طريقة حلوة وسهلة لترتيب الوسائل بالصور ودااعا للحوووووسة

السلام عليكم ورحمة الله وبركاته

كل عام وإنتو بخير بمناسبة قرب العام الدراسي

شوي شوي علي لا تطقوني

أدري تو الناس ..بس نبي نستفيد مبجر

,,

,,

بما إحنا معلمات أكيد عندنا صور ووسائل وااااايد بحكم عملنا

بس أشوف واااايد أبلات أغراضهم عفسة حيل شورة مع بطاقة مع ستكرز مع مغناطيس

مو عارفين شلون يرتبون أغراضهم ..وليما تصير عندهم حصة يحوسون على أغراضهم ما يلاقونها

لأنها مو مرتبة نهاااائيا

,,

,,

اليوم يايبة لكم طريقة منظمة وسهلة حيل و ما تكلف ترتبون فيها صوركم وبطاقاتكم و ما تاخذ منكم مكان وااايد

يلى نبدي نشوف شنو المطلوب

أولا :

جهزي الصور والبطاقات والشفافيات إللي عندج وفرزي كل شي بروح

ثانيا

إشتري ملفات إللي عليهم طباقي الواحد ب 100 فلس وتوني شارية الدرزن من جمعية العديلية ب 350 فلس مسوين عليه عرض …نفس الصورة

ثالثا

طوابع عشان تحطينها على الملفات

الطريقة

تكتبين على الطابع في كل ملف الصور إللي حطيتيها يعني مثلا
ملف تكتبين عليه ..صور الحيوانات
وملف ثاني تكتبين عليه ..صور العبادات
وثالث أكتب عليه ..بطاقات توضيحية
ورابع أكتب عليه ..شفافيات
وخامس أكتب عليه صور الطبيعة

…..ألخ وهكذا

نفس الصورة

وبعدين حطيهم داخل الدرج …وإخذي الصور إللي تبينها وإذا خلصتي الحصة ردي كل صورة بالملف الخاص فيها

وسلامتكم

أمانة كل وحدة تدش الموضوع تدعي لي هالسنة يصير جدولي روووعة وصفوفي من أحسن الصفوف ونصابي يكون قليل وإنه الله يسخر لي كل إللي بالمدرسة من صغيرهم لي كبيرهم

وشكرا لكم مقدما