بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
مرحبا انا ولدت بالسابع ووزن بنتى كان كيلو وربع والحين الحمدللة وزنها كيلوين وطلعت من المستشفى صارلها اسبوع بس لما تخلص الرضعه ساعات ترجع وبعدين ماتقدر تتنفس وتظل فترة بعدين ترجع بس عقب ما اعصابى تنهار وبجى ويبتلها سستر بالبيت بس ابى اسأل احد صار معاه جذيه وشنو تسون لأن اذا السستر راحت وصرت بروحى شسوى مرعوبه حدى وهذى اول ياهل بليز ساعدونى
مرحبا انا ولدت بالسابع ووزن بنتى كان كيلو وربع والحين الحمدللة وزنها كيلوين وطلعت من المستشفى صارلها اسبوع بس لما تخلص الرضعه ساعات ترجع وبعدين ماتقدر تتنفس وتظل فترة بعدين ترجع بس عقب ما اعصابى تنهار وبجى ويبتلها سستر بالبيت بس ابى اسأل احد صار معاه جذيه وشنو تسون لأن اذا السستر راحت وصرت بروحى شسوى مرعوبه حدى وهذى اول ياهل بليز ساعدونى
انشالله البنات يساعدونج
لما كنت لما كانت صغيره بالاشهر نفس بنتج صغيره نتفه جنها لعبة ويننتني ماترضع حليبتها وبطيئه بالرضاعه واذا اشربت الحليبه ترجعها بس صبرت عليها لين بدت تاكل والحمدلله صارت وايد احسن بس يبيلها صبر وتضغطين عليها اذا ماتبي رضعتها او عطيها نص الرضعه بعدين النص الثاني والله كريم
اي وكنت بقولج لاتخافين اذا رجعت شي طبيعي ولما ترضعينها حاولي تشيلينها بهدوء عشان ماترجع
والله يكون بعونج وصبرج
بالنسبة للبطء في الرضاعة كنت الين تمرة بايدي و افركها داخل حلجها شوي شوي لأنه يقوي الفك عندها
وبالنسبة للترجيع هذا شي عادي بالنسبة للخدج لأن عضلات المعدة تكون مرتخية و ضعيفة
ابتعدي عن العطور والمعمول لأن اغلب الخدج تكون صدورهم تعبانة يكون معاهم ربو
و استمري على المراجعات في المستشفى
واذا كنتي والدة في مستشفى حكومي يمكن يقولون لج إن في 5 تطعيمات من شهر 10 الى شهر 2 لأن الجو في هالفترة يتعبهم
وانشالله اكون فدتج
صدقيني فتره وتروح…..حاولي تقليلين كمية الحليب وتقربين فترات الرضاعه…ولما ترضعينها لازم يكون جسمها تقريبا في وضع الجلوس
الله يحفضها ويبلغج فيها
ومنكم نستفيد
ونفس ما تقولين كانوا اثنيناتهم ما يرجعون
ونفس ما قلتي بالضبط بس كنت انفخ على
روسهم واحاول دايما اتريعهم يعني ما اخليهم
ينامون واهمه مو متريعين,,,,,,,,,,,,,,,,,,
المستشفى قايلين لي كل 3 ساعات رضعيها حتى لو نايمة قوميها من النوم ورضيعا وانا مافيني حليب ارضعها صناعي مجربة كل شي وماحس فاد معاي شي
طلبيلك نيرس