طريقة الطلب من الامازون اشلون + اشلون اعرف سعر الشغله بالكويتي

اليوم أحبابي أقولكم خطوة بخطوة شلون تشتركون بأرامكس وبأمازون وتشترون

أول شيئ أحبابي لازم وأضمن لكم أنكم تشتركون بشركة أرامكس أو شركة أخرى تفتح لكم صندوق بريد بأمريكا والمملكة المتحدة نفس شركة أرامكس (ليش؟) لأنه طال عمركم اذا طلبتو عن طريق الموقع من غير فتح حساب بشركة ارامكس او غيره راح يوصلون لكم السلعة عن طريق البريد الممتاز يعني يبيلكم شهر على ماتوصل السلعة وهذا إذا ماصادفتكم مشاكل مع الوصول (ليش؟) لمن يدزون الشحنة مايعطونك معاها tracking number الي هو رقم التتبع للشحنة ( متوفرة لداخل حدود الدولة فقط )وماعندهم أي وسيلة للتأكد عن شحنتك بعد شحنها . أنا صارت فيني وطلبت أول الايام عن طريق الشحن الانترناشيونال (ماكان عندي صندوق بريد لأمريكا ) كل شحنة يرسلونها لك يكتبون لك فيها تاريح الشحن والوصول واذا تأخرت الشحنة أكثر من الوقت المطلوب لك الحق تطالب في ارسال غيرها أو انه يردون لك فلوسك (يوم ضاعت شحنتي طلبت اعادة المبلغ واشتركت بعدها بأرامكس ) فللنصيحة أولا تفتح حساب بشركة ارامكس .

1. فتح حساب لشركة ارامكس : أكو طريقتين إما أنك تروح لهم مكانهم الموجود بمجمع زهرة في السالمة وتفتح حساب أعتقد بملغ 11 دينار أو عن طريق موقعهم في الأنتر نت . بالنسبة لي أنا فتحت حساب عن طريق الانترنت أريح وأرخص بدينارين لعملا الوطني وإذا الخصم متوفر لباقي البنوك مادري (الدفع عن طريق الماستر أو الفيزا للإشتراك) بطاقة البنك العادية غير متوفرة لدفع الإشتراك . ( أسم الاشتراك shop&ship الي أهو الصندوق البريد لأمريكا والمملكة المتحدة )

موقع ارامكس : http://www.aramex.com أختار اللغة العربية وروح على للإشتراك في موقع ارامكس وتعبي البيانات الصحيحة لبيتكم وايميلك وتلفوناتك بعدها يدزون لك ايميل لتفعيل اشتراكك في الموقع وبعد ماتفعل الاشتراك تدخل الموقع وتروح تشترك بخدمة shop&ship تدفع المبلغ للاشتراك وراح يحددونلك موعد للإتصال فيك عن طريق الموبايل تكلمهم وتقولهم اني بشترك وانا قاعد في البيت الموظف رايح يدزلك فورمه عن طريق الإيميل تطبعها برنت وتوقع عليها حسب مايقولك بالتلفون وترد مرة ثانية تدخلها عندك بالأسكنر وتدزها له مع صورة لبطاقتك المدنية على نفس إيميله وبينكم تلفون بعد ما تدز الطلبات راح يقولك راح نبلغك وقت مانكمل بيانات الاشتراك وندزها لك . تنطر عليهم يوم أو يومين ممكن على حسب ضغط العمل راح يدزون لك ايميل فيه أسمك وعناوين الصناديق البريديه مع رقم الصندوقي البريد لعنوان امريكا والمملكة المتحدة أهم شي رقم الصندوق لأنه لمن تشتري من أي موقع لازم تذكر لهم رقم صندوق بريدك سواء بأمريكا ولا المملكة المتحدة أهم أثنين بس على حسب الدولة الي شاري منها / وبعد ما يدزون لك الايميل لعناوين الصناديق رايح يأكدون عليك ويتصلون. ( ملاحظة : أسمك لازم يكون دقيق لهم لأنه قت الطب من أي موقع لازم الأسم يكون صحيح بالملي لشركة ارامكس لمن يوصلهم الطرد مع رقم صندوق بريدك . طبعاً راح يدزون لك إيميل تفصيلي شلون تستخدم العنوان البريدي ووين تحط العنوان وبأي خانة تكون . سهالة …

2. فتح حساب لموقع أمازون : أول ماتدش الموقع روح فوق وأضغط على New customer? Start here بعدين حدد على No, I am a new customer بعدد ماتحدد أضغط على SIGN IN يعدها تحط أسمك الي موجود بالضبط عند شركة ارامكس أو غيرها ( اذا كنت مشترك ) وتحط إيميلك . وتحط باسسورد لأكاونت الأمازون واضغط على create new account . وبس جذي تكون تسجلت عندهم رسمي من غير تفعيل اشتراك .

