شنو اهم درجة الولد ولا كرامته ونفسيته؟؟؟

قوة امهاتنا حبيباتنا شلونكم؟

قبل فترة قريت بهالقسم ولية امر تشتكي ان الأبلة طقت بنتها ووحده ثانية قالت ان الابلة قالتلها انتي غبية وفيج وفيج..
المهم الكلمة اللي وايد اسمعها واستغربها اهي "اخاف اكلم الابلة تحط على البنت وتلعب بدرجاتها"!!!!
سؤالي : شنو اهم درجة البنت ولا نفسيتها وكرامتها؟؟
اوكي سكتي عن الابلة ما تتوقعين البنت بتخاف من الدراسة ويمكن تقتنع صج انها غبية؟
واذا ما كلمتي الابلة هل تعتقدين ان البنت لي شافتج ما خذيتي حقها راح تشكيلج مرة ثانية؟؟
وغير ان الابلة ممكن تتمادى وانتي ساكته تحاتين الدرجات؟
انا قاعدة اقول من وجهة نظري بس اتمنى اني اسمع وجهة نظركم وتبينونلي الاسباب

يعطيكم العافية والله يحفظ عيالنا من كل شر