تخطى إلى المحتوى
الرئيسية » ساعدوني الطبيب يهاوش

ساعدوني الطبيب يهاوش

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم

بنات انا كل ما اروح زياره لدكتور ويقيس الوزن يكون زايد كيلوين شسوي الحين 4 اسابيع على هالحال وهاوشني الدكتور يقول انتي بطوطه وزنج قاعد يزيد شسوي شسوي شسوي والله ببجي

الوسوم:

14 أفكار بشأن “ساعدوني الطبيب يهاوش”

  5. imilla
    الرد

    اقتباس:
    المشاركة الأصلية كتبت بواسطة لك الحمد يا ربي
    والله الدكتور قالي يأثر على البيبي وانا طحتلج بجي واكل زيااده انا اذا حاشني خوف اكل يارب شسوي

    ان شاءالله ما ياثر اختي في كل حمال يزيد وزنها 30 او 40 كيلو وماشاءالله ما اثر عليها ولا على البيبي والله وصل وزنها 109 لووول

    وعلى طول بعد الولاده شهرين تنزل كل الوزن الزايد

  7. amira
    الرد
    امممم ،، حبيبتي بس حافظي على أكلج … وانتي مو بيدج اذا زاد بهالسرعه … يعني داخلج بيبي … لا تحاتين ان شاءالله مافيج الا العافيه … ولا تحرمين نفسج من الأكل ((بس عاد مو تمصخينها))

    أنا أول ما رحت للدكتور … كنت اشوف البنات ببداية الحمل كلهم يضعفون الا انا زايده كيلوين … فقلت للدكتور … قالي "عليج بالعافيه"

    بس حطي بالج هم المتن الزايد ممكن ((ممكن)) يأثر بعدين عالولاده …

    الله يعين الجميع يارب

  8. chichaki
    الرد
    لك الحمد ياربي اكلي عدل و لا تكثرين بالحلو و مو تاكلين اكل رجيم مو زين يعني اكلي مثلا غداج بس كميه ياهل و كثري من الفواكهه و لا تشربين البيبسي و لا تاكلين حلويات و ككاو و كيك و لا تكثرين من المعجنات خليج عاديه اكلي عن نفسج مو عنج و عن الياهل و خلي اكلج متوازن اكلي سلطات ترى و الله مفيده لج و للبيبي عرفتي اشلون و لا تصيرين بليده على ابو حامل ما تتحركين كلش لا خليج عاديه يعني تحركي شوي و ريحي تحركي شوي و ريحي لأن في بنات على ابو حمل ما يتحركون فماينهضم الاكل عندهم

  9. hamida
    الرد

    /
    .,

    يـاربي شكثـرِ اعــاني..

    طلعت مـوبس آنـاأٍ..وياي قـروٍب..

    بس آنـاأٍ من الشهـرٍ السـادس بـدا يـزيدْ..

    مـع إنه اكلـي مو ذاك الــزوِدْ..

    .,
    /

  10. kamiliya
    الرد
    حياتي .. اذا انتي حاسة نفسج قاعدة تزيدين وهالشي مو من اكلج ..

    انتي عاد بالهشي حاااولي تعادلينه بأكلج .. يعني لااازم تخففين ..

    الزيادة دايما ماتكوون من اول الاشهر .. لانه خووفيج تزيد بنص و اخواخر الشهور ..

    ويأثر هالشي على ريلج وظهرج .. وايد راح تتعبين .. تدرين انا بأول حمال بس اضعف

    لين الشهر الساادس يلاااااا متنتج شوي .. بس بعدين تفخت شوي .. وريلي وظهري كانو

    حيل متعبيني موووووو شوي .. مع اني بس زدت 8 كيلو بطووووووول حمالي .. يعني اقل من الوزن الطبيعي ..

    وروحي .. حق دكتوور تغذية .. وقوليله انا مابي ريجيم .. ابي اكل ما يتفخني ويكون مفيد حق الياهل ..

    انا يوم ضعفت كنت اروح حق دكتور تغذية .. عشان مابي شي ينقص الياهل .. وبما اني كنت قاعدة اضعف ..

    والحمدلله كان اووكي ..

    فأنتي دير بالج .. عشان صحتج .. وبعدين عشان الياهل لايمتن بعدين .. ويأثر على الولادة ..

    وربي يهون عليج ياعمري

  11. khouloud
    الرد
    حبايبي كل شي بالعقل حلو لا البلعه الزايده و الاكل المومفيد حلو و لا الرجيم زين ركزوا على المفيد الخضراوات الفاكهه البروتين و خروا عن السكريات و الدهون و الزيادة الطبيعيه من 8-12 كيلو فوق جذي صعب ينزل

  12. chahinez
    الرد
    الله يعينج انا عشت نفس معاناتج بس ماقدرت انزل وانا حامل شي من الوزن صعب بس بعد الولاده نزلتوزني بس لاتحاتين انشالله مو خطر انا

    اعرف حريم متااان ويولدون ومافيهم الا العافيه الله يسهل لج انشالله

  13. inzou07
    الرد
    اختي لازم تمسكين نفسج مو كلما اشتهيتي كليتي.. ترى البيبي يأذيه الأكل الزايد وبالذات الدهون.. وبعدين اذا زدتي وايد ابتتعبين بالولادة .. فخلي كل شي بحدود المعقول .. اكلي اللي تحتاجينه مو اللي تشتهينه.. والله يوفقج

  14. brinhu
    الرد
    انا من ادري اني حامل شهيتي تنفتح واتحلم بالاكل اقوم نص الليل اطبخ هههههههههه
    بس بعد الولاده انزل لان خلاص الشهيه توقف لا تحاتون

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.