السلام عليكم ورحمة الله وبركاته
شلونكم يا حريم وبنوتات المنتدى ؟ عساكم بخيييييييير .gif "Eh S(8)")
بغيتكم تشاركوني بمشكلتي اللي ممكن تكون عند البعض بسيطه
انا متزوجه صارلي ثلاث شهور ونص وموظفه وساكنه بشقه بروحي
والحمدلله مدبره اموري وماشيه تمام بفضل الله قايمه بحق زوجي
ماعدا الغدا يتغدى زوجي عند خالتي جزاها الله خير ما قصرت بس انا
ما اتغدى هذا طبعي من قبل لا اتزوج ارجع من الدوام وانام وزوجي
ماعنده مشاكل من هالناحيه بس وين المشكله يمكن تقولون !
الله يسلمكم المشكله ان رمضان على الأبواب وفشله كل يوم شايلين
بعمرنا ورازين بويهنا عند خالتي على الفطور صج ان خالتي طيبه وتفرح
بدخلتنا عليها بس هم هي زوجت ولدها تبي ترتاح مو نشيلها همنا وانا
ارجع من الدوام وتعبانه واكيد بنام وحتى لو ما نمت اخاف ان ما يمديني
اطبخ للفطور عشان جذي قلت لزوجي نييب خدامه تساعدني على الأقل
برمضان اتجهزلي شغلي وهو رافض هالفكرة يقول ما يحب ياكل من ايد
الخدم ومايرتاح في البيت بوجودها الا اذا ان شالله الله رزقنا بعيال نييب الخدامه ..
وهو يقولي نروح كل يوم نتفطر عند خالتي بس انا ما ابي ..
شسوي الحين ؟؟ احن على زوجي بهالخدامه اللي
عارفه ما راح يرضى عليها ؟؟ ولا مره نفطر عند خالتي ومره عند امي هم فشله .gif "Eh S(22)")
؟؟
وشاااااااااكره لكم
السلام عليكم ورحمة الله وبركاته
شلونكم يا حريم وبنوتات المنتدى ؟ عساكم بخيييييييير
بغيتكم تشاركوني بمشكلتي اللي ممكن تكون عند البعض بسيطه
انا متزوجه صارلي ثلاث شهور ونص وموظفه وساكنه بشقه بروحي
والحمدلله مدبره اموري وماشيه تمام بفضل الله قايمه بحق زوجي
ماعدا الغدا يتغدى زوجي عند خالتي جزاها الله خير ما قصرت بس انا
ما اتغدى هذا طبعي من قبل لا اتزوج ارجع من الدوام وانام وزوجي
ماعنده مشاكل من هالناحيه بس وين المشكله يمكن تقولون !
الله يسلمكم المشكله ان رمضان على الأبواب وفشله كل يوم شايلين
بعمرنا ورازين بويهنا عند خالتي على الفطور صج ان خالتي طيبه وتفرح
بدخلتنا عليها بس هم هي زوجت ولدها تبي ترتاح مو نشيلها همنا وانا
ارجع من الدوام وتعبانه واكيد بنام وحتى لو ما نمت اخاف ان ما يمديني
اطبخ للفطور عشان جذي قلت لزوجي نييب خدامه تساعدني على الأقل
برمضان اتجهزلي شغلي وهو رافض هالفكرة يقول ما يحب ياكل من ايد
الخدم ومايرتاح في البيت بوجودها الا اذا ان شالله الله رزقنا بعيال نييب الخدامه ..
وهو يقولي نروح كل يوم نتفطر عند خالتي بس انا ما ابي ..
