عبدالله محمد عبدالله الهاجري تاريخ كويت

اذا وحدة بتسحب عنده ضرووووووووووووري تقولي تكفون

اي تضمنين قريد عالي
ماعتقد صعبة عند هدكتور

الله يجزاكم خيييييييير :*******

بنات منو خذت عنده نبي نعرف طريقته شلون وكمية الدراسة شلون وتوزيع الدرجات بليز ؟؟

ومشكورررين,,

انا سجلت امس عنده وقريت تقييمه بعدين سحبتهاا

التقييم ملاحظات الطلبة
– النجوم:
– المستوى: متوسط الصعوبة
– الشرح: شرح جيد جدا
– حصلت على: A
ننصح به
المـادة: تاريخ الكويت الحديث والمعاصر 100 التاريخ: 2011-05-10
الطالب: shushuwa رقم التقييم: 23268
السلام عليكم ..
دكتور عبدالله مو بس افــــضــل دكتور بالجامعة اهو افـــضل انسان تعاملت وياه من حيث الطيــبة والرقــي والفــكر يحب المناقشة ويحترم الاراء نشيط ويحب محاضرته ويحببك فيها .. واقسم بالله شهادتي فيه مجروووحه !! واحب اقولكم اللي يبي درجات لازم يشد حيلة لانه مافي شيء يجيء بدون تعب ودكتور عبدالله مستحيل مستحيل يظلم احد والمادة مع هالدكتور حدهاااا ممتعة , ياليت فيه منه اثنين جان احنا بخير..
الله يوفقك يادكتور عبدالله ويطول بعمرك .

– النجوم:
– المستوى: سهل جدا
– الشرح: شرح ممتاز
– حصلت على: C
ننصح به
المـادة: تاريخ الكويت 0330100 التاريخ: 2010-10-01
الطالب: فهد رقم التقييم: 22063
متعاون ومحترم ويرفع بنهاية الفصل

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: تاريخ الكويت الحديث و المعاصر التاريخ: 2010-09-05
الطالب: RiRi رقم التقييم: 21812
خوش دكتور
تستانس بالكلاس معاه
لكن لا تصدق إن الامتحان سهل
شدددددد حييييييلك لأن الامتحان لازم تدرس له عدل
عشان تقدر تييب معدل
عموما أنصح فيه
و ترى يحب اللي يناااااقشه وااايد

– النجوم:
– المستوى: متوسط الصعوبة
– الشرح: شرح ممتاز
– حصلت على: B
ننصح به
المـادة: تاريخ الكويت الحديث و المعاصر التاريخ: 2010-08-27
الطالب: ام صويلح رقم التقييم: 21639
السلام عليكم ,,,,,,
الدكتور عبدالله دكتور طيب و ممتاز كدكتور و بشهادة الجميع يقدر الطلبة و يحب المشاركة وصريح و ما يمانع التاخير و تقسيمة درجاته منصفه ويعطي تلخيص لكتاب علية 5 درجات كبونص بس مشكلته الغرور اشوي بس غروره مو على الطلبة اكيد نفسيته حلوه ويراعي الظروف و ما يغلط على احد بس يحب ايسولف و يتكلم واايد و اخيرا الدكتور عجيييب و من احسن الدكاترة و اغربهم بس ما يرفع اخر شي ابداااا الي تجيبه يحطه
و موفقين::::::::::::::

– النجوم:
– المستوى: سهل
– الشرح: شرح جيد جدا
– حصلت على: A
ننصح به
المـادة: تاريخ الكويت -0330100 التاريخ: 2010-08-13
الطالب: dm3t7zn رقم التقييم: 21568
الدكتور طيب ..محاضرته حلوة..
يشدد عالحضور والغياب (5 درجات )
يحب المشاركة
الفيرست مدتيرم:عليه20 درجه..والكمية15 صفحة بس..
10 موضوعي و10 مقالي..وسهل
السكند مدتيرم عليه 25 درجة ..كله موضوعي..وماعنده مانع الدكتور ان يخلي جزء منه مقالي بس اذا اتفق كل الكلاس ..
الفاينل من 50 احنا خليناه موضوعي..ومو وايد سهل..يعني لازم تركزون عدل بالدراسة لان الكمية كبييرة
بونص 5 درجات عبارة عن تلخيص لكتاب
والله يعطيه العافية

