عشانا>>>اسباجيتي بالشيش طاووق والكريمة

ننقع مكعبات صدور الدجاج في بهارات وملح وروب وبقدونس مفروم ونخليهم في الثلاجة لجم ساعة

نقلي الشيش طاووق في شوية زيت او نشويهم

اذا استوت القطع نشيلهم ونخلي بصل مقطع ونقلبه على ما يتغير لونه ونضيف الفلفل الاخضر والفطر ونرجع بعدها الشيش طاووق وانا قطعتهم صغار لانه القطع كانت كبيرة

نضيف كريمة الخفق وبودرة الثوم وشوية صلصة طماطم للون وزعتر مجفف وفلفل اسود وجبن مبشور ونقلب على ما تغلظ الكريمة ونطفي النار

نفوح اسباجيتي او اي نوع معكرونة ونضيف عليها الخلطة

نقدمها

تقدرون تستخدمون الشيش طاووق الجاهز