علموني الرومانسيه

حبيبتي الرومانسيه مالها مفهوم محدد
الهدوء لوحده يعتبر نوع من انواع الرومانسيه
الابتسامه الهاديه ونظرة الاعجاب تعتبر نوع من الرومانسيه ..
حركات بسيطه جدا تعتبر نوع من انواع الرومانسيه ..
وبما انج جريئه فالموضوع راح يكون اسهل ..
اولا خصصيلج يوم بالاسبوع يكون يوم خاص لج انتي وزوجج .. تكشخين فيه وتسوين اجواء رومانسيه
مو شرط تكلف او مبالغه ..
مثلا كل خميس ..
عقب ماتخلصين زوارتج وريلج يخلص من يمعته ..
صبقيه للبيت .. نظفي وبخري وشبي شموع واضائه خفيفه
لبسي نفنوف ستان طويل وعاري من فوق الصدر والجتف ..
سوي شعرج تسريحه ناعمه وبسيطه
تمكيجي مكياج غير عن المعتاد .. غيري رسمة العين او لون الحمره
واول مايدش زوجج البيت حظنيه ولزقي فيه
وطبعا تكونين مجهزه عشاء خفيف وقعدي يمه وكليه بيدج ..

—

وقت النوم
تعطري وتمرخي باللوشنات والعطور .. لبسي لبس مغري مو شرط قميص نوم لكن لبس يظهر مفاتنج وركزي على الاجزاء الي زوجج يحبها بجسمج خليها بارزه .. ولزقي يمه بالفراش لعبي بشعره وقوليله احبك .. طبعا بنبرة خجوله .. وعطيه بوسه صغيره ونامي على صدره .. خلي هالحركه يوميه ..

——

لما يتكلم طالعيه بنظرات اعجاب وتنحي بويهه .. طبعا راح يسألج اشفيج ..
قوليله احبك ..
سرحانه بويهك الحلو ..
او صاير حلو ..
سمعيه اي كلمه حلوه ..

———-

سويله ليلة مساج الرياييل يموتون بالمساج ..
اشتري شموع واوبل للمساج .. وعطري الفراش وقوليله اليوم بسويلك مساج خاص ..
لبسي لبس حلو وناعم ومغري نفنوف قصير وناعم
فرشيله ورد خفيف عالفراش ..
راح يحس ان هالحركه فيها رومانسيه خاصه لما يشوف الورد و الشموع ..

اشتري ورده حمره وحطيها على سيارة زوجج مع رساله مكتوب فيها احبك .. هاذي حركه راح تكسر حاجز الملل وزوجج راح يقول زوجتي عليها حركات مو هينه ..

والقسم متروس من هالمواضيع المفيده .. اهم شي بالرومانسيه الاسلوب الهادي والابتسامه المريحه والتلزق ؛) دايما خلي ايدج بيده وويهج يم ويهه حتى وقت الاكل شاركيه بصحن واحد

تكافخو بالمخاد ….. >>>> المقصد لعبو واستانسو لا تصيرين روتينية
اقرو كتاب وتناقشو فيه
اممممم مادري شقول بعد عصرت مخي هههههه
المهم الامور الاغرائية الاخت قالتها والنت متروس

و وكت الشيسمونه مايبيج الريال رومانسية الريال يبي الانوثه اسفه على هلكلام بس لازم تغيرين من اسلوبج كله اذا انتي في اول حياتج جذي عيل بعد سنين شبتسوين

مايمنع انج تفاجأينه بحركات و انا ما اقولج المره لازم دايما تكون قمه بالانوثه و الحركات لا لان ممكن يمل بس خلج فحياتج العاديه رقيقه و بنفص الوكت طبيعيه و شوفي الفرق الي راح يبين على نفسيته

بعدين تعالي اذا انتي المره ام الكشخه و السنع تقولين ما ألبس قميص عيل لاتشكون من الصروال و الفنيله لي لبسهم

حاولي تسوين تغير جذري و بتشوفين الفرق ان شالله

و مكياج و تسريحه سوي لنفسج باف او خليه سيده

على حسب اللي يصلحلج

و تعطري و حطي لوشنات

و اكو طريقه تريح الريال

قبل النوم تحطينله زيت المساج مال بودي شوب و دلكيه

و خليه يرتاح من المساج

و بعدها لما يرتاح بتصير السالفه الصجيه

جربيها و ادعيلنا