بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم يابنات
ومبارك عليكم ماتبقى من الشهر
ساعدوني اللي سوت دزة واللي ياتها دزة
ابي افكار للدزة اول مرة نسويها وموعارفين شنحط فيها؟
وبشنو نحطها شنو اخر الافكار؟
وشلون ندش فيها؟
ومنو يكون معانا غير الام والخوات ؟
ومن وين نييب طقم الصلاة (ثوب وسيادة وقران ) شي كشخة ورزة؟
اذا تعرفون جاهز او وحدة تفصل
ومتى نوديها قبل الملجة والا بعد؟
ساعدوني هذا اول اخو يتزوج بالعايلة وموعارفين شي
السلام عليكم يابنات
ومبارك عليكم ماتبقى من الشهر
ساعدوني اللي سوت دزة واللي ياتها دزة
ابي افكار للدزة اول مرة نسويها وموعارفين شنحط فيها؟
وبشنو نحطها شنو اخر الافكار؟
وشلون ندش فيها؟
ومنو يكون معانا غير الام والخوات ؟
ومن وين نييب طقم الصلاة (ثوب وسيادة وقران ) شي كشخة ورزة؟
اذا تعرفون جاهز او وحدة تفصل
ومتى نوديها قبل الملجة والا بعد؟
ساعدوني هذا اول اخو يتزوج بالعايلة وموعارفين شي
وعطورات الفايز كلهم تلقين عندهم صناديق للدزه تكون مقسمه مكان للمهر ومكان للعطور وغراش العطر تكون كرستال وحلوه ويعبونها لج من اللي تبين خلطات او دهن عود صافي بعد يحطون بخور اذا تبين ويطبعون لج الكلام اللي تبين داخل الصندوق شعر او دعاء اللي تبين
انتي بس تروحين راح تلقين صناديق واجد ومختلفه اشكالهم روحي عطورات الفايز اول شي بعدين افتري عالباجين
واذا خذيتي الصندوق روحي بوابة الهدايا وقوليله يزينه من برااا لج بس لا يحط واجد خليه بنعومه يصير احلى واذرب
احنا سوينا جذي بدزة اخوي وتودونها بعد الملجه لان بيكون فيها المهر … تروح امج وخواتج الكبار واذا وحده او ثنتين من خالاتج يروحون بعد احسن
وسلاااااااااااااامتج
وياريت باجي البنات يعطونا افكارهم ربي يوفق الجميع
الصناديق اتهبل عند الشايع ويكتب لج اسم المعاريس داخل الصندوووق ودعاء أو شعر لهم على كيفكم
اما اثواب الصلاة وجذي ماعرف كلش
بس ما ادري اذا في اثواب خاصه حق العرايس
لانه هناك اثوابهم عاديه
وبس هذا الي اعرفه
اب
اب
اذكر ولد عمي لما تزوج عمتي الكبيرة سوّت الدزة حق زوجته و ودينآهآ لـ بيت اهلها و لبسنآ اليهال كلهم دراريع قديمة بس ستايلها كان وايد حلو و صبيان صغار لبسناهم الدشداشة و فوقها الوزار و حركات جذي p:
و صندوق كبير فيه اكثر الاغراض و بعض الاغراض سوتهم ع طريقة بــُـقشة
اممم ما اذكر شنو كان داخل بالظبط بس اذكر ان حطتلها قطعتين خام راقيييين حيل حق دراريع و جذي
و اطقم ملابس داخلية وقمصان نوم و علب مكياج و ست كآمل عطور جسم مع اللوشن و جذي و ثوب الصلاة مع السجادة و جذي كان بـ جنطة حيييل ذربة ~
مادري انشالله اكون افدتج بـ شي و انشالله البنات ما يقصرون ~
انا دزتي يتني عقب الملجة ويابوها ام المعرس وخواته كلهم وخالته وبناتها وعمته ويداته الثنتين .. يعني وايد الي يونا ماشالله