– النجوم:
– المستوى: متوسط الصعوبة
– الشرح: شرح متوسط
– حصلت على: B
ننصح به
المـادة: تاريخ الكويت الحديث و المعاصر التاريخ: 2010-08-07
الطالب: hoobaa رقم التقييم: 21482
بصراحه الدكتور حيل عادي ما يزيد انت وحقك والاختبارات مو اهو يصلحها .. اللي يصلحها أ.نايف العنزي
والأستاذ يحاسب بدقه عالمقالي
احنا اختباراتنا من 20 درجة
10 اختيارات (مضمونه الدرجة)
10 مقالي (لازم تكون دقيق بالإجابة)
انا يبت 19.5 من 20 لأني نسيت جمله عاديه
والنهائي نفس الطريقه بس كان 20 درجة مقالي أعتقد ما اذكر بالضبط
بس عالعموم يظل أحسن من غيره و أحسن الموجودين بالقسم

– النجوم:
– المستوى: صعب
– الشرح: شرح متوسط
– حصلت على: C
لا ننصح به
المـادة: تاريخ كويت التاريخ: 2010-06-21
الطالب: q8iaa 3sal رقم التقييم: 21086
بلنسبه للي مدحو الدكتور ترى بس عشان الاعتذارات والتأخير
بس الشرح شرحه مو كافي وكتابه واااايد كبير وكمياات الامتاحانت وااايد كبيره والدرجات تصددم الواحد بصراحه غلطه عمري اخذت عنده مع ان ناس واايد مدحو لي اياه بس ماشفت ولا شي حتى اهو قال الناس تمدحني لني اعطيa
بس انا تغيرت خلاص ما اعطي اي احد a
والله كنت ادرس واتعب بس اذا كميه الفاينل 250 صفحه وشرحهم كلهم بأسبوعين تخيلو يعني 4 محاضرات بالله شلون راح نفهم

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تاريخ الكويت التاريخ: 2009-11-13
الطالب: mz90 رقم التقييم: 19145
دكتور ما يتطوف و يساعد و يشبعكم اعتذارات يابخت من ياخذ عنده

– النجوم: لا يستحق نجوم
– المستوى: متوسط الصعوبة
– الشرح: شرح ضعيف
– حصلت على: B
لا ننصح به
المـادة: تاريخ الكويت التاريخ: 2009-09-16
الطالب: her-majestyy رقم التقييم: 18921
انا خذت عنده الكورس هذا وعلى كلامه اخر كورس يدرس فيه
حرام هالدكتور يدرس هالماده.. الواحد مفروض يتعلم تاريخ ديرته وهالدكتور بس يبي يسولف وماله خلق يشرح اهو بنفسه يقول مليت صار لي 5 سنين ادرسها!!!!
اجل اللي درسوها 30 سنه شيقولون؟!!

والبنت الكشيخه دايم محظوظه!!
اغلب اللي يمدحونه عشان سالفة الدرجات!!

ماابي الدرجات اذا تاريخ ديرتي ينقلونه لي بصورة مغلوطه !!

لحد يجي ويقول كلامي غلط وربي كله واقعيه والله على ما اقول شهيد!!

– النجوم:
– المستوى: متوسط الصعوبة
– الشرح: شرح ممتاز
– حصلت على: A
ننصح به
المـادة: تاريخ الكويت التاريخ: 2009-07-16
الطالب: لولوة رقم التقييم: 18314
دكتور عبدالله شهادتي في مجروحه من احسن الدكاتر راقي بالتعامل مع الطلبه قمه في الاحترام و خوش دكتور وايد حبوب و طيب
الامتحانات صعبه حيل خصوصا موضوعي ومقالي بس التصحيح غير منصف و الكتاب كميه ,ما اعتقد يزيددرجات يعطيك حقك وبس…….
بنهايه صراحه الكلام مايوفي بحقه
ما اقول إلا الله يوفقه

– النجوم:
– المستوى: متوسط الصعوبة
– الشرح: شرح متوسط
– حصلت على: A
لا ننصح به
المـادة: تاريخ كويت التاريخ: 2009-07-11
الطالب: el70b رقم التقييم: 18241
مادري ما عجبني لان يفضل المنقبات مع احترامي لهم على البنات العاديات ودرجتي من جهدي وتعبي