شسوي الحين ؟؟ احن على زوجي بهالخدامه اللي
عارفه ما راح يرضى عليها ؟؟ ولا مره نفطر عند خالتي ومره عند امي هم فشله ؟؟
وشاااااااااكره لكم
شتبين بالخدامة وحده مجابلتج الليل والنهار وانتي توج عروس
ماراح تاخذين راحتج ابدا لاا بالقعده ولاا باللبس وحتى الكلمة
يعني حيل ترى بتضيق عليج صدقيني
وانتي توج بعدج عروس وانتو خفاف انتي وريلج
مو الا كل يوم تتفطرون عند خالتج
انا برمضان الي طاف كنت حامل واداوم بالجامعه وماكان عندي خدامة وكنت اسوي مرات الفطور ومرات عند امي ومرات عند خالتي بس عاد مو كل يوم مرتين بالاسبوع
عادي سوي الشوربه مقدار كبير يكفي لمدة 4 ايام مثلا من الليل وكل يوم سخني لكم
واشتري لج مخزون من الكبب والسمبوسه وهالسوالف
والمنتدى والنت متروس اطباق سهله وسريعه تقدرين تسوينها خلال فترةالعصر
لاا تصعبينها
هونيها وهي تهون ان شاء الله
ولااتنسينا من دعاءج
وانتي قوليلها مشكوره تعبناج ومن هالكلام يعني
بعدين تقزر رمضان على خفايف كبب وسمبوسه
والشوربه خليها مقدار يومين ,, ومعكرونياا هيك اموور ,, اما خدامه مانصحج
وتقدرين تسوين اطباق خفيفة كل يوم وتاخذينها معاج وعادي روحي حق خالتج بعد اسمها ساعدتيها.gif "Eh S(9)")
والله جان زين نلاقي خالات نروح لهم يخففون عنا الطباخ كل يوم خخخخخخخ
الله يرحمها خالتي ويسكنها الجنة يارب والله ما قصرت
الله يخلي الكبب والسمبوسه وافخاذ الدياي المجمده
وممكن تغيرين تسوين اطباق حلوبارد وتجهزينه من امس
او سلطات على السريع
والويك ايند حاولي تطبخين طبق رئيسي ودسم وخليها سهالات وافتكي من مغثة الخدامه و شدعوه بتتكلين عليها …مردج بتشرفين عليها وبتنغثين تسوين شغلج انتي بنفسج اسرع وابرك
وحلاة الفطور بالجمعات…..لكن اتفطرين راسج وراس ريلج ضيقة خلق
ودامج خفيفه لايهال ولاغيره استانسي وونسي حمولتج خل يحسون انه رمضان وياج غييير
وكل رمضان وانتي بخير ياعروستنا
جهزي شغلج من الليل ولي رجعتي من الدوام طبخي او قعدي الصبح مبجر طبخي وخلصي وروحي الدوام
واشدعوه ما يمديج تطبخين خو دوامات رمضان كلها 3 ساعات الكل طالع مع اذان الظهر
استمتعي بهالفترة ..
واذا عالفطور شدعوة انا متزوجة صارلي 5 سنين وعندي بنتين ولي الحين فطورنا يوم عند اهلي ويوم عند اهل ريلي اصلا حلاته الفطور باليمعة مو وناسة تتفطرون بروحكم ..
ومنها صلة رحم وحتى اهمه بيستانسون بدخلتكم عليهم ويمعتكم عالفطور منو يعاف لا تخافين ماراح يحسونج ثقيلة ولا شي ..
وعلشان لا تحسين روحج ثقيلة تنقصي حق خالتج كبب وسوالف جذي مثلجة قبل رمضان وديها لها ..
ولي رحتي وديلج طبق حلو والا مالح اللي تقدرين عليه مراح يتعبج لأنج اذا بتسوين فطور كامل بتتعبين ويبيلج وقت حلاته الفطور منوع …
انا نفسج عروس ومتزوجة قبل اربع شهور
وموظفة
وشقة بروحي
لاااااااااوبعددددددد
حااااااااااااامل وتعبانة
مع هذا .. لو يقول زوجي باجيب خدامة .. انحاش من الشقة..
اجيب لي شريجة تناطحني وتشوف لبسي وحركاتي
وبعدين الله يالعائلة.. راسي وراس زوجي.. اصلا انا احيانا افكر حتى لو ولدت مااجيبها.. ودي اربي ولدي .. ونعيش انا وزوجي وولدي بروحنا.. بس المشكلة اني موظفة..
وبالنسبة لرمضان.. بالعكس .. اصلا رمضان شنو ؟؟ جمعة وصلة رحم واذا السفرة مو متروسة اوادم هذا مو رمضان.. وانا ناوية برمضان ارد من الدوام انام شوي واقعد اسوي لي طبق مرة حلو .. مرة طبق ساخن .. مرة سلطات وادخل فيها على حمولتي.. ومرات افطر عند اهلي .. وصدقيني يتقزر من نفسه.. واحمدي ربج الحين الاذان يتأخر يعني يمدي الوحدة تنام وتقعد وتسوي طبق والاذان توه..
وترى عادي تتفطرين يوم بيت اهلج ويوم بيت اهل ريلج وخصوصا ان رمضان وحلاته يكون متيمعين على الفطور مو حلو تكونين بس انتي وريلج رمضان حلو باليمعه انا عندي عيال وبرمضان ما اتفطر بروحي بالبيت
واذا مستحية تروحين كل يوم لا تروحين ايدج فاضية بين كل زوارة سويلج شي وديه او اشتري حتى
وصدقيني الاهل راح يستانسون
والله يوفقج