وناعمه ولوهي ملكه جمال زمانها
اذا الريال عينه متروسه ليش يطالع؟ وليش يددور بره؟
تقوليلي ابليس شاطر
اقولج اي بس مو كل انسان يزل
بس مرات الظروف اهي اللي تحده ان يزل مع خدامتهم الجيكره مو ملكه الجمال اللي عايش معاها
لما تضوجين عليه بشك ونجره وتبنينله انج متضايقه من اللي وياه بالدوام انتي بتخلينه يطالعها كمره وانثي وكغريم لج
شحقه!
نصيحه
ردي ابليس وهالتفكير عنج
واذا سلم عليج نقلا عنها قوليله سلملي عليها ماتقصر ياحليلها