وكانت الدزه عبارة عن 5 صناديق ايزوغون القلب .. كلهم ديزاين واحد ومكتوب عليهم اسامينا وادعية ومبروك ومن هالحركات .. اصغر واحد فيه مصحف امذهب وسيادة وثوب صلاة .. اللي اكبر شوي عباره عن فازه طالع منها مجسمات على شكل قلوب وحاطين فيها الشبكة والدبل وساعة … الثالث كان فيه المهر .. الرابع كان كله كرستال وفيه بخور ودهن عود وورد ومرشات بس حده كشخه .. الخامس كان فيه ستات عطور وجنطة ماركة وميك اب واشياء وايد .. يعني لله الحمد والفضل والمنة دزتي اطير العقل وحدها راقية
اي صج يوم يابو الدزه من برة عند باركنج السيايير واهم ايببون ويقولون الف الصلاة والسلام عليك ياحبيب الله محمد ومعاهم مبخر ليم دشو بيتنا وكانو ماشين ورا بعض يعني الي ماسكة اصغر صندوق اول وحدة واللي وراها شايلة الي اكبر منه وجذي .. يعني الحمدلله ماقصروا معانا حيل .. واحنا بعد من صوبنا ماقصرنا والحمدلله
عشان جذي لاتقصرين بالدزة لأنها دليل على مستوى وذوق المعرس واهله .. والله يعيني لي تزوج اخوي ان شالله عالحوسه الي بكون فيها بس يستاهل فديته والله
الله يوفج اخوج بزواجه ويسعدهم مع بعض ان شالله .. وادعيلي الله ايوفجني ويسخرلي زوجي وايتمم علينا بخير ان شالله ويبعد عنا الحساد يارب
اتمنى البنات فااادوج
اب لعيووونج
منهاااا طبعااا الصندوووق شريته من مجمع بيروووت تحت
بالسرداااب يكوون حجمه شوي كبير ومكتوب عليه من بره
آياااات قرآنيه ورحت وديته بوااابة الهداااايه وحط من داااخل
الارضيه خاااام زينهااا فيه ومن فوووق نفس الخاااامه كتب
عليهااا دعااااء (اللهم ياجاااامع النااااس ليوم لاريب فيه اجمع
بين قلبي …. و …. على خير في الدنيا والاخره) طبعا اللي كتب
هالكلام خطااااط بشكل فظيع وذرب … والهدايا اللي شريتها لهااا
عطر توم فور ، عطر عود المسك من الجزيره للعود ، وعطرين من جنيد
وعطر من الفاااارس ودهن عود من السرتي ، 2رشوووش ، 2 لوشااان على عووود
تولتين بخووور من البصيري التوله على 20دك كل توله نوع ريحته موطبيعيه وماااقصر صاااحب
محل االبصيري بس درى انهم حق مناااسبه خاااصه طلعلي صنااااديق صغااار 2 خشب وحط فيهم
البخووور …. شريت سيت عطووور للجسم من كشك بالفناااار ريحته موطبيعيه طبعااا فيه لووشن
وسبراااي والودي لوشن …الخ كلهم حطيتهم بالصندووق وحطيت فوقهم ورد احمر مجفف … وجبت
القرآن وحطيته بينهم وجبت المهر وقسمته نصفين وربطته بشريطه مكتوب عليهااا الف مبروك للعروسين
واستاااانسوااا عليه … حلات الشي يكووون بسيط بنفس الوقت ذرب
وان شاء الله باجي البنات يفيدونا
لعل الذكرى تنفع المؤمن
يقولون من الجهراء الى الاندلس والابل تمشي على الشارع ومزينه وعليها دزة العروسه !! ماادري صج والا اشاعه؟!
بس اذا صج بصراحه حركه تجنن
يقولون من الجهراء الى الاندلس والابل تمشي على الشارع ومزينه وعليها دزة العروسه !! ماادري صج والا اشاعه؟!
بس اذا صج بصراحه حركه تجنن
جنها ماره علي القصة بس مادري من وين لي وين
علما توصل كل شي يتكسر!!