علاقة مرت لاخوة بالحماة يعني اخت ريلها

رسميه افضل حتى لو حسيتي انهم طيبات معاك ويحاولون يتقربون منج
هم خليج رسميه معاهم ،احسلج عشان تبعدين عن المشاكل

احس يختلف احنا عندي مرت اخويه الصغير هيا اكبر مننا بكم سنه بس نحبها ونموت فيها كانها اختنا مو كانها مرت اخو وهيا نفس الشي تحبنا وعادي معانا

الله يخليها ويحفظها لاولادها واخويه

مرة الاخو مالها شغل " كلش " في حماتها لا في ملابسها ولا طلعاتها ولا ربعها , عندها البنت ام وابو واخت واخو مش ناقصه حد جديد يجي يتحكم ويزنق , لازم العلاقه تتكون رسميه ماتطيح الميانه وايد لان مهما الوحده تكون طيبه لازم يا الحماه تتكلم ف مرت اخوها انها لزقه او وايد تلزق او … او مرة الاخو تغار من علاقة ريلها باخته او تصير مشاكل , البعد احسن !

خلي علاقتج فيهم رسميه بس بنفس الوقت طبيعية مثل ماقالت أختي العضوه ياكرهي بوقت المناسبات ولاسمح الله العزا خلج وياهم واقفه بس نصيحه اسرار وسؤالف اهلج ماتنقال لزوج ولا للاهله

بالنسبه لعلاقة مرت الاخو والحماة انا افضل انها تكون طبيعيه لا تصير رسميه ويقولون عنج نفسيه ولا تصيرين معاهم وتطيحين الميانه ويمكن ما يتقبلون ويقولون لزقه او اي شي ثاني وطبعآ هذا على حسب البنات يعني في حموات لازم تتصرفين معاهم بحذر لانه ما يعجبهم العجب وفي بنات لا ينحطون عالجرح يبرى بس الاكيد انه مرت الاخو مالها علاقه بتصرفات الحموات ولبسهم وتتحكم فيهم كلش لا لانه عندهم اهل ولا تدخلتي بعذر النصيحه بيكرهونج بعذر التحكم