طريقة عمل كفتة الحاتى

4 أشخاص
وقت التحضير: 10 دقائق
وقت الطهي: 30 دقيقة
المقادير: ربع كيلو لحم مفروم ونبشرعليها قطعة صغيرة لية ضانى
بصلة متوسطة مبشورة
نص طماطماية صغيرة ونكون مقشرينها ونبشرها
ملح وفلفل
معلقتين كبار خل ابيض
معلتين كبار بقسماط ناعم
التحضير: اول حاجة نحط الطماطم على البصل المبشورين ونحطهم فى مصفاة يصفوا مايتهم خاالص وناخد تفلهم بس نحطه على اللحمة
بعد كده نحط بقيت الحاجة كلها على اللحمة ونعجنها بادينا كويس بعد كده نحطها فى الكبة تاخد لفة واحدة بس
مانسيبهاش لما تنعم خالص

الطبخ: بعد كده نصبعها على حاجة مبططة انا بصبعها على معلقة مبططة بالشكل ده او لو عند سيخ مبطط المهم ان الكفتةة تكون مبططة مش مدورة
علشان تسويتها
بعد كده حنجيب طاسة تيفال ندهناه بزيت خفيف
نحط الطاسة على النار لما تسخن كويس اوى نرص الكفتة علشان ماتنزلش مايتها وننفضل معليين النار عليها علشان تتحمر من غير ماتنزل مايتها بس بتكون على الشعلة الصغيرة مش الشعلة الكبيرة
ونغطى عليها بغطا محكم
طبعا هى مش بتقعد كتير علشان النار عالية يعنى تفضلى واقفة وتتابعى قعرها من تحت وهى عليها الغطا
وده شكلها لما حسيت انها اتحمرت ومحتاجة تتقلب
نقلبها على الوش التانى ونوطى النار عليها
نكون محضرين ورقة الومونيوم صغيرة وقطعتين كبار فحم نكون مولعينهم ونحط علي الالوومنيوم معلقة من الدهن اللى نزل من الكفتة ونحط فحمة واحدة من الاتنين اللى احنا مولعينهم والتانية حنحطها بعديها
نغطى بسرعة على الكفتة ونسيبها تستوى والفحمة جواها والنار واطية
هنا بدا الدخان يقل لما يقل خالص نشيل الفحمة الاولانية و نحط الفحمة التانية ونغطى برده والنار واطية على الكفتة
بعد شوية لما الدخان يقل نفتح على الكفتة حنلاقيها اتحمرت من الناحية التانية واستوت
ونقدمها على بقدونس