الحين نضبط الاكاونت ,,,,

أول شي أعطيكم نبذه عامة للصفحة الرئيسية :

راح تلقى هذول مكتوبين في القمة :

your name Amazon.com / Today’s Deals / Gifts & WishLists / Gift Cards / Your Account | Help

إذا ضغطت على أسمك راح يخلي صفحة الامازون تكون بالسلع الخاصة لك يعني السلع المرغوبة أكثر شي لك أو أنت كنت تتصفح فيهم وابد

اذا ضغطت على Today’s Deals راح يوجهك على عروض اليوم الخاصة

اذا ضغطت على Gifts & WishLists راح يوجهك لأكثر من مكان منهم البحث عن الهدايا للشراء أو قسم الاطفال وقسم الزفاف من خواتم وغيره أو سلعة أتمناها ( الشغلات الي غير موجودة وانت ضايفها كسلعة اتمناها ) .

الGift Cards مامنه فايده الناس تستخدمه للدول الي ياخذون ضرايب على أغراضهم انساه .

اذا ضغطت على your account أهني القصة : راح يوجهك على حسابك الشخصي ومنه تقدر تعدل بياناتك وتضيف رقم حسابك لبطاقة الماستر أو الفيزا وتجيك على طلبك وتتبع مكان السلعة وين وصلت وهل وصلت وتضيف عناوين البطاقة (billing ) وعناوين التوصيل ( shipping ) عنوانك ارامكس أمريكا أو بيتكم في الكويت اذا ماعندك اشتراك .

شغلنا الحين كله في الاكاونت : دش على your account راح تلقى أمور كثيرة راح اشرحها لكم علشان تكونون واضحين واعارفين شتسوون :

Orders
See & Modify Recent Orders يتفرع منها :

If you want to:
تقدر تشوف فاتورة أخر شراء لك وعن طريقها تشوف لمدة 6 شهور وسنة See Recently Shipped Orders
تجيك وتتبع أغراضك وين وصلت (هالخدمة تتوفر بعد مايشحنون أغراضك وفقط متوفرة داخل الولايات المتحدة)Track Packages
تطبع وصل لأغراضك الي شاريها Print an Invoice
اذا كان عندك شحنات بسيطة تقدر تدمجهم بكرتون واحد (فقط الخدمة متوفرة قبل شحن أغراضك) بعد الشحن لاتستطيعCombine Orders
تقدر تكنسل شغله شريتها أو تبدلها بسلعه ثانية مع دفع أو استرداد الفارق Cancel or Change Order

بشكل عام طبعاً ماتقدر تكنسل أغراض أو تبدل أو تدمج أغراض بكرتون بعد أنتهاء المدة المحددة لتثبيت وقفل الطلب (المدة غير مذكورة في الموقع) يعني حتى قبل الشحن هالموضوع بإختصار اذا ناوي تسوي شغلة من هالشغلات لازم تكون بعد ماتشتري بأقل من يوم . واحتمال ينقفل قبله لأنه الموضوع يعتمد على الموظف في امازون ممكن يكون متواجد وسريع في الخدمة ويخلص الطلب بسرعة علشان يشحن (اذا صادفتك هذه المشلكة ارسل رسالة لخدمة العملاء عن هذا الموضوع قبل الشحن .

Purchase History

تشوف طلباتك السابقة لمدة سنة View Older Order

تشوف طلباتك السابقة لشرائك للأغاني أو الميديا أون لاين View Your Digital Orders

تشوف طلباتك السابقة للسلعة المستعملة والتي تم شرائك لها قبل توفرها بتجهيز طلبView Used Item Pre-orders

ما أعرفها وأعتقد أشتراك لشركة معينة بيوزر معين(تجاهل)zShops & Auctions Order History

More Order Actions

إعادة سلعة أو هدية لا ترغب بها مع ذكر الأسباب Return Items or Gifts

خاص للإشتراكات وتحديد المواعيد للولايات المتحدة Manage Subscribe &
Save Items

مهمة يا أخوان نفس الاي بي هذي اذا كنت شاري سلعة واحد بايعها عن طريق امازون لأنك راح تلقى أغراض مو موفرها امازون شخصيا لاكن عن طريق وسيط شخص يبيع السلعة مع تعامله مع أمازون ما في أي مشاكل بالنسبة للضمان أمازون الضامن / بالنسبة لهذي الخانة أنك تترك رأيك للأخرين عن هذا البائع وتقييمه هل هو جيد ام لا في السرعة والخدمة Leave Seller Feedback

Payment
Credit Cards & Gift Cards يتفرع منها :

Payment Methods

التعامل مع طريقة الدفع Manage Payment Options

تضيف رقم حساب بطاقاتك الاتمانية مثل فيزا او ماستر فقط Add a Credit Card

حساب رصيدك (للي متعامل في الشيكات )View Account Balance

Gift Cards

الإطلاع على شهادات امازون المستحقة View Gift Certificate/Card Balance

حق الي شاري شهادات امازون مثل الي عن طريق كاش يو تشتري شهادة بمبلغ معين ويعطونك رقم تحطه اهني ويصير عندك رصيد بمبلغ الشهادة وتشتري عن طريق امازون Apply a Gift Certificate/Card to Your Account

لشراء الشهادات عن طريق امازون Purchase a Gift Card

Settings
Password, Prime & E-mail يتفرع منها :

Account Settings

غير أسمك أو باسسوردك Change Your Name or Password

المساعدة اذا فقدت الباسسورد لأكاونت أمازونForgot Your Password?

