زوجي اللي مرت بنفس التجربة تشاركني هم

الله يهديه و يسخره لج هو وسائر الازواج
بس اعتقد النجرة عالموضوع هذا ماتفيد
إذا متهاوشين اشلون بتطلعون تستانسون
ابدي انت بنية الطلعة
قوليله يا بو فلان انا عازمتك اليوم برة(حزة دفع الحساب سوي نفسج ناسيةتدفعين)
روحو مطعم يوم بحار سوق(بس لا تتسوقين صج علشان لا يتحسف) اي مكان

مرات بالسيارة نفرفر ناخذ عشا ونرجع البيت وتكون الطلعة من اروع ما يمكن

واي انا جذي كل نجرتنا وهوشتنا على الطلعه يارب مليت انا متزوجه ههههههههه ابي زوجي وياي
3 سنوات
كل ما اتناجر وياه يقولي سبحان الله عاد كنت ناوي باجر اطلعج هههههههههه

وليمن اشوفه فاضي ومتملل اقوله قوم خل نطلع يقولي وين نروح
ودي انتفه اسويه مسحب
ههههههه
الحين خلاص ماقمت احسن
ساحبه سيفوون عليه
كل اسبوع اطلع واقز ويا اخوي حبيبي ما نخلي مطعم سوق سينما ولا مكان ما نروحله ولتعمد ما ادق على زوجي وليمن ارد البيت اكون حدي مستانسه واقوله شووف اخوي شرالي اخووي وداني رحنا اهني سوينا جذي واهووو حده ينقهر هههههههه بس مو بطريقه اني اعياره

اختاري يوم من ايام الاسبوع الي ما يروح فيه الدوانيه
يعني ما اعتقد ان يوميا في دوانيه اكيد في يوم يكون اوف فانتي اختاري اليوم هذا

وحاولي قبل هاليوم بيومين تطرشين له مسجات تذكير
مثل لا تنسى اليوم الفلاني
او وين بتوديني بهاليوم يعني مسجات من هالنوع وبجذيه ماله حجه ان نسى لانج انتي مذكرته قبلها بيومين

وشي ثاني تقدرين تحطين منبه بتلفون لليوم الي بتطلعين فيه وبهاليوم راح يطلع عنده نوت ان مرتبط بالطلعه معاج

يمكن في البدايه راح تكون صعبه بس مع الوقت ماراح تحتاجين كل هذا ان شاءالله

اه يا عذابي انا اردي منج انا صار لي 9 سنواات ولمن ازهق وتطق جبدي اقتنع اني اطلع مع خواتي ابرك واقوله والله لو تحلم ما راح اطلع معاك انت الخسران لكن ارد اضعف واشتهي الطلعه معاه وارجع احن واحن واهو يوعد ولا يوفي وهكذا والله المستعان

بنات يمكن الي مو مثل حاللتنا ما يحسووون
انا عمري 22 تخيلووو وصارلي متزوجه 3 سنوات يقولون هذي احلا ايام حياتج <<<<<<
طول اليوم يا دوام يا دوانيه وما يتفضى الا الساعه 12 وان كشخ وحس فيني رد 11 ونص ههههههه
ما ابي اعطي احد عين بس هم ساعات يزوغ قلبي اشووف اثنين طالعين ويا بعض هم انا عندي زوووج وينكه؟؟
ابيه يمي ترا الطلعه تأثر على النفسيه تخلي المره تعطي اكثر تخليها تهتم بييتها وبنفسها اكثر تكسر الروتين
والله بنات عمري 22 وشكلي اصغر وايد انقهر ليمن اطلع بروحي ويلحقوني والله ساعات ابجي
اقوول وين زوجي عني
انا عندي اقتراح بناااااات
منووو تي وياي نسوي شي برياييلها
؟؟؟
.
.
.
.

ماكووو االا نكلبجهم شرايكم؟؟ ونمعهم من روحة الدوانيه علشان يحسوون

والله يا قلبي بردي اعصابج انا مثل حالتج واردى بعد مايحب الطلعات وهم مايحب اطلع مع احد من اهلي يعني لا يرحم ولا يخلي رحمت ربي تنزل من البيت لدوام لسوق لطلعات العايله بس والحمدالله انا بصراحه مو حنانه لي 3 اسنين من عرسي ولا مره قلتله طلعني بصراحه احس فشله او بايخه نتهاوش على شي مثل هذا وهو مستغل هالنقطه من صالحه ما ألومه اكيد بيستانس لاقي وحده على مزاجه اطيعه ولاني حنانه شيبي اكثر من جذي