– النجوم:
– المستوى: سهل جدا
– الشرح: شرح جيد جدا
– حصلت على: A
ننصح به
المـادة: تاريخ الكويت التاريخ: 2009-06-24
الطالب: tatona رقم التقييم: 17771
الصراحة الدكتور يحببك بالمادة و اهوا ماكو بيدة ولا درجة يساعدك فيها يعني الامتحان الاول 25 و الثاني 25 و الفاينل 50 يعني ماكو بيده ولا شي وصح اهوا ساعات يتميلق و طفارته اطالع الساعة و الشرح مختصر و بشكل عام من الكتاب مع اضافات خارجية من عنده بس الامتحان من الكتاب و تدرس كمية بعدين تمتحن فيها و تقطها و هكذا

– النجوم:
– المستوى: متوسط الصعوبة
– الشرح: شرح متوسط
– حصلت على: B
ننصح به
المـادة: تاريخ الكويت التاريخ: 2009-04-21
الطالب: XQ55 رقم التقييم: 17102
سمعت عنه كلام زين
الواقع — تعرفه أو تعرف أحد يعرفه بتاخذ زياده
ما تعرفه بتاخذ درجتك ويمك أقل شويه

– النجوم:
– المستوى: متوسط الصعوبة
– الشرح: شرح جيد جدا
– حصلت على: A
ننصح به
المـادة: تاريخ الكويت التاريخ: 2009-01-08
الطالب: smk88 رقم التقييم: 15926

دكتور عبدالله قمة في الاحترام .. و خوش دكتور و طيب ..
و حابه أقول عن اللي يقولون عنه مغرور : " وصل مواصيله .. ويحق لك تغتر "
موفقين

– النجوم: لا يستحق نجوم
– المستوى: متوسط الصعوبة
– الشرح: شرح ضعيف
– حصلت على: C
لا ننصح به
المـادة: تاريخ الكويت التاريخ: 2008-09-22
الطالب: bint-el-badw رقم التقييم: 15468
لاننصح به ابد
وايد مغرور ويترفع على كتابات المؤرخين
كتابه تكرار للمعلومات اللي في الكتب اللي تناولت تاريخ الكويت وما فيه معلومات جديدة
الامتحانات سهلة بس التصحيح غير منصف
ما يدرس الكتاب المقرر من القسم ويلزمنا بكتابه

– النجوم:
– المستوى: متوسط الصعوبة
– الشرح: شرح متوسط
– حصلت على: B
لا ننصح به
المـادة: تاريخ الكويت التاريخ: 2008-08-12
الطالب: magnolia رقم التقييم: 14962
أنا أأييد الاخت joori تجربتها بالضبط نفس تجربتي بس أنا اصدمت بدرجة الفاينل..
أنا كنت يايبه درجة وايد زينة بالمدتيرم بس بالفاينل حطلي B- , والمشكلة انا ما مداني أراجع الدكتور عشان أعرف اغلاطي عطلو الدكاترة لأن الامتحان كان أخر يوم للامتحانات , وأنا كنت مسويه زين بالفاينل ومن دخلت الجامعة وانا درجاتي الحمدلله كلها A أو A-, والمادة هذي أول مادة أيب فيها b- , بصراحة أنا أحس انا الواحد مو أكيد ياخذ حقه عنده , أنا ليلحين ماني مستوعبة الدرجة ولا أحد مصدقني, بس الحمدلله علها خيرة وانشالله التعب اللي راح كله أجر, بس نصيحة مو كل شي تسمعونه من مدح صج , والله اوفق الجميع….

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تاريخ الكويت التاريخ: 2008-08-08
الطالب: ليش يعني؟ رقم التقييم: 14903
اللي بيضمن الدرجات.. من بداية الكورس يدرس من نفسه من الكتاب..
ويلخص وكل شي..
وترى امتحاناته موضوعية سهلة مافيها شي!
انا كنت ماخذة المادة بس جذي قلت اكثر مواد بالصيفي..
بس صج صج ماااندمت
يعطيك العافية دكتور

– النجوم: لا يستحق نجوم
– المستوى: متوسط الصعوبة
– الشرح: شرح ضعيف
– حصلت على: B
لا ننصح به
المـادة: تاريخ الكويت الحديث و المعاصر التاريخ: 2008-07-21
الطالب: jo0ori رقم التقييم: 14614
شقول و شخلي
الصراحة انا المادة عني اختيارية
واول ما سمعت كل المحدح عن الهاجري قلت بس A
و بطلعت الروح سجلت و كنت طايرة من الوناسه
من قدي مسجلة عند الهاجري
و كل يوم عن يوم اندم اني سجلت هالمادة
الدكتور ناس و ناس حسب البنت
اللي تتمصلح عنده اقولها ضمنتي A

اول اسبوع قالنا انا اغلبية الشعبة تطلع A
و يمكن بس 5 بنات مادري اقل خذوا A
حق الواسطات شاطر بس اللي ماعنده واسطه
نفسي شيسوي !!!
ندمت شكثر اني خذيت هالمادة
لاني عانيت امتحانه خارج عن الشرح كله من الكتاب و كمية كبيرة
شرح بوادي و المادة و الكتاب بوادي ثاني !!!

