{{ صينية البطاطس باللحم المفروم }}

السلام عليكم

صباحكم / مساكم ورد وياسمين

اليوم سويت اكلة بسيطة ولذيذة بنفس الوقت ان شاء الله تعجبكم

صينية البطاطس باللحم المفروم

المقادير

بطاطس مقطع دوائر
زيت للقلي
لحم مفروم
بصل
فلفل رومي
طماط مبشور او مقطع مو مشكلة + معجون طماط
جزر وبازلاء مثلجه
ملح + بهارات منوعه

للتغطية

علبة قشطة + 4 ملاعق جبن سائل + ملعقة مايونيز

الطريقة

-1-

خطوات تحضير اللحم

1- نحضّر القدر ونحط فيه ملعقة كبيرة زيت اما عادي او زيت زيتون

2- نشوح البصل لغاية ما يشقر لونه

3- نضيف له الفلفل الرومي ونقلبهم مع بعض

4- نضيف لهم اللحم ونقلبه معاهم وبعدين نضيف شوية ماء عشان يستوي اللحم

5- قبل مايستوي اللحم بثلث ساعه نضيف له الجرز والبازلاء المجمده ونضيف له كل البهارات اللي عندنا مع الملح

6- ناخذ قدر ثاني ونسخن الطماط فيه

7- لما يسخن زين نضيف له اللحم اللي سلقناه وملعقة معجون طماط ونقلبهم شوي ع النار ونضيف شوية فلفل احمر وبعدين نقفل عنهم وبهالشكل الحشوة تكون جاهزة

-2-

خطوات تحضير البطاطس

1- نقلي قطع البطاطس

2- لما يستوي نحطه على مناديل ونضيف له الملح والفلفل الاسود

3- نجهز الخلطه اللي بنستخدمها نحط القشطة والجبن والمايونيز ونخلطهم زين مع بعض

4- ناخذ الصينية ونضيف شوي من الخلطة بالقاع

5- نضيف قطع البطاطس بالاسفل فوق الخلطة

6- نحط اللحم المفروم فوق البطاطس

7- نغطي اللحم بطبقة ثانية من البطاطس

8- نصب باقي الخلطة ع الوجه

9- ندخلها الفرن تتحمر من فوق وهذا شكلها النهائي

وبالعافية عليكم
تحياتي