بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
=
=
=
السلام عليكم ورحمة الله
قوه حبايبي والله لا يحرمني منكم ان شاء الله
عرس اخوي بعد اسبوع وهو يحاتي ،،، يبي يعرف لي دش صالة الحريم شيسوي بالضبط ؟؟
ناس تقول له أمش عادي انت واخوانك ليما تقعد يم العروس ،، وناس تقول له بوس راسها قبل لا تقعد
وناس تقول له لا تطول بالقعده ،، وناس تقول تبوسم وايد ،، وناس تقول خلك ثقيل
تكفون شنو المفروض يسويه أخوي بالضبط ويكون أهو المتبع في الغالب ،، ومشكورين
ملاحظة : إحنا حضر ماخذين بدو ،، واللي راح يدشون معاه الصالة بس اخوانه وابوه
=
=
=
السلام عليكم ورحمة الله
قوه حبايبي والله لا يحرمني منكم ان شاء الله
عرس اخوي بعد اسبوع وهو يحاتي ،،، يبي يعرف لي دش صالة الحريم شيسوي بالضبط ؟؟
ناس تقول له أمش عادي انت واخوانك ليما تقعد يم العروس ،، وناس تقول له بوس راسها قبل لا تقعد
وناس تقول له لا تطول بالقعده ،، وناس تقول تبوسم وايد ،، وناس تقول خلك ثقيل
تكفون شنو المفروض يسويه أخوي بالضبط ويكون أهو المتبع في الغالب ،، ومشكورين
ملاحظة : إحنا حضر ماخذين بدو ،، واللي راح يدشون معاه الصالة بس اخوانه وابوه
اول شي الله يتمم على اخوج بالخير ويوفقه ياربي …. الله يباركلكم فيه وبعياله ويرزقه بالذريه الصالحه
عاد يدش وبعد مايقعد تروحون وتصورون معاه وبعدها تجيبون له العصير ويشربون ويصورون مع بعض وياخذ عروسته ويطلع بس وواذا يبي يتبوسم على قولتج كيفه لووول شي راجع له
مشكورة يا عمري وما قصرتي على المشاركة
ويزاج الله خير على الدعاوى الصالحة
ولج بالمثل ان شاء الله
هو عادي ما عنده مشكلة بالتبوسم ،، بس ان بعض ربعه قايلين له جذي وبعضهم قايل له دق الثقل
ولا اهو يقول انا راح ادش على طبيعتي
عموما الف شكر مرة ثانيه
مو لازم يتبووووسم وايد ولا يكشر يعني لازم يكوون مبسووط لانه عرسة لايمثل خلة على طبيعته
ابووج واخوانج يدخلوونة للكوووشة بسلموون علية ويطلعوون بعدين يروح يقعد يم العروووس بعدين انتوا اهلة تسلموون علية وعلى العروووس وتصوورون معاهم
يقعد شووي ويطلع يعني اغنيتين تقريبا مو ع طووول يعني يطلع في ناس ما يمدية دخل الا طلع على ماتصوورون معاهم يعني اتووقع كافي جذي
موفق يارب وانشاء الله يتهنووووون
تنقد عليكم وعليهم تعرفين سوالف الحريم بعد
شوفي حبوبة يدخل المعرس وابوة واخوانه
ولما يوصل الكوشة يسلمون عليه ويطلعون او يصورون
وبعدين يقعد المعرس ويطق الثقل ويصور ويطلع وبس
لا تكثرون حركات ترى الناس ماتعطي خير
اوول شئ مبروووك والله يوفقهم انشالله
وبالنسبه حق دخلت المعرس انا افضل.gif "Eh S(6)")
يدخل عادي ويكون طبيعي حييييل ويقعد ييمها عادي مايضحك واجد ولايكشر
عادي يكون طبيعي .. مادري انا افضل جذي
عادي يدش و يا اهله اهو يبتسم لما يوصل الكوشة يسلم على الي معااة و الي مو محارم للعروس يطلعون بعدين يلف و يسلم على عروسته ابو العروس و المعرس و اخوان العروس يصورون مع العروس و بعدين يطلعون و يقعد اهوا و العروس شوي و عقب يطلون خل يسولف معاها بس شوي مو وايد و يبتسم و بس
الله يسلمج انا اقولج اللي اخواني طبقوه ونفع معاهم
اول شي يدخل مع ابوج واخوانج لحد الكوشه بس مايصعد عليها اول مايوصل الكوشه يلف ويعطي العروس ظهره يوق يسلم على ابوج واخوانج وكل واحد بيسلم عليه يجون يسلمون عليه سواء الحريم من عايلتكم او خواته او اللي يصير وخلاص يطلعون اخوانج وابوج عاد ذيج الساعه اهوا يلف ويصعد الكوشه يبوس راس العروس ويقعد يمها جذي ابو اغنيه اغنيتين لوووووووول تذكرت اخوي مهددني قال اغنيه وحده واطلع حاسبها اول ماخلصت الاغنيه وقف الاخ لوووووول
المهم تتفقين معاه شكثر بيقعد جم اغنيه
وبعدها تحطون اغنيه الطلعه توقفينه وتوقفين عروسه وتمسكينهم ايدين بعض وتطلعينهم بالسلامه لوووووووول وطوال الفتره هذي يفضل المعرس يكون طاق الثقل لانه ممكن لو تبوسم ينحرج ويصير شكله يضحك مع الابتسامه
خواني كانوا يطقون الثقل يدوب ابتسامه سلام لمى احد يسلم عليهم وبس يرد طبيعي شكله مرتااااااااح
اما لمى تجبرينه يتبوسم بيمل ويتضايق وينحرج ويتفشل
ومبرووووووووووكين
وسوري على الاطاله بس حسيت فيج وحبت ارد من واقع تجربتي
ربي يوفق اخوج ويسهل امره
حبوبه البدو مثل ماقالوا الخوات العروس ماترقص
خله يدش الصاله بطبيعته لا يرتبك ولا يخاف يذكر الله ويقرأ ايه الكرسي ويسهل امره وثانياا ولا يفكر باللي حواليه يدش ولا يحاتي شيء
وربي يوفقه ويوفقهاا
تحياتي