– النجوم:
– المستوى: سهل
– الشرح: شرح متوسط
– حصلت على: B
ننصح به
المـادة: تاريخ الكويت التاريخ: 2008-06-21
الطالب: mdaji رقم التقييم: 14360
دكتور حبوب ومحترم ، الشرح ماله شغل بالكتاب ، امنحاناته موضوعية وسهلة نوعا ما ، يرفع وايد بالقريدات وإذا عندك واسطة أحسن وأحسن بعد .
ننصح به وبالتوفيق

– النجوم:
– المستوى: متوسط الصعوبة
– الشرح: شرح متوسط
– حصلت على: B
ننصح به
المـادة: تاريخ الكويت الحديث والمعاصر 0330101 التاريخ: 2008-03-16
الطالب: بوس بوس رقم التقييم: 13473
مايقصر مع أحد، يرفع الطالب اللي يعرفه شايفه كل يوم يحضر ويجاوب بالكلاس، يحب البرزنتيشنز ويعطي كل 2 مع بعض يقدمون بـ15 دقيقة ويحب الجرأة لكن وايد يسأل ويحب يحرج.
مشكلته يتفلسف شوي يعني مايحب أحد يفهم أكثر منه، وإذا سأل يستمتع إذا جاوبتوا خطأ وإذا جاوبوا صح يحس بغصه. ليش مادري!
الامتحانات كله موضوعي لأن الشعب لا يمكن تستوعب مقالي.
والمنهج غثيث وطويل ولازم دراسة أول بأول.
اهو حبوب بالقسم وحبوب بالكلاس محاضرته ربع ساعه لأن ايي متأخر.
بس لاتعتمدون على هالشي اعتمدوا على مجهودكم الذاتي أحسن وأضمن.

– النجوم:
– المستوى: متوسط الصعوبة
– الشرح: شرح متوسط
– حصلت على: C
ننصح به
المـادة: تاريخ الكويت الحديث والمعاصر التاريخ: 2008-02-13
الطالب: جنان البصيري رقم التقييم: 13298
* الدكتور حبوب و محترم بس مرات يتميلق
* المحاضره حلوه و ممتعه
* المنهج وايد والكتاب اشمتنه
* الشرح ماله شغل بالمنهج بس مو تقليدي يعني يستخدم الكتاب و البوربوينت
* الحلو انه فيه برزنتيشن و الفاينل يتصلح بنفس الوقت وتاخذ الدرجه وتروح

– النجوم:
– المستوى: متوسط الصعوبة
– الشرح: شرح متوسط
– حصلت على: C
ننصح به
المـادة: تاريخ الكويت الحديث والمعاصر التاريخ: 2008-02-10
الطالب: SaMoOoRaH رقم التقييم: 13224
* الدكتور حبوب و محترم بس مرات يتميلق
* المحاضره حلوه و ممتعه
* المنهج وايد والكتاب اشمتنه
* الشرح ماله شغل بالمنهج بس مو تقليدي يعني يستخدم الكتاب و البوربوينت
* الحلو انه فيه برزنتيشن و الفاينل يتصلح بنفس الوقت وتاخذ الدرجه وتروح

– النجوم:
– المستوى: متوسط الصعوبة
– الشرح: شرح ممتاز
– حصلت على: B
ننصح به
المـادة: تاريخ الكويت التاريخ: 2008-01-16
الطالب: مـشـاري رقم التقييم: 12571
الماده طويله نوعا ما وممله بالنسبه لي
المحاضره خفيفه ودكتور اخلاق ومحترم وخفيف دم
عندك واسطه حياك تاخذ القريد اللي تبي ;p