للإشتراك بخدمة برايم توصيل بنفس اليوم مع خصومات (لأمريكا فقط) Manage Prime Membership

تشغيل خدمة ضغطة واحدة للشراء بشكل سريع من دون أن تدخل إلى السلة 1-Click Settings

Address Book

Manage Address Book
لتعديل بيانات عنوان الأصل وعنوان التوصيل (billing تحط عنوان بيتكم لأنه مربوط بحساب بطاقتك الاتمانية ولتأكدهم من المصدر) (shipping عنوان التوصيل ارامكس أو بيتكم)

أهني تضيف العناوين المطلوبة Add New Address

E-mail from Amazon

اذا تبي تغير ايميلك Change Your E-mail Address

اشتراك تنبيه للإيميل لتشابه للسلع المفضلة لديك وإعلامك بوصولهم E-mail Preferences & Notifications

اشتراكات تنيه على العروض الخاصة Amazon Delivers E-mail Sub******ions

اشتراك تنبيه على سلعة محددة اشتركت بها لإعلامك بأنها توفرت Product Availability *****s

اشتراك إيميل لتنبيهك على تاريخ محدد قمت أنت بتحديده لمناسبة معينة أو موعد معين Special Occasion Reminders

Digital *******
Kindle, MP3, & Downloads يتفرع منها :

Digital Management

هذه الخدمة متوفرة بعد ماتقوم بشراء جهاز Kindle الخاص بأمازون لقراءة المجلات والصحف في شاشة كندل الصفحة توفر اشتراكاتك بالصحف المجلات وتحميلها عبر الشراء اون لاين Manage Your Kindle

مكتبة شراء الفيدو أون لاين Your Video Library

مكتبة شراء البرمجيات أون لاين للتحميل Software Downloads

Your Media Library

مكتبة شراء أغاني mp3 للتحميل MP3 Downloads

الأمور المجانية من قبل أمازون Bonus Items

eDocs&short متعلق في جهاز الكيندال

مقتنياتك الشخصية Your Collection

Personalization
Participation & Public ******* يتفرع منها :

Community

ملفك العام Your Public Profile

معلومات عن شرحك لتفاصيل ووجهة نظرك للسلع التي شاهدتها أو أشتريتها سابقاً Product Reviews Written By You

(مكررة) Leave Seller Feedback

معلومات سابقة للأشخاص الذين قمت بترك رأيك عنهم وعن خدماتهم وتميزهم Seller Feedback Submitted By You

Lists

لعمل الرجستري لأطفالك عن ميلادهم ومقاساتهم وعن السلع المفضلة لديك لتمكن الآخرين من أهلك بسهولة الاختيار لها Baby Registry

اعتقد نفس السالفة بالإضافة لوجود فريق عمل خاص لتخطيط الزواج (wedding planning)اهاااWedding Registry

السلع الغير متوفرة وضفتها بأنك ترغبها وتتمناها Wish Lists

مو متأكد بس خاص للعطورات والمكياج والاغذية Your Shopping List

خاص لقسم الإهداءات Gift Idea Lists / Gift Organizer

Recommendations

السلع المفضلة لديك Recommended for You

تعديل نظام السلع المفضلة لديك للصفحة الرئيسيةImprove Your Recommendations

Personalized *******

تعديل والاطلاع على الصفحات التي تصفحتها سابقاًView & Edit Your Browsing History
إعدادات الصفحات المتصفحة سابقاً Your Browsing History Settings

قسم اشتراك الاخبار بأنوعها الفنية مجلات وصحف عبر الmp3 (للهاتف أعتقد) Amazon Wire and Podcast

متعلق في تنبيهات خاصة للوسيط الثالث (البائعون)Your Advertising Preferences

متعلق في صفحة الويب بيج والكوكيزYour Associate Website Browsing Settings

بالنسبة لموقع امازو المملكة المتحدة http://www.amazon.co.uk مافي فرق نفس الخطوات بالضبط .

وأخر شي بقى في الصفحة الرئيسية راح تلقون فوق على اليمين السلة cart أهني تحصلون السلع الي اخترتو شرائها . وبالنسبة للشغلة الي تبونها بس ماتبون تشترونها نفس الوقت تقدر في صفحة السلة جنب السلعة المختارة جهة الشمال تضغط على save وتخزنها لوقت أخر (حدك لمدة 3 شهور وتنلغي ) .