طبخه الجاينيز نودلز ==بالصــور== حياكم

السلام عليكم

اليوم عالعشا سويت اكله لذيذه وسهله بنفس الوقت
اللي هي (جاينيز نودلز) مع الخضار والدياي
ممكن تحطون اللي تبونه ربيان او لحم لكن انا سويته مع الدياي

المقادير
-كوسه
-جزر
-ملفوف
-فلفل اصفر كبير (الخضار كله نقطعه بشرائح طوليه)
-صدور دجاج بدون عظم (ونقطعه بشكل مربعات صغار)
-صويا سوس (جاينيز سوس)
-البهارات اللي بكيس الاندومي

نستخدم نودلز الاندومي اللي بأكياس ويكون بنكهه الخضار

ناخذ النودلز وانقعه في مله ماي حار حتى يلين ويستوي

بعدين نحط شويه زيت فالطابي ونضيف الخضار والدياي مع البهارات والصويا سوس

بعد ماتحسين ان الخضار استوى وصار لونه حلو
نضيف نودلز الاندومي مع شويه ماي من المله ونحركه عشان ياخذ النكهه

وبجذي خلصت الطبخه بسرررعه
وهذا شكلها النهائي

شرايكم ؟