– النجوم:
– المستوى: سهل جدا
– الشرح: شرح جيد جدا
– حصلت على: A
ننصح به
المـادة: تاريخ الكويت التاريخ: 2007-11-11
الطالب: shikha رقم التقييم: 12072
الدكتور حده حبوب وطيب
امتحاناته موضوعي(أختيار متعدد)
تضمن A عنده
وأنا أيد الأخ اللي قال عارضه بالرأي ويحفظ أسمك
وقت الميدترم يقولك لادقق حيل بالكلام ولا التواريخ واذا جاب بالأسئلة تاريخ يجيب تاريخ واحد
يعطي بونص وكيرف

– النجوم: لا يستحق نجوم
– المستوى: متوسط الصعوبة
– الشرح: شرح غير مفهوم
– حصلت على: B
لا ننصح به
المـادة: تاريخ الكويت التاريخ: 2007-10-03
الطالب: bint-el-badw رقم التقييم: 11940
شرح موزين
الدكتور وايد معلوماته مغلوطة اظاهر مدرس جديد
حرام يدرس هالمقرر وايد ما يعرف الكلمات الكويتية القديمة مع ان المادة تاريخ الكويت !!!!
درجاته وايد فيها مبالغة

– النجوم:
– المستوى: سهل
– الشرح: شرح متوسط
– حصلت على: A
ننصح به
المـادة: تاريخ الكويت الحديث و المعاصر التاريخ: 2007-09-22
الطالب: gafsha رقم التقييم: 11865
خوش ماده
سهله و تضمن فيها الA

كان اكو بروجكت
و قعد يسألنا عن الموضوع
و جاوبناه عدل !

و عطانا الدرجه كامله و Extra Points

– النجوم:
– المستوى: سهل جدا
– الشرح: شرح متوسط
– حصلت على: B
ننصح به
المـادة: تاريخ الكويت التاريخ: 2007-09-11
الطالب: oMr رقم التقييم: 11673
دكتور طيب ويعطي كيرفات وبونس ..
عارضه بالافكار يحفظ اسمك خخخخخخخخ

– النجوم:
– المستوى: متوسط الصعوبة
– الشرح: شرح ممتاز
– حصلت على: A
ننصح به
المـادة: تاريخ الكويت التاريخ: 2007-09-05
الطالب: z71 رقم التقييم: 11531
دكتور ممتاز و طيب و قمة في الأدب و الأخلاق
لو بقول عنه صراحه الكلام مايوفي بحقه
ما اقول إلا الله يوفقه

– النجوم: لا يستحق نجوم
– المستوى: متوسط الصعوبة
– الشرح: شرح غير مفهوم
– حصلت على: D
لا ننصح به
المـادة: (تاريخ الكويت الحديث والمعاصر) التاريخ: 2007-08-23
الطالب: حمزة رقم التقييم: 11399
حطيت تقييم عن هالدكتور ولكن رفض!
مادري شنو السبب بالضبط مع إني ما تعديت الحدود!!
راح أحط هالتقييم وأبين وجهة نظري وأحاول اختصر..
الدكتور مغرور بشهادة الكثير، وشرحه بصوب والمادة بصوب ثاني.. ما أنصح تاخذون عنده..

حـمـزة

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تاريخ الكويت التاريخ: 2007-08-10
الطالب: abu fahad رقم التقييم: 11222
ونعم الدكتوررر محترم متفاهههم ويقدر الظرووف تستاهل اكثررر قليل في حقك اي كلااام

– النجوم:
– المستوى: صعب
– الشرح: شرح غير مفهوم
– حصلت على: B
ننصح به
المـادة: تاريخ الكويت التاريخ: 2007-07-14
الطالب: barbie رقم التقييم: 10878
انا خذيت عنده ومادري شالسالفه وطلعت مادري شالسالفه

– النجوم:
– المستوى: سهل
– الشرح: شرح جيد جدا
– حصلت على: A
ننصح به
المـادة: تآريخ الكويت التاريخ: 2007-07-12
الطالب: BanoTa رقم التقييم: 10857
دكتـور طيب وحبوب ومن أحسن دكآتره التآريخ ،،

بإختـصــــــــار ..
أنصحكم فيـــــــــــــــــــــــــــه

– النجوم:
– المستوى: صعب
– الشرح: شرح جيد جدا
– حصلت على: B
ننصح به
المـادة: تاريخ الكويت التاريخ: 2007-07-07
الطالب: ga6o6a رقم التقييم: 10770
الصراحة الدكتور حده غريب الأطوار
يعني تكفه اسم المادة تاريخ الكويت الحديث والمعاصر 😐
شكو كل يوم يايب طاري الشيعة والسنه
ليش ؟؟؟
بس اهوا طيب و يراعي
مرة رحتله قلتله دكتور يوعانه بروح آكل .. عادي اتأخر شوي على المحاظره !! قالي عادي هههههه
حبوب و يعطي معلومات مفيدة.. يعني تستفيد من شرحة بالمحاضرة!!

