بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
مرحبا بنات
انا ودي اضبط اللقيمات و ودي تكون مقرمشة
لكن كل ما سويتها
تطلع معاي جنها طعم عجينة
انا استخدم لقيمات العلالي و امشي مع التعليمات بالضبط
مادري شنو المشكلة
و فوق هذا ودي تكون كلها كور متساوية بس ماتضبط معاي
أحد يعرف طريقة اخليهم كور صغار مقرمشة؟
مرحبا بنات
انا ودي اضبط اللقيمات و ودي تكون مقرمشة
لكن كل ما سويتها
تطلع معاي جنها طعم عجينة
انا استخدم لقيمات العلالي و امشي مع التعليمات بالضبط
مادري شنو المشكلة
و فوق هذا ودي تكون كلها كور متساوية بس ماتضبط معاي
أحد يعرف طريقة اخليهم كور صغار مقرمشة؟
١٠٠٪ مضبوووطة
كوب طحين ابيض ( تقدرين تناصفينه نص ابيض ونص اسمر)
قفشة وسط خميرة قفشة وسط بيكنق بودر
رشة هيل
قوطي روب
حبة بطاط وسط مسلوقة و مهروووسة
خلطيهم مع بعض و غطيهم خليهم ساعه او ساعتين
و تكونين مسوية الشيرة و حاطتها بالثلاجة .. لازم تكون باردة عشان ماتعجن اللقيمات
تحتاجين طاسة صغيرة تحطين فيها زيت و قفشة وسط
و جدر صغير عميق للقلاي تحطين فيه كمية من الزيت الغزير
لما يسخن الزيت توطين شوي ع النار
تاخذين كمية من العجين بايدج وتضغطين عليها بتطلع بين الابهام و السبابة
بالقفشة المغمسة بالزيت راح تقطعينها كرة و تقطينها بالزيت
سوي جم وحدة
و وقفي بالقفشة مالت القلاي صبي الزيت الحار فوق اللقيمات عشان تنتفخ و تتحمر على نار هادية
عشان تستوي عدل من داخل ومن براا
وتكونين مزهبة يمج
ماعون او بايركس فيه الشيرة الباردة
وماعون فاضي تصفين فيه اللقيمات
اول ماتستوي اللقيماااات تحطينها بالماعون الي فيه الشيرة تحركينها وتخلطينهااا بملاس
وتطلعينها على طوووول وتحطينها بالماعووون الثاني
وجذي لين تخلصين المقدار
وعليكم بالعافية
منو تكسب فيني أجر وتعلمني