– النجوم:
– المستوى: متوسط الصعوبة
– الشرح: شرح جيد جدا
– حصلت على: B
ننصح به
المـادة: تاريخ الكويت التاريخ: 2007-06-17
الطالب: maha رقم التقييم: 10449
وااااااايد طيب وحبووب ومتفاهم صج انه ماله علاقه بالكتاب بس كتابه مفهووم وسهل بالمقارنه مع كتب ميمونه ود.التميمي
لا تاخذ التاريخ إلا عنده اهو احسن دكاترته التاريخ
وإذا كلمته آخر الكورس ما عنده مشكله يرفعك قريد كامل
وايد خوش ريال الله يوفقه

– النجوم:

– المستوى: سهل
– الشرح: شرح جيد جدا
– حصلت على: A
ننصح به
المـادة: تاريخ الكويت التاريخ: 2007-06-11
الطالب: الفيلكااوي رقم التقييم: 10190
ااااااااااااااااااااااااااااه بس اااااااااااااااخ وين نحصل مثل هل دكتور ياخي قمه بالاخلاق والذوق والوفاء وماعنده عنصريه والله العظيم بدوي حضري تطلع شاق حلجك ومستانس وطالب ليقولك مو زين قوله جذاب هل دكتور ررائع ياحبيبي رائع ماهما قلت عن هل دكتور مايكفي الله يحميه ويعطيه ويسهله كل اموره ويخليله عياله يارب

– النجوم:
– المستوى: متوسط الصعوبة
– الشرح: شرح ممتاز
– حصلت على: A
ننصح به
المـادة: 100 Kuwait Modern & Contemporary History التاريخ: 2007-06-05
الطالب: amethyst `06 رقم التقييم: 9997
Dr. 3abdallah.. Ma Yeshra7 ElKetab, So It’s Up To You To Study It Bas 7a6ait Shar7 Mumtaz Cuz Wayed Ma3loomat Mufeeda BelMu7athara. He Is There If You Have Any Questions. Ma3roof Ena Ysa3ed Bel Grades. Sa3at A7es Ena Yet3amad Ynarfez ElWa7ed.

– النجوم:
– المستوى: متوسط الصعوبة
– الشرح: شرح جيد جدا
– حصلت على: A
ننصح به
المـادة: تاريخ الكويت الحديث والمعاصر0330100 التاريخ: 2007-06-04
الطالب: asoom رقم التقييم: 9968
دكتور زين وشرحه يكون على شكل قصة فيخليج تنتبهين معاه وامتحاناته كانت متوسطة الصعوبة ومو كل اللي في الكتاب شرحه بس جاء في الامتحان وكانت الكية المقررة كبيرة حيل كانت كتابين د0ميمونة الصباح ثلاثة أرباعها معانا وهو يعطي بحث ووهو حبوب وطيب ..باختصار أنصح فيه..

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تاريخ الكويت التاريخ: 2007-05-13
الطالب: alhajri رقم التقييم: 9730
دكتور جدا متفاهم
يوصل المادة على شكل قصة
لذلك هو مايلتزم بالكتاب مع انه هو مؤلف الكتاب
يعني كلها أفكاره مو أفكار غيره
ولكن التاريخ لغير المتخصصين مادة دسمه
لذلك هو يحب يوصلها على شكل قصص حتى يتسنى للطالب فهمها وتخيلها كقصه
انا كنت ماخذه الماده عند دكتوره عيفتنا بالماده
كانت صعبببه ودسسسمه حيل المادة كريهه
بس لما عدتها عن الدكتور حيل حبيت الماده
والامتحانات جدا جدا سهله
والبريسنتيشن تضمنون الدرجه كامله

– النجوم:
– المستوى: سهل جدا
– الشرح: شرح غير مفهوم
– حصلت على: A
ننصح به
المـادة: تاريخ الكويت الحديث والمعاصر التاريخ: 2007-04-11
الطالب: شموخ رقم التقييم: 9178
لا يشكر الله من لا يشكر الناس….
الدكتور عبدالله صراحة دكتور محترم ومتفهم لوضع الطالب وذو أخلاق عالية أتمنى من دكاترة الكلية أن يمشوا بخطاه

– النجوم:
– المستوى: سهل
– الشرح: شرح ممتاز
– حصلت على: C
ننصح به
المـادة: تاريخ المويت الحديث والمعاصر التاريخ: 2007-03-12
الطالب: slaiman رقم التقييم: 9013
نصيييييحه لا احد يغيب عنده وديروا بالكم ترا دايم يتاخر مو تروحون من القاعه اذا تاخر ترا مرات يتاخر 20 دقيقه وشاركوا عنده واهم شى خلوه ياخذ فكره حلوه عنكم وهو عقدته الغياب لانه بنظره يبين درجه احترام الطالب فيه وانا صراحه ما التزمت بالاشياء بس راح اعيدها انشالله واعوض بA انشالله
ولما تدرسون الكتاب ركزوا على اسماء الشخصيات وجناسيهم لان امتحاناته كلها اختيارى حتى الفانيل

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: تاريخ الكويت التاريخ: 2007-03-11
الطالب: jojo رقم التقييم: 9006
رجال بمعنى الكلمه وراعي نخوه ومن هقى فيه ما يخيب ظنه
حبوب وشقردي وروووووووووووووووووووووووووووووووووووعه

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تاريخ كويت التاريخ: 2007-01-11
الطالب: أحمد رقم التقييم: 8433
اهو أحسن دكتور ينزل تاريخ كويت
واذا بتاخذهه اختياري المادة سهلة حلوة

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: تاريخ الكويت التاريخ: 2006-11-06
الطالب: بنت الجوف رقم التقييم: 8062
بصراحه دكتور اكثر من رووووعه.. واللي يذمه مب عارف شي عن الدكاتره
يكفي انه يراعي ظروفك ويعطيم كجال تعبر عن كل شي بخاطرك
انصحكم فيه وغيره ما يسوى ى صدق

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تاريخ الكويت التاريخ: 2006-07-22
الطالب: تحرير رقم التقييم: 6075
لا تأخذون عنده شايف روحه جنه بالبلد ما في إلا هالولد
لكن عاجبنبي جدا جدا وياليت كل الناس نفسة والمادة حلوة عنده

– النجوم:
– المستوى: سهل
– الشرح: شرح متوسط
– حصلت على: B
لا ننصح به
المـادة: تاريخ الكويت التاريخ: 2006-06-10
الطالب: … رقم التقييم: 5083
دكتور قمه بالغرور
واذا ولد … اذا انت بدوي … يحطك فوق راسه
اما اذا حضري او عيمي … يحط حاله حالك
ما يبي احد يعارض افكاره
وممنوع تطالع الساعه اثناء المحاضره
بـ اختصار .. نصيحه لحد ياخذ عنده

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تاريخ الكويت التاريخ: 2006-06-07
الطالب: الــكــايــده رقم التقييم: 4937
دكتــووور ممتــاز
جزاه اللــه خيرررر

– النجوم:
– المستوى: سهل
– الشرح: شرح جيد جدا
– حصلت على: A
ننصح به
المـادة: تاريخ الكويت التاريخ: 2006-05-20
الطالب: عاشق رقم التقييم: 4325
ممتاز اكثر من اللازم.. درجات بالهبل.. طيبه زايده.. صج يقولون الشي لا زاد عن حده انقلب ضده لكنه عكس هالمثل..
اتمنى كل الدكاتره مثله
عيبه (هو بصوب والكتاب بصوب)

– النجوم:
– المستوى: متوسط الصعوبة
– الشرح: شرح متوسط
– حصلت على: B
ننصح به
المـادة: تاريخ الكويت التاريخ: 2006-05-17
الطالب: خياليه رقم التقييم: 4257
دكتوررر يجنن ويهبل وكل شئ فيه حلووو
وصراحه شخص يقدر ظروووف الطالبه ويسااعد حييل بالدرجات،، وانا لاني عايده الماده وكنت ماخذتها عن دكتوره نحسه بس الله عوضني بالدكتور عبدالله،،
وانا مالاومه اذا ماقدر يشرح لانه الماده صعبه وفيها كلالام وايد،،
بس لاتطوفووووووونه

– النجوم:
– المستوى: متوسط الصعوبة
– الشرح: شرح متوسط
– حصلت على: C
لا ننصح به
المـادة: تاريخ الكويت التاريخ: 2006-05-11
الطالب: خالد رقم التقييم: 4151
مغرور … يحب يخلي البنات يتلزقون فيه عقب المحاضره

وسلامتكم

– النجوم:
– المستوى: متوسط الصعوبة
– الشرح: شرح ممتاز
– حصلت على: B
ننصح به
المـادة: تاريخ الكويت الحديث و المعاصر التاريخ: 2006-04-23
الطالب: الحلوة رقم التقييم: 3718
الصراحة الدكتور يينن . و شرحه ممتاز و
انا امووووووووووووووووت فيه .
بس عيبيه الوحيد ما له علاقة بالكتاب.

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: تاريخ الكويت التاريخ: 2006-04-14
الطالب: كتكوته رقم التقييم: 3444
الصراحه…. أكثر دكتور حبيته من أول ما دشيت الكليه.. أنا ألحين بروح رابعه… الصراحه… شرح أينن.. ذوق.. امتحاناته حلوه.. و يساعد بطريقه مو طبيعيه.. هذا الدكتور كنت اذا ما حضرت عنده أموت… مع أني أطوف المحاضرات بشكل مو طبيعي .. بس هالدكتور حتى يوم المطر أروحله… اذا رحتوله و كلمتوه يساعد وايد

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: تاريخ الكويت التاريخ: 2006-04-06
الطالب: سعد رقم التقييم: 3170
احلى شرح شفته شرح هالدكتور
والله دكتور عجيب وماكو مثله
صج انه خريج امريكا
بس على الله يضبطنا ويحط لنا الـ A

– النجوم:
– المستوى: متوسط الصعوبة
– الشرح: شرح متوسط
– حصلت على: A
ننصح به
المـادة: تاريخ الكويت الحديث والمعاصر التاريخ: 2006-04-02
الطالب: ShouQa رقم التقييم: 3042

صج صج من غير مبالغة …مافي منه !!!
انسان ذوق ..صج انه ما يشرح ..بس وايد يراعي الطالب الي جدامه .ويعطيه فرص يعدل وضعه كثر ما يقدر !!
انا خذيت عنده B+
رحت كلمته وفهمته الظروف حطلي A

وPresentation بس مجرد انكم توقفون وتقولون اسمكم خذيتوا الدرجه والله خووووش دكتور !!

– النجوم:
– المستوى: متوسط الصعوبة
– الشرح: شرح غير مفهوم
– حصلت على: B
لا ننصح به
المـادة: تاريخ الكويت 101 التاريخ: 2006-03-15
الطالب: طالبة رقم التقييم: 2789
المدرس سيء جدا جدا وماله علاقة بالكتاب يحب يتكلم عن السياسة مبدأه في الحياة " انا أعارض اذا انا موجود" يحب يسولف عن نفسه مغرور لأبعد درجة ويحاول يغطي سوء شرحه بالكيرف الكبير
بالمختصر ما انصح فيه

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: تاريخ الكويت التاريخ: 2006-03-06
الطالب: ZiZi رقم التقييم: 2684
أكثر من رائع احلى دكتور بالجامعة كلها باختصار " بيعقد " طيب وحباب كتير كتير كتير وبيعطيك اكتر من حقك بالدرجات

– النجوم:
– المستوى: سهل
– الشرح: شرح جيد جدا
– حصلت على: A
ننصح به
المـادة: تاريخ الكويت الحديث والمعاصر التاريخ: 2006-02-12
الطالب: كيميائية رقم التقييم: 2353
صحيح انه ما يلتزم بالكتاب وانا أشوف هالشي ايجابي مو سلبي لأنه طبيعة المادة ما تحتاج هالشي وهذا ما يعني ان محاضرته مالها معنى على العكس يفتح عيونك على اشيا كثيرة لدرجة اني حبيت التاريخ مع انه ماله علاقة بالميجر مالي وفوق هذا يعطيك أكثر من حقك بالنهاية ممتاز ولا غبار عليه وياليت في كل كلية واحد بس مثله

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: تاريخ الكويت الحديث والمعاصر التاريخ: 2006-01-06
الطالب: ؟ رقم التقييم: 1924
دكتور ممتاز
يساعد في الدرجات
امتحاناته سهلة
بس عيبه الوحيد ان ماله علاقة بالكتاب